O alumnado e persoal do centro acudimos hoxe ás praias da Concha e A Basteira para conmemorar o "Día Mundial do Medio Ambiente" ( 5 de xuño ) e o "Día Mundial dos Océanos" (8 de xuño ). Fixémolo realizando unha limpeza das nosas praias para concienciarnos da necesidade de coidalas e tamén de coidar o noso mar. Así poidemos desfrutar tamén dunha merenda e de xogos tras a limpeza.

Todos e todas levamos unha gorra azul co lema: " Coidar o mundo é coidar o teu futuro" que saíu selccionado nun concurso realizado entre todo o alumnado e proposto polo Equipo de Dinamización da Lingua Galega. O alumnado pasou unha mañá distinta, divertida, respectando o protocolo, e MOI MERECIDA!!!!!

O alumnado de Educación Infantil realizou hoxe, seguindo todas as medidas contempladas no protocolo anti-Covid, unha saída didáctica polo casco antigo do pobo de Cariño.

Iniciamos a saída andando polo paseo marítimo e percorrimos as rúas Sol, Carme e Travesía da Mariña. Paramos para descansar, e coñecer, a Praza da Mariña Española, e continuamos pola rúa Jesús Creciente Veiga ata a igrexa. Voltamos á Praza da Mariña pola Travesía de Centeás. Seguimos pola Travesía da Mariña ata a Praza da Pulida, baixamos polo Calexón de Picos e chegamos de novo ao paseo. Nos xardíns do paseo paramos a merendar e xogar para logo voltar ao centro.

O alumnado desfrutou dunha actividade didáctica ao aire libre con todos/as os/as compañeiros/as de ciclo, pero sen mesturarse, e poideron divertirse coñecendo á vez o seu pobo.

No seguinte enlace da Aula Virtual do centro pódense atopar os videos elaborados polos distintos grupos correspondentes á conmemoración das Letras Galegas 2021 e de final de curso.

VIDEOS LETRAS GALEGAS

A Deputación da Coruña, en colaboración co concello de Cariño, organiza unha "campaña de vela e windsurf" para a iniciación e realización de práctica de navegación a vela.

Para o concello de Cariño as datas asignadas son de 5 a 9 de xullo, prazo de inscrición do 1 ao 18 de xuño.Dirixido a nenas e nenos empadroados na provincia, nacidos entre o 1 de xaneiro de 2003 e o 31 de decembro de 2012 ambos inclusive.

Requisitos:

• Saber nadar.
• Facer un pago de 25 euros.

Máis información:

Concello de Cariño https://www.concellodecarino.gal/campana-de-vela-2021/

Deputación da Coruña https://www.dacoruna.gal/deportes/campana-vela

Formulario de inscrición e información.

O día 20 de maio de 2021 foi publicada no DOG a orde pola que regula a participación no fondo solidario de libros de texto e se convocan axudas para adquirir libros de texto e material escolar , acceso ao DOG

 PRAZO:

21/05/2021 ao  22/06/2021

 DESTINATARIOS:

 Fondo solidario de libros: alumnado de 3º e 4ºde EP; o alumnado matriculado en 5º e 6º de EP no curso 2021/2022 disporá de ordenadores do proxecto E-dixgal para acceder aos libros dixitais.

 Axudas para a adquisición de libros de texto: alumnado matriculado en 1º e 2º de EP no curso 2021/2022

 Axudas para a adquisición de material escolar: o alumnado matriculado en todos os cursos de EP

SOLICITUDES:

 Preferiblemente de xeito telemático a través da aplicación web fondolibros , ou desde a sede electrónica da Xunta de Galicia
 

Presencialmente con cita previa no teléfono 881880434 ou no correo ceip.manuel.fraga@edu.xunta.gal

 As solicitudes deberán estar asinadas polo pai, nai,titor/a ou representante legal do/a alumno/a.

As persoas interesadas deberán achegar coa solicitude (anexo I) a seguinte documentación:

a) Anexo II (comprobación de datos dos membros computables da unidade familiar).

 b) Copia do libro de familia ou documento equivalente, onde figuren o alumno e os demais membros computables da unidade familiar.

 En caso de separación ou divorcio, deberán achegar, ademais, a sentenza xudicial e/ou convenio regulador onde conste a atribución da custodia do/da menor.

 Excepcionalmente (cando non sexa posible facelo polos medios anteriores), poderase acreditar o número de membros computables utilizando algún dos seguintes medios:

1º. Certificado ou volante de convivencia.

 2º. Informe dos servizos sociais ou do órgano equivalente do concello onde resida a familia.

 Nos casos especiais en que a composición da unidade familiar non se axuste ao sinalado no artigo 4.1 desta orde, achegarase un certificado ou volante de convivencia en que deberán figurar o/a alumno/a e todos os familiares que convivan con el/ela, ou un certificado dos servizos sociais do concello que acredite a situación familiar.

 c) Certificado de discapacidade do/da alumno/a ou calquera membro da familia non expedido pola Administración autonómica.

d) Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero.

e) Resolución xudicial de incapacitación con patria potestade prorrogada ou rehabilitada.

f) Resolución administrativa ou xudicial acreditativa da situación de acollemento ou do certificado do centro de menores, para o alumnado en situación de tutela ou garda da Xunta de Galicia.

g) Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor ou titores carezan de DNI e NIE.

Mais información:

Servizo web fondolibros: https://www.edu.xunta.gal/fondolibros/

Sede electrónica: sede.xunta.gal

Documentos de solicitude: anexo I e anexo II

IMPORTANTE:o alumnado que para curso 2021/2022 estará matriculado en 1º de ESO deberá presentar a solicitude no IES correspondente.

Ola, xa temos o número 77 do noso xornal escolar "O Espigonciño".

Edición Letras Galegas, maio 2021.

Preme para velo en formato PDF.