A Unión Europea está composta de 28 países soberanos independentes:
Alemaña, Austria, Bélxica, Bulgaria, Chipre, Croacia, Dinamarca, Eslovaquia, Eslovenia, España, Estonia, Finlandia, Francia, Grecia, Hungría, Irlanda, Italia, Letonia, Lituania, Luxemburgo, Malta, Países Baixos, Polonia, Portugal, Romanía, Reino Unido, República Checa e Suecia.
Hai dous países candidatos oficiais, a República de Macedonia e Serbia, mentres que Montenegro e Turquía están en negociacións. O resto de países dos Balcáns occidentais, Albania, Bosnia e Hercegovina e Kosovo, son recoñecidos oficialmente como candidatos potenciais. Kosovo é tamén considerado pola Comisión Europea como un potencial candidato, mais esta institución non o lista como un país independente, porque non todos os Estados membros recoñéceno como un país separado de Serbia.
Para unirse á UE, un país debe satisfacer os criterios de Copenhaguen, definidos en 1993 no Consello Europeo de Copenhaguen.
Esixen:
- Unha democracia estable que respecte os dereitos humanos e o Estado de Dereito.
- Unha economía de mercado viable capaz de competir dentro da UE.
- Aceptación das obrigacións da adhesión, incluída a lexislación da UE.
