CEIP de Galán

          Contamos coa vosa colaboración para manter limpo o cole!

No adxunto tedes as instrucións de como facer o voso cestiño para as castañas.

Estimadas familias,

Este novembro, celebramos o mes da ciencia en galego nas bibliotecas e gustaríanos contar con vós! Queremos invitar a todas aquelas persoas que traballen en algo relacionado coa ciencia a compartir a súa experiencia co noso alumnado.

A idea é sinxela: vir dar unha pequena charla de 30 ou 40 minutos en horario de mañá sobre o voso traballo, para que as nenas e nenos poidan coñecer de primeira man en que consiste e como é o día a día na vosa profesión relacionada con algún ámbito da ciencia.

Se estades interesadas ou interesados, podedes poñervos en contacto co colexio ou enviarnos un correo ao enderezo electrónico da biblioteca (biblioteca.ceip.galan@edu.xunta.gal) Estaremos encantadas e encantados de contar convosco para inspirarnos!

Moitas grazas pola vosa colaboración e agardamos contar con vós neste mes da ciencia en galego nas bibliotecas.

Un saúdo

Na ligazón tedes toda a información da actividade celebrada na Biblioteca do centro o  29 de outubro de 2024.

https://bibliogalan.blogspot.com/2024/10/pasamos-o-samain-coas-escolas-infantis.html

Resolución definitiva pola que se fai pública a relación de centros seleccionados, non seleccionados e excluídos conforme o disposto no apartado 14 da Resolución do 4 de setembro de 2024, da Dirección Xeral de Ordenación e Innovación Educativa, pola que se establecen as bases para a convocatoria do Programa para a orientación, avance e enriquecemento educativo en centros de especial complexidade educativa (Programa PROA+) nos centros docentes públicos de educación primaria e secundaria dependentes da Consellería de Educación, Ciencia, Universidades e Formación Profesional nos cursos 2024/25 e 2025/26.

Celebraremos o Samaín os días:

28 e 29 de outubro, entrega de cabazas para a elaboración da exposición de cabazas de Galán! Decorádeas como máis vos gusten, pero non as vaciedes, así durarán máis.

29 de outubro, visitan o colexio as Escolas de Infantil adscritas, Barrionovo e Vilarrodís, realizarán unhas actividades na biblioteca e verán a exposición de cabazas.

O transporte deste alumnado coas súas mestras será a empresa Daniel de la Iglesia.

30 de outubro, podedes vir disfrazados ao colexio, con disfraces terroríficos, pero non é necesario que compredes nada, só botarlle imaxinación.

Actividades relacionadas co Samaín:

- Exposición de cabazas para todo o alumnado do centro con todas as cabazas que traiades.

- Pasadizo do Samaín, se non queredes participar podedes visitar a exposición de cabazas coa vosa mestra ou mestre.

Animádevos a participar coas vosas cabazas!