News aggregator

30 de xullo, 10:00
Biblioteca Pública Municipal de Irixoa - Irixoa - A Coruña

Texto de presentación da actividade

O obradoiro trata de ser unha escola de maxia como a de Harry Potter, estimular a fantasía e a imaxinación dos nenos. Para iso, emprégase o teatro, o debuxo, os traballos manuais, a animación á lectura; todas as expresións artísticas postas ao servizo da maxia.

Programa

Campamento de veran

Público/s ao/aos que vai dirixido

• Público infantil

Duración

70 minutos

Sesións

• 1ª sesión: 30/07/2024 - 10:00
• 2ª sesión: 30/07/2024 - 11:10

Lugar de celebración

Biblioteca Municipal

29 de xullo, 20:30
Biblioteca Pública Municipal de Avión - Avión - Ourense

Texto de presentación da actividade

Coñeces as cancións de Bemol Pequeno? Ven cambiar o conto con Antía Carapuchiña, a avoa Lola, o pirata Efrén e máis personaxes! Un espectáculo de música en directo para toda a familia!

Programa

Ler conta moito

Público/s ao/aos que vai dirixido

• Público infantil (de 3 a 8 anos)

Duración

50 minutos

Sesións

• Sesión única: 26/07/2024 - 20:30

Lugar de celebración

Praza do Concello

29 de xullo, 19:00
Parque de Pías - O Rosal - Pontevedra

Xira por máis de 100 concellos na celebración do 40º aniversario do CDG

Nos arredores de Vilatriste hai unha lagoa da que emana unha néboa misteriosa que impregna o aire cunha estraña tristeza. Uns novos moradores descobren que se beben das súas augas adquiren un superpoder que os dota de capacidades extraordinarias. Pero as xentes de Vilatriste ignoran todos estes efectos. Cando estes forasteiros tentan compartir o seu achado atópanse de fronte coa desconfianza e rexeitamento dos veciños.

A morte do alcalde vello e a chegada do novo traen consigo toda unha serie de transformacións cunhas escuras intencións. Trepas é o alcume dun novo habitante de Vilatriste enredado inesperadamente nunha singular aventura: salvar a vila das fauces dun malvado dirixente. Axudado por unha singular superheroína descobren a fórmula para vencer ao seu inimigo pero... funcionará?

TEXTO ORIXINAL: Roi Vidal Ponte
DIRECCIÓN: Sofía Espiñeira López e Roberto Casal Mouriño
ELENCO: Uxía Algarra Cajide e Roberto Casal Mouriño
ESCENOGRAFÍA: Beatriz de Vega
VESTIARIO: Carmen Pichel
MÚSICA: Brais das Hortas

Summary: 

Salienta que se realizará un investimento de 12,5 millóns de euros para actuacións como melloras en cubertas, aseos, ventás ou instalacións de ascensores, no marco do novo Plan de benestar e accesibilidade na escola

Apunta que ademais este ano se están acometendo 139 obras de maior envergadura como ampliacións, rehabilitacións integrais e obras de eficiencia enerxética, que concentran 71,3 M€ de investimento

Isto supón actuar no 50 % dos centros públicos desde infantil ata FP

Idioma Gallego

O presidente da Xunta, Alfonso Rueda, destacou hoxe que a Administración autonómica está a impulsar este verán un total de 535 pequenas obras de mellora en 389 centros educativos, cun investimento de preto de 12,5 M€, o que supón “o maior investimento nos últimos cinco anos” neste eido.

A Consellería de Educación, Ciencia, Universidades e FP deu conta ante o Consello da Xunta da planificación dos traballos que se estar a levar a cabo a través do novo Plan de benestar e accesibilidade na escola, Ben_Estar 2024, que, tal e como lembrou Rueda, abranguen “pequenas actuacións todas elas moi necesarias” como melloras en cubertas, aseos, ventás ou instalación de ascensores.

Todas estas obras están enfocadas a acadar un maior confort e sustentabilidade nas aulas, tal e como marca o Plan de nova arquitectura pedagóxica de Galicia, a folla de ruta en materia de mellora de infraestruturas educativas aprobada en 2021 cun investimento inicial de 191 M€ que foi ampliado ata os 243 M€ actuais. Tal e como sinalou o máximo responsable do Goberno galego, o obxectivo deste plan é “mellorar os centros escolares e convertelos en centros modernos, accesibles, e sustentables”.

Neste sentido, na provincia da Coruña lévanse a cabo 222 pequenas intervencións en 151 centros por un importe de preto de 4,3 M€, 105 actuacións en 78 centros da provincia de Lugo por 2 M€, 118 en 73 centros de Ourense por 2,8 M€ e 90 actuacións en 87 da provincia de Pontevedra que aglutinan preto de 3,4 M€.

Grandes actuacións durante todo o ano

Paralelamente, tal e como recordou o presidente da Xunta, de cara á renovación e mantemento dos centros de ensino públicos galegos para o curso 2024/25, a Administración autonómica está a realizar un total 139 obras de grande envergadura como ampliacións, rehabilitacións integrais e melloras de eficiencia enerxética que se atopan en distintas fases (xa en execución ou ben en fase de licitación ou de adxudicación), cun importe que acada os 71,3 M€ de investimento. Trátase de obra planificadas para todo o ano 2024, dado que o seu prazo de execución é de varios anos, pero que tamén van recibir un maior impulso durante a época estival, coincidindo co período non lectivo.

O conxunto das intervencións -entre grandes actuacións e pequenas obras de verán- chegan ao 50 % dos centros públicos que funcionan en Galicia entre escolas infantís, colexios, institutos e centros de FP. Por provincias, actúase en 210 centros da Coruña por un importe de 33,34 M€, en 100 centros de Lugo que suman 7,8 M€ de investimento, 86 de Ourense por un importe de case 8,3 M€ e 131 da provincia de Pontevedra por máis de 34,3 M€.

No que atinxe ás 139 grandes actuacións, son as que concentran a meirande parte do orzamento, cun investimento de 71,3 M€ en 138 centros educativos. Delas, 74 están xa en execución mentres que 42 están xa adxudicadas e pendentes de comezar e 23 en fase de licitación. Por provincias, 59 acométense na da Coruña (máis de 29 M€), 22 en Lugo (5,8 M€), 14 en Ourense (5,4 M€) e 44 en Pontevedra (preto de 31 M€). 

Información xeral Consellería de Educación, Ciencia, Universidades e Formación Profesional

Summary: 

Trátase de 40 auxiliares estadounidenses de alto perfil académico, que se incorporarán ás aulas galegas para impulsar a aprendizaxe da lingua inglesa

En total, o ensino galego contará con 665 auxiliares de conversa, a maior cifra acadada nunca

Multiplícase por 100 o número de auxiliares que había en 2009

Idioma Gallego

Galicia é a comunidade autónoma que concentrará o vindeiro curso o maior número de auxiliares de conversa Fulbright, con 40 persoas das 184 de alta especialización repartidas por toda España, o que eleva a 665 o número total de auxiliares que colaborarán nas aulas galegas a partir de setembro.

O Consello da Xunta deu hoxe luz verde ao acordo de colaboración entre a Consellería de Educación, Ciencia, Universidades e Formación Profesional e a Comisión de Intercambio Cultural, Educativo e Científico entre España e os Estados Unidos (Comisión Fulbright) para dotar o sistema educativo galego de 40 auxiliares de conversa estadounidenses de alto perfil académico. O importe do convenio ascende a 544.320€, dos que a Xunta de Galicia financia o 87% mentres que o 13% restante apórtaos a Comisión Fulbright.

A través deste acordo, así como dos que se establecen co Ministerio no marco do Acordo de Cooperación Territorial, co Instituto Confucio ou co Instituto Camões, o sistema educativo galego contará o vindeiro curso cun total de 665 auxiliares de conversa, unha cifra récord que multiplica por 100 os 67 que había en 2009.

A contratación de auxiliares de conversa é unha das múltiples accións que desenvolve a Consellería de Educación, Ciencia, Universidades e Formación Profesional a través da Estratexia Galega de Linguas Estranxeiras, EDULingüe2030, para facilitar a aprendizaxe de idiomas. Grazas a estas iniciativas, o alumnado galego sitúase hoxe como o segundo con mellor nivel de toda España, segundo o informe de avaliación de EF, referencia nesta materia.

Así pois, desde setembro, un total de 511 centros educativos se beneficiarán do apoio dun auxiliar de conversa nativo e o 75% dos centros educativos sostidos con fondos públicos na nosa Comunidade desenvolverán algún programa de plurilingüismo nas etapas de Infantil, Primaria, ESO ou Bacharelato.

Aprendizaxe lingüística e cultural

As persoas auxiliares achegan a realidade cultural e lingüística dos seus países de orixe, aportan a compoñente de multiculturalidade aos centros e levan a cabo un importante servizo complementario para o apoio ao ensino-aprendizaxe dunha lingua estranxeira.

Ademais dos centros plurilingües, outros moitos optan con reforzo dunha persoa auxiliar por contar con seccións bilingües, na que un grupo de alumnos cursa unha área, materia ou módulo de materias non lingüísticas de maneira bilingüe.

 

Información xeral Consellería de Educación, Ciencia, Universidades e Formación Profesional

29 de xullo, 12:00
Auditorio Municipal - Rois - A Coruña

Ós nenos e nenas pequenos poden ter medo á figura do pallaso, por iso Lolo irá caracterizándose de clown diante deles pouco a pouco dun xeito didáctico e moi divertido con elementos que sacará da súa maleta: perrucas, traxe, zapatos, maquillaxe, nariz… 

De 29 de xullo a 6 de setembro
Biblioteca Pública de Vigo Juan Compañel - Vigo - Pontevedra

*Laboratorios artísticos

-Inscrición: 13 de xuño

-Horario: 10.00-14.00 h.

-Grupos semanais:

29 xullo-2 agosto

5-9 agosto

19-23 agosto

26-30 agosto

2-6 setembro

29 de xullo, 09:00
- As Neves - Pontevedra

A Romaría de Santa Marta de Ribarteme, no concello das Neves, é coñecida, entre outros motivos, pola súa singularidade con cadaleitos portados en procesión que levan no seu interior os propios oferentes para solicitar a intervención por un familiar ou por si mesmos.

28 de xullo, 21:00
Praza Arquitecto Antonio Palacios - O Porriño - Pontevedra

Gran espectáculo de máxia onda nada é o que parece

28 de xullo, 21:00
Praza da Constitución - Betanzos - A Coruña

Tres amigos, tres personalidades, tres caracteres moi distintos embárcanse na aventura de pasar unhas vacacións xuntos. Pero a convivencia non sempre é cousa fácil. E os conflitos toman parte na escena cotidiá dos campistas.

Superarán os nosos personaxes o reto de compartir un espazo común con elegancia?

Que pasa cando se torcen as cousas?

"O roce fai o cariño", din...

Glamping é un espectáculo sobre as relacións humanas, onde calquera poderíamos ser ese personaxe en tensión, buscando a mellor maneira de resolver a situación.

Teatro xestual, música, acrobacia aérea, danza e swing en clave de clown. Cando parece que todo está perdido... a creatividade xurde abrindo un camiño inesperado.

28 de xullo, 20:30
Xardín Umbrio - Vilanova de Arousa - Pontevedra

A Quenlla, unha vez constituídos comezan unha nova andaina e parten da musicalización e gravación dos 10 temas de Martín de Padrozelos, quizais un dos primeiros trobadores da nosa lírica medieval. Un trobador no Camiño que nos sorprendeu con 9 cantigas de amigo e 1 de amor. Feita a gravación, estamos a espallar esa obra e a realizar concertos de variada temática e con temas antigos e de nova incorporación, tamén con novos autores.

unha vez constituídos comezan unha nova andaina e parten da musicalización e gravación dos 10 temas de Martín de Padrozelos, quizais un dos primeiros trobadores da nosa lírica medieval. Un trobador no Camiño que nos sorprendeu con 9 cantigas de amigo e 1 de amor. Feita a gravación, estamos a espallar esa obra e a realizar concertos de variada temática e con temas antigos e de nova incorporación, tamén con novos autores.

28 de xullo, 20:00
Postemirón - Vilaboa - Pontevedra

Pepe Tafall, xefe do tranvía de Marín a Pontevedra e ademáis cómico amador e dramaturgo, conta a historia do tranvía Leonardo desde o seu nacemento en Bruxelas ata a súa vellez, coa intención de que o propietario, o Marques de Riestra, o xubile e lle dea o seu merecido retiro. Ademáis das historias do tranvía Leonardo, Tafall, conta algunhas das anécdotas máis simpáticas dos seus tripulantes: Moncho o maquinista e Ramón o do fogón; e dalgúns dos seus pasaxeiros mais famosos: Xosé Echegaray, o médico Guillermo, a cega Morcega, a mestra Trini Trapa e o “loro Ravachol”.

Neste espectáculo para os máis pequenos a participación do público é contínua.

28 de xullo, 20:00
Praza do Concello - A Rúa - Ourense

Xira por máis de 100 concellos na celebración do 40º aniversario do CDG

Nos arredores de Vilatriste hai unha lagoa da que emana unha néboa misteriosa que impregna o aire cunha estraña tristeza. Uns novos moradores descobren que se beben das súas augas adquiren un superpoder que os dota de capacidades extraordinarias. Pero as xentes de Vilatriste ignoran todos estes efectos. Cando estes forasteiros tentan compartir o seu achado atópanse de fronte coa desconfianza e rexeitamento dos veciños.

A morte do alcalde vello e a chegada do novo traen consigo toda unha serie de transformacións cunhas escuras intencións. Trepas é o alcume dun novo habitante de Vilatriste enredado inesperadamente nunha singular aventura: salvar a vila das fauces dun malvado dirixente. Axudado por unha singular superheroína descobren a fórmula para vencer ao seu inimigo pero... funcionará?

TEXTO ORIXINAL: Roi Vidal Ponte
DIRECCIÓN: Sofía Espiñeira López e Roberto Casal Mouriño
ELENCO: Uxía Algarra Cajide e Roberto Casal Mouriño
ESCENOGRAFÍA: Beatriz de Vega
VESTIARIO: Carmen Pichel
MÚSICA: Brais das Hortas

28 de xullo, 18:00
Praza de Galicia - Arzúa - A Coruña

Fifo non sabe se vive nun soño ou si sempre ten sono, o que si ten claro é que neste espectáculo, coa axuda dos nenos, vai descubrir, a través de xogos, de bailes, de gags e de risas, se vive nun mundo certo ou se é mellor espertar.

Espectáculo de interacción constante co público,de maneira directa e de xeito indirecto.

Se tes un soño ven cumplilo...

e se tes sono ven durmilo !!

Idioma Gallego

El conselleiro de Educación, Ciencia, Universidades y Formación Profesional, Román Rodríguez, asistió hoy a la 50ª edición de la Subida Automovilística a Chantada, parte del Campeonato de España de Montaña (CEM). Durante la jornada se celebraron la tercera subida de entrenamientos y dos carreras.

Entre los participantes destacó un coche de Fórmula 3 desarrollado íntegramente por alumnos y profesores del Centro Integrado de Formación Profesional (CIFP) As Mercedes. Los estudiantes del ciclo dual de Alta Especialización en Vehículos de Competición, el primer grado de España, trabajaron en el desmontaje, puesta a punto, adaptación mecánica y tecnológica, reparación de motor, sistemas de frenazo, y pintado y vinilado de la carrocería del modelo Dallara F3. Román Rodríguez felicitó a los estudiantes por el excelente trabajo realizado.

Información xeral Consellería de Educación, Ciencia, Universidades e Formación Profesional

28 de xullo, 13:00
Praza Alcalde Antonio Losada Rojo - Monterroso - Lugo

Estabades agardando por unha gran festa e por fin chegou! Chega... PEQUE DISCO MOC MOC!!!

Con este espectáculo no que mesturamos música, circo e clown convertiremos nunha auténtica disco móbil circense infantil e familiar todo espazo ó que levemos este espectáculo.

Música, bailes, circo e humor nunha velada chea de sorpresas na que o DJ MeRe Clown fará gozar a nenos, nenas e maiores coa mellor música infantil, rock, hip hop, techno... ¡YES BABY!

Todo iso aderezado cun equipo de iluminación disco, máquina de fume, pompas de xabón, confeti, malabares con lume ou luz e sobre todo moito humor.

Porque nesta disco non hai límite de idade

28 de xullo, 12:30
Praza da Constitución - Betanzos - A Coruña

Xira por máis de 100 concellos na celebración do 40º aniversario do CDG

Nos arredores de Vilatriste hai unha lagoa da que emana unha néboa misteriosa que impregna o aire cunha estraña tristeza. Uns novos moradores descobren que se beben das súas augas adquiren un superpoder que os dota de capacidades extraordinarias. Pero as xentes de Vilatriste ignoran todos estes efectos. Cando estes forasteiros tentan compartir o seu achado atópanse de fronte coa desconfianza e rexeitamento dos veciños.

A morte do alcalde vello e a chegada do novo traen consigo toda unha serie de transformacións cunhas escuras intencións. Trepas é o alcume dun novo habitante de Vilatriste enredado inesperadamente nunha singular aventura: salvar a vila das fauces dun malvado dirixente. Axudado por unha singular superheroína descobren a fórmula para vencer ao seu inimigo pero... funcionará?

TEXTO ORIXINAL: Roi Vidal Ponte
DIRECCIÓN: Sofía Espiñeira López e Roberto Casal Mouriño
ELENCO: Uxía Algarra Cajide e Roberto Casal Mouriño
ESCENOGRAFÍA: Beatriz de Vega
VESTIARIO: Carmen Pichel
MÚSICA: Brais das Hortas

28 de xullo, 12:00
Aguiño - Ribeira - A Coruña

A Festa do Percebe de Aguiño, en Ribeira, ten lugar o último domingo do mes de xullo. Es celebrada desde 1997 nesta vila de tradición mariñeira. A fama do percebe de Aguiño radica na súa calidade e os mellores exemplares atópanse nas rochas máis castigadas polo mar, en pedras perigosas e nos acantilados de difícil acceso. Trátase da cita de exaltación gastronómica máis importante deste concello e con esta distinción recoñécese o traballo que arrodea a recolla do percebe, un oficio artesanal único. A calidade das augas que baten nas rochas onde se crían os percebes fan do percebe de Aguiño un produto único, con identidade e un prato característico da dieta atlántica.
As diferentes actividades que xiran arredor da festa son os obradoiros mariñeiros dirixidos ao público infantil, sesións de showcooking para adultos e nenos, zona de xogos, grupos de gaitas e música tradicional, sesión de baile, actuacións musicais...

28 de xullo, 11:00
Carballeira de Santa Lucía - Moraña - Pontevedra

A Festa do Carneiro ao Espeto pon o punto final ás festas de Moraña. O escenario é a carballeira de Santa Lucía. Aquí ásanse ao estilo pampeiro (abertos en canal e con lume de leña), preto de douscentos carneiros. Non se venden racións, senón carneiros enteiros, polo que é unha festa gastronómica na que participan grandes grupos de amigos, previa reserva de mesa (20-30 persoas) e lote de comida (un carneiro, dúas empanadas de zorza e bacallau, pan, un garrafón de viño do país e café). Pero ninguén queda sen degustar a saborosa carne, xa que todos os restaurantes do municipio a preparan eses días en previsión do numeroso público que se achega á festa.
A festa ten a súa orixe remota nos primeiros anos do século XX, cando un emigrante da vila en Arxentina organizou unha comida campestre con carneiro ao estilo pampeiro. Pero naceu tal e como se celebra na actualidade en 1969 por iniciativa dun grupo de mozos da localidade. Con tan longa traxectoria, está considerada unha das citas gastronómicas máis importantes de Galicia.
Mentres esperan polo asado, que necesita unhas sete horas para estar a punto, os comensais abren o apetito coas empanadas e o viño. As peñas, recoñecibles polas súas rechamantes camisetas, animan a comida coas súas charangas e todo o mundo remata contaxiado do espírito lúdico desta gran bacanal. 

Para non perderse:
Paga a pena achegarse ao valado en torno aos asadores e contemplar a disposición en vertical dos carneiros arredor do lume e a súa lenta preparación.

27 de xullo, 21:00
Praza do Concello - Meaño - Pontevedra

Unha creación máxica de humor, participación da concorrencia...e tamén, uns feixes de ilusións, distraccións e ficticios rebumbios.

Un petisco de maxia dentro dun achado fortuíto coa realidade. Unha enleada de enredos para amosarnos que, os actos extraordinarios só poden acaecer na casa da cultura do teu concello,...ou tamén na túa casa, ou na rúa, ou no teu colexio, ou na tenda,... e dicir, case que en ningunha parte.

Un espectáculo máis insospeitado que ollar un marco inmóbil nunha leira.

 

Dispón da testa para escaravellala, ollando coas orellas moi abertas o fantasioso e irreverente cosmos de desenferruxar queixadas ou exercitar o músculo viaxeiro que vai dende o astrágalo até o óso frontal.

En resumo, se desexas pasalo ben, lembra sempre: 

“alá onde vaias...sempre estarás ti!”.