C O M I D A      D E      C O N V I V E N C I A      

Coma todos os anos, rematamos o curso celebrando unha comida de convivencia de toda a comunidade educativa: pais, nais, alumnado, profes...

Pero... este curso foi especial xa que amenizamos a sobremesa coa celebración do día da música con actuacións musicais do noso alumnado

e en especial as dos máis peques que podedes ver neste vídeo

Celebración do día da música

Celebración da comida de convivencia

UNHA NOVA PROMOCIÓN DEIXA O NOSO CENTRO

O antes e o despois: Xa pasaron uns cantos anos!!!

AQUI TEDES UN VÍDEO COMO LEMBRANZA DO SEU PASO POLO NOSO CENTRO

Para despedirse do centro o alumnado dedicounos unha canción que podemos ver neste vídeo

 E dende o centro para todo o alumnado de 6º....

 Que teñades moita sorte e lembrade que aquí sempre seredes BENVIDOS!

Pero non podemos esquecer o resto do noso alumnado deste curso 2013 - 2014 

Durante o mes de maio, o noso centro participou no proxecto "Peciños: Un paso adiante", proxecto da Asociación Sociocultural de Minusválidos de Ferrol (ASCM) galardonado co premio solidario do Concello de Ferrol do ano 2013.

Este proxecto que fomenta o traballo en equipo acercounos á inclusión a través do deporte e das actividades psicomotrices. Grazas a esta iniciativa reflexionamos sobre a discapacidade e hábitos saludables. O alumnado participou en distintas actividades dende o punto de vista da discapacidade.

Aquí tedes unhas imaxes.

Podemos ver máis imaxes na nosa galería de fotos premendo aquí  

Tamén no blog da ASMC dedicado ao Proxecto Peciños atopamos información sobre as actividades realizadas no noso centro.

 FESTA DE CLAUSURA DO PROXECTO PECIÑOS

 O domindo 22 de xuño, na Praza do Inferniño terá lugar a festa de clausura do "Proxecto Peciños" con actuacións en directo, maxia, pallasos, globoflexia...

As actividades comezarán ás 17:30 co acto de clausura e entrega de premios no Centro Cultural Carvalho Calero e a continuación haberá as actividades na Praza do Inferniño ata ás 20:30. No caso de choiva realizaráse no pavillón do Ensanche.

A entrada e gratuita para toda a familia.

A AVOA DOS TAPÓNS 

ENTREVISTADA POLO ALUMNADO DE 5º E 6º DE PRIMARIA

Investigar xuntos é o que ten. 

Á pregunta:

- Que é o que hai detrás dese contendor que día a día imos enchendo xuntos de tapóns?

Quen mellor que a avoa dos tapóns para conseguir respostas. 

Un grupo de alumnos entrevista a unha muller loitadora como moitas, que trata de axudar á súa neta coa recollida de tapóns.

UN PEQUENO ESFORZO NOSO É UN GRAN LOGRO PARA OUTROS. 

Enviámoslles un bico de solidariadade do CEIP Isaac Peral para ela e todos aqueles que están a colaborar,

que sabemos que son moitos.

CADROS E CONTOS

O xoves 8 de maio, as nenas e nenos de 4º B e de 2º de Primaria participamos na carreira pola lingua "CORRELINGUA". Comezamos a xornada cunha carreira pola rúa Galiano ata a Praza de Armas para continuar con actividades de xogos populares. Por último tivemos a sorte de escoitar ao grupo TIC - TAC no teatro "Jofre".

        PASÁMOLO MOI BEN !!!!   Estas son algunhas imaxes.

Máis fotografías na nosa galería de imaxes 

 Dende a ONG "Solidaridade galega co pobo saharaui" pedíronnos a nosa colaboración co Sahara e por iso organizamos unha carreira solidaria para toda a comunidade educativa.

Será o martes 20 de maio. Sairemos do centro ás 17:00 e o percorrido será o seguinte:

Avda Mac Mahón - Rúa Españoleto - Naturalista López Seoane - Avda de Vigo - Estrada de Circunvalación - Avda de Mac Mahón. 

A ONG "Solidaridade galega co pobo saharaui" intenta que nenos e nenas saharauies pasen as súas vacacións en Galicia disfrutando dun tempo de Paz. Nós intentamos sumarnos a esa iniciativa, por iso pedimos a colaboración das familias aportando un euro por cada un dos participantes na carreira.

Cada alumno/a deberá comunicar o número de participantes, e entregar a aportación ao seu profesor/a titor/a quen lle facilitará un dorsal por participante. Este dorsal deberánno traer colocado nas costas o día da carreira.

Ao remate da carreira repartiremos auga e froita no patio do colexio.

ESPERAMOS A PARTICIPACIÓN DE TODOS O MARTES 20 DE MAIO!

E chegou o día da carreira!!!!

A recaudación foi de 322 euros!

Grazas a todos pola colaboración.

Máis imaxes da carreira na nosa galería de fotos 

Agradecemos á ANPA a súa axuda na oganización desta carreira.

O AUTISMO non é unha enfermidade senón máis ben unha desorde no desenvolvemento das funcións do cerebro permanente. Sabémolo moi ben en 4º que investigamos na clase sobre este tema.

Neste video tedes unha pequena mostra dos nosos traballos.

Pintor, profesor e músico.

Promotor de AS MENINAS DE CANIDO, con un enfoque artístico e social: de como un soño pode cambiar un barrio.

O 9 de abril, dentro do proxecto "Ferroleando polos lenzos", o

alumnado do 2º ciclo de Primaria foi recibido en

Canido por EDUARDO HERMIDA.

El quere recollelas todas e colgalas polas rúas e ventás das casas dos veciños o día 6 de setembro: Festa das Meninas en Canido.

 , por ensinarnos a ver a beleza das cousas; neste caso da nosa cidade.

O martes, 29 de abril, o alumnado de educación infantil disfrutou dunha sesión de contacontos na biblioteca  "Antón Cortizas" do noso centro. Alí esperábaos IAGO LÓPEZ que fixo unha interpretación de dous contos:

"O aprendiz de home do saco" e

"O señor corpo quere xogar".

Este acto foi posible grazas á xentileza da Editorial ANAYA no seu afán de animación á lectura.

 Premendo en cada imaxe encontrarás CONTACONTOS que falan de formas, cores, tamaños, sentimentos..., relacionados co tema que nos guiou este curso:

"Ferroleando polos lenzos"; e sobretodo relacionados coa

  animación á lectura.

O xurado do premio Antón Losada Diéguez, na súa XXIX edición, otorgou o premio

en Investigación e Ensaioa ANTÓN CORTIZAS pola súa obra TASTARABÁS.

Enciclopedia de brinquedos tradicionais e uso lúdico da natureza, editada por Xerais.

O xurado salientou que "o autor fixo un traballo exhaustivo, riguroso e singular, e que vai ser de gran utilidade para o público en xeral e, de forma moi especial, para as novas xeracións".

Dende a biblioteca "Antón Cortizas", do colexio Isaac Peral, sentímonos felices polos teus éxitos.

Con moito ánimo, puxémonos en marcha para recorrer o terceiro trimestre deste curso.

 Empezamos pisando forte; era o segundo día de clase, e xa tíñamos algo que  celebrar: Día do Libro. Un recordatorio que nos chega cada 23 de abril para invitarnos a ler. Ler como acción

divertida, creativa, imaxinativa; ler para compartir, para adquirir e mellorar o noso coñecemento.

"O que le moito e anda moito,

ve moito e sabe moito".

-MIGUEL DE CERVANTES-

 Este mércores, 23 de abril, para celebrar a "festa dos libros", xuntámonos todos no patio. E alí, cada neno e cada nena, con xices de cores e moita imaxinación, pintou o que lle suxería un día tan especial.   

E así foi quedando o patio: cheo de títulos, letras, personaxes, historias...

LIBROS E CORES UNIDOS POLA FANTASÍA.

 Todo o curso preparándonos para este día especial dos libros. E mentres non chegaba, fomos lendo, escribindo e pintando outras cousas:

 Puxemos a circular polas aulas o  , que este ano Peraliño enviouno cheo de libros que  falan de pintura.

  - Durante o curso todo o alumnado participou elaborando o xornal "O PAÍS DE PERALIÑO". Cada nivel encargouse dunha sección. E cada neno e nena traía da súa casa unha noticia que consideraban importante.

Acabou cun gran formato e moito contido.

   - Cada neno e cada nena, xunto coa súa familia, decorou unha tarxeta na que viña escrita a man unha palabra relacionada co tema da crise.

Con todas as tarxetas fixemos unha exposición na ludoteca.

 Premendo na imaxe pódese ver unha presentación que relaciona os libros coa escultura.

Tamén figura o texto que PACO MARTÍN -autor da obra "As cousas de Ramón Lamote"-, escribiu sobre O LIBRO, e que foi seleccionado pola Consellería de Cultura, Educación e Ordenación Universitaria para este 23 de abril.

Fai clic e verás as fotos dos "artistas" que vestiron o patio de cores:

 O mércores, 26 de marzo, SUSO CUBEIRO, "o pintor das fragas galegas"; ilustrador de natureza e libros infantís e xuvenís, achegouse á ludoteca do noso colexio para impartir un taller creativo ao alumnado de 3º de Primaria.

Este encontro estivo motivado polo proxecto da nosa biblioteca: "Ferroleando polos lenzos", que trata de animar á lectura a través da pintura.

 Os nenos e nenas encargados de cada aula recibírono vestidos de pintores, para homenaxear a figura deses artistas e o noso proxecto. E, así caracterizados, léronlle unha mensaxe de benvida.

 Cubeiro comezou a contarlles unha historia que acompañaba con debuxos de trazos sinxelos, e que os nenos ían plasmando nos seus folios.

Cal foi a sorpresa ao veren xurdir das súas pequenas mans figuras moi parecidas ás do ilustrador  Suso Cubeiro. Tal é a súa maestría para facer e ensinar!

Ao final agasallárono cun libro.

Unha experiencia moi gratificante que servirá para seguir lendo e pintando.

Grazas, Cubeiro, por "ferrolear con nós".

Máis información sobre o autor 

Imposible imaxinar un meniño do noso colexio que non recoñeza o Soldadiño de Chumbo, a Sirenita ou as desventuras do Parrulo Feo. Contos que despertan a imaxinación e axudan a crear valores como a amizade, o inconformismo, a tolerancia, e sobre todo o valor da lectura. E todo grazas ao talento do escritor HANS CHRISTIAN ANDERSEN, nacido un 2 de abril de 1805.

Facendo clic na imaxe de ANDERSEN, pódese acceder á lectura dos seus contos.

Premendo sobre cada personaxe, pódese ver o conto en VÍDEO.

 Para celebrar este día tan importante da literatura infantil e xuvenil, o alumnado de 6º curso foi polas aulas de Ed. Infantil e 1º, 2º, e 3º de Primaria, para contarlles contos de Andersen como: A raíña das neves, A princesa e o chícharo, O traxe novo do emperador, O cofre voador...

Ademais, cada ano un país ten a oportunidade de ser o patrocinador do Día do Libro Infantil. E, con tal motivo, selecciona un escritor ou escritora relevante e un reconocido ilustrador ou ilustradora, do propio país, para que elaboren a mensaxe e o cartel que se distribúe por todo o mundo.

Este ano o país organizador é Irlanda.

E os alumnos e alumnas de 6º pasaron tamén polas aulas de 4º e 5º de Primaria, para lerlles a carta redactada pola escritora Siobhán Parkinson e mostrar o cartel co que Niamh Sharkey ilustrou este Día do Libro Infantil.

Álex Fente e Patricia González, do equipo de animación á lectura da editorial KALANDRAKA, foron os encargados de despertar a imaxinación e a sensibilidade dos nenos e nenas.

     Que atentos estaban os nenos e as nenas!

PREMENDO NA IMAXE PODES ACCEDER A UN MONTÓN DE CONTOS: 

-UNS PARA LER..., OUTROS PARA VER EN VÍDEO...-

CELEBRACIÓN DO DÍA DE ROSALÍA

 O 24 de febreiro conmemórase o DÍA DE ROSALÍA coincidindo co día en que naceu no ano 1837.

 Para conmemorar esta data, durante a semana do 17 ao 21 de febreiro traballouse nas aulas sobre a vida e obra de Rosalía de Castro. Algunhas familias colaboraron aportando poemas para ler nas aulas que despois pasaron a formar parte dunha exposición sobre Rosalía que se organizou na ludoteca do centro.

 Na hora de ler, durante toda a semana, viñeron algúns pais e nais a ler nas aulas obras da poetisa galega. Esta actividade resultou moi agradable enriquecedora, tanto para o alumnado como para as familias.

 Tamén veu a cantante María Manuela que é familiar dunha alumna de 2º A.

Actuou para o alumnado do 1º ciclo de Primaria

Moitas grazas por acompañarnos nesta homenaxe a Rosalía de Castro

 O poema titulado XAN, musicado e recollido no audiolibro ROSALÍA PEQUENIÑA, foi o escollido este ano para aprender todo o alumnado do centro.

Nesta presentación pódese ver o poema dramatizado.

 Na fachada do edificio de Primaria pintamos a Rosalía de Castro. Así foi como quedou....

 Finalmente o venres 21 fíxose un acto conxunto no patio no que un grupo de alumnado fixo unha presentación sobre a vida de Rosalía. Para rematar todos xuntos cantamos a cantiga XAN aprendida nas aulas e na clase de música.

  MOITAS GRAZAS ÁS FAMILIAS QUE COLABORARON NAS ACTIVIDADES PROGRAMADAS, TANTO APORTANDO POEMAS COMO NA LECTURA NAS AULAS

Pódese acceder ás imaxes premendo nas flores

MANDADOS DO ENTROIDO

PÍNTATE DE CORES 

LUNS

Azul é o ceo

azul é o mar

Vístete de azul

e a eles te parecerás

MARTES

Amarelo coma o sol

que nos dá moita calor

se con esa cor te pos...

ti, si que serás un sol

MÉRCORES

Estou no lume e no sangue

estou chea de valor

amiga dos namorados

a cor vermella son

Comezamos cun desfile arredor do colexio ao que estaban invitadas as familias.

Podemos ver as imaxes neste vídeo.

Noraboa á actuación da nosa banda de música que animou todo o desfile

Despois do desfile o alumnado fixo festa nas clases degostando os productos típicos do entroido que aportaron as familias

E mirade que ven o pasaron e como disfrotaron na discoteca preparada no centro especialmente para este día

Á volta das vacacións, queimamos o meco

 Para celebrar esta data tan importante fixemos moitas actividades nas aulas.

      Escoitamos un conto moi bonito titulado AS CORES DO ARCO DA VELLA

E tamén vimos a presentación do conto LA DISPUTA DE LOS COLORES 

Nas nosas aulas e na aula de música aprendimos unha adaptación da canción titulada DE CORES

 Fixemos A POMBA DA PAZ DE PICASSO 

Cada alumno/a escribiu un DESEXO NA POMBA e intercambiámola cun compañeiro/a do cole:

O alumnado de 1º cambiou a súa pomba con 3º

O alumnado de 2º con 5º

O alumnado de 4º con 6º

Entre todos fixemos UN MURAL CON POMBAS DE CORES formando un ARCO DA VELLA

O alumnado de Infantil fixo as pombas de cor verde

 O alumnado de 1º de cor amarelo

O alumnado de 2º de cor azul

O alumnado de 3º de cor laranxa

O alumnado de 4º fixo as pombas de cor púrpura

Os de 5º de cor vermello

 Os de 6º de cor añil 

Todos os nenos e as nenas fixemos tamén unha cinta de cartolina para poñer na fronte

cunha pomba da cor que lle tocou á nosa clase.

Púxemola o día do acto conxunto no patio

Como remate fixemos un ACTO CONXUNTO de todo o colexio para celebrar este día tan importante.

Aquí están as imaxes

Agradecemos á ANPA a súa colaboración na SAÍDA AO CIRCO

Máis fotografías da celebración do día da Paz na nosa galería de imaxes. 

Para acceder premer aquí 

 Para acceder aos distintos vídeos hai que premer en LISTAS DE REPRODUCCIÓN

Proximamente teremos no noso centro unhas charlas informativas tanto para o alumnado coma para as familias do 3º ciclo de Primara para informar sobre o tema do ciberacoso.

A NOSA INSPECTORA DE EDUCACIÓN Dª ELENA URTIAGA

VISITA O NOSO CENTRO

O xoves día trece de decembro recibimos no noso centro unha visita que, ainda que xa foi anunciada, foi moi esperada: a nosa Inspectora de Educación Dª Elena Urtiaga Estévez.

Arredor das dez da mañá, Dª Elena chegou ao noso centro. Visitou as distintas instalacións do centro, interesándose polas necesidades do centro en canto as obras demandadas, estivo en contacto co noso alumnado, profesorado e saudou ás persoas colaboradoras da ANPA. 

Dende aquí retrasmitímoslle as grazas de todo o persoal polo interese mostrado polo noso centro!

A  COMUNIDADE  EDUCATIVA  DO  CEIP  ISAAC  PERAL  DESÉXALLES 

FELICES  FESTAS

   AS  NOSAS  PANXOLIÑAS    

Estas son as panxoliñas que o noso alumnado practicou coas súa profe de música

Aquí están os nosos pequenos artistas...

Premendo nos debuxos accédese ás fotos dos grupos

DESEXOS DE NADAL

O alumnado de 6º A preséntannos os seus desexos de Nadal

 Esta é a nosa selección de libros recomendados para este Nadal, ao fío do noso proxecto de biblioteca

Nesta presentación podemos atopar unha selección de postais de Nadal realizadas polo noso alumnado. Premede nesta presentación e poderedes ver as postais.

O  APALPADOR  CHEGA  AO ISAAC  PERAL

O Apalpador é un home que vive nas montañas de Lugo, ocupado durante todo o ano en facer carbón. Come froitos silvestre e porcos bravos que caza no monte. Viste un traxe vello e cheo de remendos, e unha boina. Fuma en pipa e ten barba.
Todos os 24 de decembro baixa das montañas para visitar aos nenos e nenas galegas. Cando están durmidos tócalles a barriga para ver se están fartos ou teñen fame. Se están fartos di: “así, así esteas todo o ano”- e déixalles unha presa de castañas. Se teñen fame non di nada, pero déixalle castañas igual. Pode deixar algún presente máis, pero sempre feito por el.

Se queredes máis información, contos e xogos sobre o Apalpador premer na imaxe.

Pois ben, o mércores chegou o Apalpador e os seus trasnos ao noso cole.

Aquí tedes as imaxes.

Agradecemos á Fundaçom Artábria a súa colaboración na recuperación da figura do Apalpador e que fixo posible a realización destas actividades.

Premendo no Apalpador accédese ás imaxes

E para rematar a celebración do Nadal no noso cole, aquí tedes o máis esperado polos nosos nenos e nenas:

"A VISITA DOS REIS MAGOS"

Sorrisos, ledicia, nervios e mesmo bágoas asomaban nas cariñas dos nosos "peques".

Disfrutade vendo as imaxes!

 Premendo na imaxe accédese ás fotos

 onde se poden descargar

Estaremos de vacacións dende o sábado 21 de decembro ata o martes 8 de xaneiro ámbolos dous incluisive.

  As clases comezarán o XOVES 9 de xaneiro no horario habitual  

O  APALPADOR  CHEGA  AO ISAAC  PERAL

O Apalpador é un home que vive nas montañas de Lugo, ocupado durante todo o ano en facer carbón. Come froitos silvestre e porcos bravos que caza no monte. Viste un traxe vello e cheo de remendos, e unha boina. Fuma en pipa e ten barba.
Todos os 24 de decembro baixa das montañas para visitar aos nenos e nenas galegas. Cando están durmidos tócalles a barriga para ver se están fartos ou teñen fame. Se están fartos di: “así, así esteas todo o ano”- e déixalles unha presa de castañas. Se teñen fame non di nada, pero déixalle castañas igual. Pode deixar algún presente máis, pero sempre feito por el.

Se queredes máis información, contos e xogos sobre o Apalpador premer na imaxe.

Pois ben, o mércores chegou o Apalpador e os seus trasnos ao noso cole.

Aquí tedes as imaxes.

Agradecemos á Fundaçom Artábria a súa colaboración na recuperación da figura do Apalpador e que fixo posible a realización destas actividades.

Premendo no Apalpador accédese ás imaxes

  Os días 19, 20 e 21 de novembro organizamos un mercadillo solidario de libros na ludoteca do colexio.

A proposta xurdiu con motivo da celebración do DÍA INTERNACIONAL DOS DEREITOS DOS NENOS, aprobados pola Asamblea Xeral das Nacións Unidas o 20 de novembro de 1959.  

 Con esta actividade pretendemos o fomento da lectura en familia e a solidariedade.

Estivo organizada pola ANPA do centro coa colaboración do grupo dinamizador da biblioteca.

 As familias, e demais membros da comunidade educativa, participaron en dúas direccións: primeiro aportando libros, e en segundo lugar, visitando o mercadiño cos seus fillos e fillas e adquirindo aqueles títulos polos que sentiron máis curiosidade.

A recadación foi de 716 euros e foi entregada á "Cociña Económica".  

Estas foron as fotos do acto de entrega do diñeiro ao representante da Cociña Económica de Ferrol

GRAZAS A TODAS AS PERSOAS QUE FIXERON POSIBLE O ÉXITO DESTA ACTIVIDADE

Como cada curso, en outono, Peraliño achéganos as MOCHILAS VIAXEIRAS para poñer en funcionamento a "maxia da lectura".

   As mochilas xorden coa idea de fomentar a lectura en familia, e por iso nelas atoparedes materiais para grandes e pequenos.

  Son unha invitación a disfrutar dos libros en compañía, compartindo os sentimentos e as sensacións que producen as lecturas propostas.

   En cada mochila atoparedes unha mestura de documentos que coidamos vos van a gustar. Cada aula ten a súa, xa que non todos lemos o mesmo.

Poden parecer unha carga pesada, pero non o son, xa que dentro levan os materiais dos que se alimentan moitos soños.

Que podes facer para ser un bo lector, unha boa lectora?

Fai clic sobre a imaxe e verás...