Que sorte cando fai un pouquiño de sol e podemos saír a fóra e aprender xogando xuntos, axudándonos, pensando en grupo, e descubrindo o mundo doutros modos.
Unha fermosa mañá os raios do sol entraron na nosa aula coma sempre, pero dunha forma moi diferente.
Esta vez a luz dirixiuse a unha camiseta con abelorios e miles de reflexos luminosos recorreron o chan, o teito, as paredes e mesmo as nosas caras e corpos.
Rapidamente abrimos as fiestras de par en par e deixamos que toda a luz ateigara a nosa clase.
Desfrutamos experimentando e analizando como cos movementos os reflexos cambiaban de posición, de tamaño e incluso parecían máis claros ou máis escuros.
Emocionados e emocionadas polo que estaba ocorrendo, comezamos a ter gran curiosidade, a facernos preguntas e a querer saber cómo acontecía todo iso.
Esas preguntas precisaban unhas respostas, foi así como naceu un proxecto sobre a LUZ, no que seguiremos traballando.
A continuación, mostramos un TALLER DE SOMBRAS, no que a nosa imaxinación e a creatividade voaron alto, moi moi alto.
Para facelo, empregamos a nosa man colocandoa de diferentes formas, obxectos e diferentes materiais a nosa disposición.
Debuxamos e coloreamos as sombras que se formaban e finalmente, todas e todos xuntos, cavilamos para decidir a qué se nos parecía cada unha das nosas creacións.
Décimo quinto programa da Radio Arrabal deste curso 2020-2021. Programa especial con moitos contidos sobre o día da Paz e a non violencia. A voar nas ondas do Arraballll!!!!
19 de novembro: Día Mundial para a prevención do Abuso Sexual Infantil.
Contacontos: "Nin un biquiño pola forza", comprensión e reflexión, porque debemos coñecer que temos dereito a escoller, que podemos dicir NON, e se non funciona, pedir axuda.
