Este curso, dentro do proxecto de vida activa e deportiva que organiza a Cnsellería de Educación, articiparemos nas seguintes modalidades: Xogos Galegos Deportivos en idade escolar (XOGADE) e na modalidade a Milla diaria.
Todos os días, de 10:30 en adiante recorreremos unha milla diaria arredor do colexio co fin de acadar os seguintes obxectivos:
- Realizar unha milla diaria (andando/trotando) dentro do horario lectivo.
- Incrementar a actividade física diaria dentro do horario lectivo.
- Medir o impacto na saúde do alumnado a través do seguimento duns parámetros mínimos saudables (peso, perímetro de cintura-cadeira, talla <IMC>).
- Traballar de forma transversal os contidos da actividade física diaria e hábitos saudables (alimentación, hixiene, condutas nocivas -alcol, tabaco, sedentarismo asociado a pantallas-).
Nas primeiras sesións e posta en práctica desta modalidade, toda a comunidade educativa que participa na mesma, valora moi positivamente os resultados obtidos e o desenvolvemento da mesma.
