Atendento á Orde do 2 de marzo de 2021 e á Circular 2/2021 da Consellería de Cultura, Educación e Universidade, establecéronse para este centro os seguintes prazos para a reclamación das cualificacións finais e das decisións de promoción en Educación Infantil e Educación Primaria:

• 22 de xuño: comunicación ás familias das cualificacións finais e decisión de promoción.
• 23 e 24 de xuño: prazo para que as familias podan solicitar por escrito, debidamente xustificado, a revisión das cualificacións finais e decisión de promoción.
• 29 e 30 de xuño: prazo para presentar reclamación ante a Xefatura Territorial.

A información máis ampla e detallada podédela consultar nos seguintes enlaces:

Orde do 2 de marzo de 2021

Circular 2/2021

Dende o Equipo TIC retomamos o II Concurso fotográfico do curso pasado (que fora cancelado pola situación sanitaria do momento), con distinto tema: "Cariño e o mar"

Premede en "Adxunto" para ler as bases do concurso.

Animádevos a participar!!

Está exposta no vestíbulo do centro a lista provisional do alumnado que iniciará a escolarización en 4º de EDUCACIÓN INFANTIL o vindeiro curso 2021-2022 (todas as solicitudes presentadas foron admitidas).

 A lista definitiva estará exposta antes do 15 de maio.

 A formalización da matrícula deberá facerse entre o 20 e o 30 de xuño entragando no centro o formulario adxunto.

DOCUMENTO DE FORMALIZACIÓN DA MATRÍCULA.

Lexislación relacionada:

ORDE do 18 de decembro de 2020

Onte venres, 26 de marzo, os alumnos e alumnas de 2º curso de primaria participaron telemáticamente por videoconferencia na actividade “Buscando vida no universo”, que forma parte do proxecto CiudadCiencia, un proxecto de divulgación científica do Consejo Superior de Investigaciones Científicas (CSIC) e da Fundación Española para la Ciencia y la tecnología (FECYT) coa colaboración do Concello de Cariño.

Reseña en ENFOQUES.GAL

  Clase de 2ºA

 Clase de 2º B

PROCESO DE ADMISIÓN DE ALUMNADO

CURSO 2021/2022

PRAZO: DO 1 AO 22 DE MARZO DE 2021

O vindeiro luns, 1 de marzo de 2021 iníciase a fase de admisión de alumnado en centros docentes sustentados con fondos públicos que imparten ensinanzas de 2º ciclo de Educación Infantil, Educación Primaria, Educación Secundaria Obrigatoria e de Bacharelato, reguladas na Lei 2/2006, do 3 de maio, de educación, para o curso 2021/22.

O alumnado que xa está matriculado neste centro non ten que facer ningún trámite.

O alumnado que iniciará a escolarización en 4º de EDUCACIÓN INFANTIL no vindeiro curso 2020/2021 deberá realizar a presentación da solicitude no colexio solicitando cita previa no teléfono 881 88 04 34 ou facéndoo a través da web da Consellería de Educación (admisionalumnado).

Tanto no caso de presentar a solicitude telemáticamente como no caso de presentala directamente no centro deberá achegarse fotocopia da documentación pertinente:

• DNI da alumna/o en caso de telo.
• DNI proxenitores.
• Libro de familia.
• Se é o caso, documentación xustificativa da solicitude dunha praza para alumnado con necesidades específicas de apoio educativo.
• Certificado oficial do expediente académico se é o caso.
• Sentenza xudicial de separación ou divorcio e/ou convenio regulador onde conste a custodia do menor, de darse o caso.
• No caso de presentar a solicitude persoalmente no centro, ésta estará firmada alomenos por un dos proxenitores.
• No caso de separación ou divorcio será necesaria a sinatura de ambas/os proxenito-ras/es, agás que a patria potestade estea atribuída, con carácter exclusivo, a un deles.
• No suposto de alumnado afectado por situación de violencia de xénero non será exixible o previsto no parágrafo anterior.
• Outra documentación.

Axuda e Normativa relacionada

Impreso de solicitude: GALEGO / CASTELÁN

A vindeira semana empezamos cos mandados do Meco para celebrar o Entroido no colexio. Este ano esta será a única celebración que se fará xa que non haberá desfile nin confección de disfraces nas aulas. Os mandados do Meco serán coma tódolos anos acumulativos para rematar o venres 12 traendo postos todos os adornos.

Os mandados do Meco están neste anuncio no arquivo adxunto