O Parlamento
Función: Órgano da UE elixido por sufraxio directo, con responsabilidades lexislativas, de supervisión e presupostarias
Membros: 751 eurodeputados (deputados ao Parlamento Europeo)
Presidente: Martin Schulz
Creado en: 1952 como Asemblea Común da Comunidade Europea do Carbón e do Aceiro, 1962 como Parlamento Europeo, primeiras eleccións por sufraxio directo en 1979
Sede: Estrasburgo (Francia), Bruxelas (Bélxica), Luxemburgo
Sitio Web: Parlamento Europeo
O Parlamento Europeo é o órgano lexislativo da UE. É elixido directamente polos votantes da UE cada cinco anos. As últimas eleccións celebráronse en maio de 2014.
Funcións do parlamento
O Parlamento desempeña tres funcións principais:
- Competencias lexislativas
- Aprobar a lexislación da UE, xunto co Consello da Unión Europea, a partir das propostas da Comisión Europea
- Decidir sobre acordos internacionais
- Decidir sobre ampliacións
- Revisar o programa de traballo da Comisión e pedirlle que elabore propostas de lexislación
- Competencias de supervisión
- Control democrático de todas as institucións da UE
- Elixir o Presidente da Comisión e aprobar a Comisión como colexio. Posibilidade de aprobar unha moción de censura, que obrigue a Comisión a dimitir
- Aprobar a xestión do presuposto, é dicir, a aprobación do xeito en que gastaron os presupostos da UE
- Examinar as peticións dos cidadáns e realizar investigacións
- Debater a política monetaria co Banco Central Europeo
- Formular preguntas da Comisión e do Consello
- Observación electoral
- Competencias presupostarias
- Establecer o presuposto da UE xunto co Consello
- Aprobar o presuposto da UE a longo prazo («marco financeiro plurianual»)
Composición
O número de eurodeputados por cada país é aproximadamente proporcional á súa poboación, pero seguindo unha proporcionalidade decrecente: ningún país pode ter menos de 6 nin máis de 96 eurodeputados, e o número total non pode ser superior a 751 (750 máis o Presidente). Os deputados ao Parlamento Europeo agrúpanse por afinidades políticas, non por nacionalidades.
O Presidente representa ao Parlamento ante as demais institucións da UE e no exterior e dá o visto e prace final ao presuposto da UE.
Como funciona o Parlamento
O traballo do Parlamento componse de dúas etapas principais:
- nas comisións - prepárase a lexislación.
O Parlamento conta con 20 comisións e dúas subcomisións, cada unhas das cales se ocupa dun ámbito político determinado. As comisións examinan as propostas de lexislación e os eurodeputados e grupos políticos poden presentar emendas ou propoñer rexeitar un proxecto de lei. Estas cuestións son tamén obxecto de debate nos grupos políticos. - nas sesións plenarias - apróbase a lexislación.
A sesión plenaria é o momento en que todos os deputados do Parlamento Europeo se reúnen na cámara para a votación final da lexislación proposta e das propostas de modificación. Normalmente celébranse en Estrasburgo durante catro días ao mes, pero ás veces hai sesións adicionais en Bruxelas.
