O pasado 7 de febreiro despois de ter traballado unha semana sobre a paz saimos das nosas aulas para cantar e interpretar facendo unha pequena actuación. Pasámolo xenial tanto preparando os materiais como aprendendo a canción e bailando. O resultado queremos compartilo con toda a comunidade educativa e o resultado é o que ides ver neste precioso video:

 As aportacións da cuestación "Día da Paz" recibidas no cole xa están en mans dos que axudarán aos mais desfavorecidos/as. Aquí vos deixamos a carta de agradecemento que recibimos onte por parte da ONG Médicos sen Fronteiras.  Moitas grazas de novo.

CARTA DE AGRADECEMENTO DONACIÓN A MÉDICOS SEN FRONTEIRAS

Hoxe o  alumnado de 6º, axudado por algúns docentes, foron os encargados de cortar as bridas da nosa furna da cuestación da Paz. Fixeron  reconto de todo o aportado polos nenos/as, as súas familias e os docentes do noso cole. Recordamos que este ano a ONG elexida foi Médicos sen Fronteiras que dedicará os 617 euros que xuntamos á compra de vacunas contra a Covid-19 para os nenos/as do terceiro mundo.

Grazas a todos/as por poñer este grao de area para esta poboación máis desfavorecida. Sodes un exemplo de solidariedade

Coma sempre, deixamos evidencia da actividade

Durante a semana pasada todo o alumnado estivo traballando sobre A PAZ: individualmente, por grupos, por clases,... para conseguir unha actividade  final que realizamos todos xuntos o pasado luns, 7 de febreiro. Foi unha semana moi intensa pero mereceu a pena, e o  luns foi un día moi especial onde nos responsabilizamos e, á vez,  gozamos dunha actividade moi especial, na cal o  alumnado estivo á altura e portouse xenial. Estiveron a gravarnos e, nuns días subiremos o video á web para que as familias tamén podan gozar do traballo dos/as nenos/as. Esta é unha pequena mostra do traballo realizado.

Estamos a intentar activar e dinamizar o noso  patio do cole co obxectivo de que  os nenos/as teñan diversos  espazos onde gozar de diferentes xogos. O curso pasado compráronse dous panéis que xunto con tres máis mercados este curso, foron colocados coa axuda do Concello, a quen lle damos as grazas polo seu apoio. Queremos seguir mellorando, polo que seguemos a traballar para poder acadar este obxectivo que consideramos moi importante.

  Queremos deixar constancia dalgúns dos desexos que os nosos/as nenos/s subiron ás nubes, oxalá se lles cumpran:

"Mi deseo sería que todos/as pudiésemos manipular el tiempo para arreglar las cosas de las que nos arrepentimos".

"Que todos/as vivamos ben".

"Que os/as nenos/as pobres teñan cama, casa, familia e diñeiro".

"Desexo que Deus coide dos /as nenos/as pobres e dos adultos  e lles dea comida".

"Me gustaría que hubiera paz mundial".

"Deseo que mi mamá y mi papá vuelvan a estar juntos en todo el mundo"

"Desexo que todos/as nenos/as teñan liberdade".

"Desexo que todos/as os/as nenos/as sexamos respectados e que teñamos un fogar".

...

E moitísimos máis que podemos ler entre as nubes.