Noticias sobre Ensino

Summary: 

A Xunta difunde os seus programas de innovación nun innovador stand propio nesta cita de referencia tecnolóxica para profesionais da educación en España

Román Rodríguez pon en valor o traballo do Goberno autonómico para lograr situar o ensino galego como “un referente a nivel nacional e internacional”

Idioma Gallego

O conselleiro de Educación, Ciencia, Universidades e FP, Román Rodríguez, visitou hoxe a Feira SIMO Educación 2024, un dos eventos máis importantes no ámbito da tecnoloxía para os profesionais do ensino en España con máis de 9.000 visitantes, onde por primeira vez a Xunta instala un stand para amosar o modelo educativo galego de éxito acreditado polos seus resultados.

O representante da Xunta de Galicia, ademais de coñecer toda a oferta tecnolóxica das empresas e entidades participantes e poder dialogar con profesionais e expertos nesta 10ª edición da feira que se celebra en Ifema, tamén mostrou o traballo que se fai desde o Goberno galego en materia de educación. “O sistema educativo galego é un referente a nivel nacional e internacional, algo que indican os principais indicadores comparativos”, sinalou Román Rodríguez.

Galicia atópase entre as comunidades que máis inviste por alumno, foi capaz de reducir a mínimos o abandono escolar e mellorou resultados académicos sendo líderes en ciencia, pensamento creativo e equidade. Así mesmo, é a comunidade que mellor garante a igualdade de oportunidades entre o alumnado, a que ten unha das mellores rateos alumno/profesor, así como o mellor nivel de inglés de todas as comunidades.

Neste sentido, o titular de Educación afirmou que se está a vivir “unha dinámica progresiva, pero non nos podemos conformar, pois debemos avanzar na calidade, na equidade e na igualdade de oportunidades”.

Ágora Dixital, Nova Arquitectura, Polos Creativos...

O expositor da Consellería de Educación, que está atendido por profesionais da Consellería, foi realizado polo Centro de Innovación Educativa e Dixital. Este stand chamou a atención dos asistentes a feira polo emprego da intelixencia artificial, tecnoloxías innovadoras, unha pantalla holográfica e distintos vídeos divulgativos nos que explican os programas de innovación educativa da Xunta, entre os que destacan o Plan de nova arquitectura pedagóxica, os Polos Creativos ou o Plan MEGA de mellora educativa de Galicia. Tamén o traballo que se realiza desde o Centro da Innovación da FP Eduardo Barreiros e a potente rede de centros integrados de Formación Profesional, que posibilita unha matrícula récord.

Ademais, están a realizarse demostracións en directo dos proxectos Galiverso, no que se emprega a realidade virtual con fins pedagóxicos; Ágora Dixital, unha plataforma de recursos dixitais a disposición dos docentes para axudalos a desenvolver o seu labor na aula con propostas de aprendizaxe innovadoras e experimentais, e cREAgal, unha iniciativa que permite avanzar na ensinanza híbrida con materiais dixitais adaptados aos currículos educativos galegos e na que hai recursos gratuítos deseñados por un cento de docentes.

Para completar a participación do Goberno galego nesta feira educativa, representantes da Consellería interveñen en conferencias e mesas redondas que se celebran. É o caso da directora xeral de Ordenación e Innovación Educativa, Judith Fernández, que participa na conferencia Datos e intelixencia artificial en educación, para analizar a importancia destas ferramentas á hora de mellorar a toma de decisións en educación.

Información xeral Consellería de Educación, Ciencia, Universidades e Formación Profesional

Summary: 

A directora xeral de Ordenación e Innovación Educativa, Judith Fernández, visita a biblioteca escolar do Colexio CEIP Virxe de Covadonga

Destaca o papel fundamental da biblioteca para reforzar a comprensión lectora, un dos obxectivos prioritarios do Plan MEGA de mellora educativa de Galicia

Idioma Gallego

A directora xeral de Ordenación e Innovación Educativa, Judith Fernández, visitou hoxe o CEIP Virxe de Covadonga, un dos 84 centros educativos da provincia de Ourense que participan no Plan de Mellora de Bibliotecas Escolares (Plambe). A través deste plan, a Xunta de Galicia apoia as bibliotecas escolares como espazos estratéxicos para mellorar a calidade do ensino mediante a aportación de  recursos tanto para ferramentas de aprendizaxe e recursos para material didáctico.

Neste curso 2024/2025 o Plambe incorpora catro novos centros, que recibirán formación específica e apoio técnico a través da asesoría de bibliotecas escolares da Consellería de Educación, Ciencia, Universidades e Formación Profesional. Ademais, os 80 centros que renovan a súa participación contarán con axudas para ampliar os fondos bibliográficos, modernizar o mobiliario e equipamentos ou sufragar gastos de mantemento e xestión das súas bibliotecas. 

 O obxectivo principal deste programa é transformar as bibliotecas escolares en espazos dinámicos e innovadores, promovendo tanto a comprensión lectora como o hábito lector. A renovación dos recursos busca, ademais, fomentar a creatividade, ampliar as oportunidades de aprendizaxe e consolidar a biblioteca como un apoio esencial para o desenvolvemento das competencias do alumnado. 

 

Centro

Concello

 

Centro

Concello

CEIP Padre Feijo

Allariz

 

CEIP Plurilingüe Irmáns Vilar

Ourense

IES de Allariz

Allariz

 

CEIP Plurilingüe

Ourense

CEIP Plurilingüe Ramón

Amoeiro

 

CIFP A Carbaleira-Marcos

Ourense

Otero Pedrayo

Amoeiro

 

CIFP Portovelo

Ourense

CEIP Virxe de Guadalupe

Avión

 

CEIP Amadeo Rodríguez Baroso

Ourense

CEIP Xoaquín Lourenzo Xocas

Bande

 

CEIP Manuel Sueiro

Ourense

CEIP Filomena Dato *

Barbadás

 

IES As Lagoas

Ourense

CEIP Plurilingüe O Ruxidoiro

Barbadás

 

CEIP Plurilingüe de Seixalbo

Ourense

CEIP Ramón Otero Pedrayo

Barco de Valdeoras, O

 

CPI Plurilingüe José García García

Ourense

CEIP Plurilingüe Julio

Barco de Valdeoras, O

 

CEIP Plurilingüe Albino Núñez

Ourense

CEIP de Fenosa

Barco de Valdeoras, O

 

CEE Miño

Ourense

IES Lauro Olmo

Barco de Valdeoras, O

 

CEIP A Ponte

Ourense

CEIP Guriarán Canalejas

Barco de Valdeoras, O

 

CEIP Mariñamansa *

Ourense

IES Marta guisela

Barco de Valdeoras, O

 

CIFP AFarixa *

Ourense

CEIP Plurilingüe Condesa

Barco de Valdeoras, O

 

IES O Couto

Ourense

CEIP Nosa Señora de Xuvencos

Boborás

 

CEIP Plurilingüe Ben-Cho-Shey

Pereiro de Aguiar, O

CEIP Pena Corneira

Carbaleda de Avia

 

IES Xermán Ancochea Quevedo

Pobra de Trives, A

IES Nº1

Carballiño, O

 

CEIP Plurilingüe Manuel Bermúdez Couso

Pobra de Trives, A

CEIP San Marcos

Cartele

 

CEIP PlurilingüeCarlos Cid Aregui

Rairiz de Veiga

CEIP Plurilingüe Raúl Fernández

Castrelo do Val

 

CEIP Plurilingüe Ribadavia

Ribadavia

IES Celanova Celso Emilio Fereiro

Celanova

 

CRA Amencer

Ribadavia

CEIP Plurilingüe Curros Enríquez

Celanova

 

IES O Ribeiro

Ribadavia

CEIP Carmen García Carasco

Cenlle

 

IES Cosme López Rodríguez

Rúa,A

CPI Antonio Faílde

Coles

 

CEIP Manuel Respino

Rúa,A

CEIP Santa María A Real

Entrimo

 

CEIP Plurilingüe Virxe do Camiño

Rubiá

CPI Plurilingüe Laureano Prieto

Gudiña, A

 

CEIP Plurilingüe Eulogio Gómez Franqueira

San Amaro

CEIP Virxeda Penada  Sela

Irixo, O

 

CPI Virxe da Saleta

SanCristovo

CEIP O Castiñeiro *

Laza

 

CEIP Saco e Arce

Toén

CEIP Plurilingüedo Xurés

Lobios

 

IES García-Barbón

Verín

CPI Teras de  Maside

Maside

 

CEIP Princesa de España

Verín

CEIP AugustoAssía

Mezquita,A

 

IES Castro de Baronceli

Verín

CEIP Plurilingüe de Luíntra

Nogueira de Ramuín

 

CEIP Plurilingüe Amaro Refojo

Verín

CEIP de Oímbra

Oímbra

 

CEIPBibei

Viana do Bolo

CEIP Virxe de Covadonga

Ourense

 

IESCarlosCasares

Viana do Bolo

IES 12 de Outubro

Ourense

 

CEIP Plurilingüe de Vilar deB ario

Vilar de Bario

IES Ramón Otero Pedrayo

Ourense

 

CEIP Rosalía de Castro

Xinzo de Limia

CEIP Curros Enríquez

Ourense

 

CEIP Carlos Casares

Xinzo de Limia

CEIP Vista hermosa

Ourense

 

CEIP Padre Crespo

Xunqueira de Ambía

*Centros de nova incorporación este curso

Recoñecemento ao traballo educativo do CEIP Virxe de Covadonga

Durante a visita, Judith Fernández puxo en valor o compromiso da comunidade educativa do CEIP Virxe de Covadonga co desenvolvemento da súa biblioteca escolar. “Este centro exemplifica como as bibliotecas poden ser motores de transformación educativa, participando en programas da Xunta como o Plambe, a Biblioteca Creativa e Lectura e Familias”, indicou. 

A directora xeral tamén eloxiou o labor de alumnos e docentes, tanto na xestión da biblioteca como na dinamización do club de lectura. Estes proxectos permiten mellorar a inclusión, reforzar a comprensión lectora, empregar distintas fontes de información e potenciar as competencias clave do alumnado. A biblioteca, ademais, está a converterse nun espazo de referencia para toda a comunidade educativa, facilitando o acceso á lectura e contribuíndo a alcanzar maiores éxitos académicos. 

Información xeral Consellería de Educación, Ciencia, Universidades e Formación Profesional

Summary: 

A iniciativa comprende as iniciativas didácticas que ofertan as consellerías do Goberno galego en colaboración con outras institucións

No seu desenvolvemento implicaranse máis de 7.700 docentes

Idioma Gallego

Máis de 178.000 alumnos de 670 centros participarán este curso nos 45 programas educativos integrados no Plan Proxecta. Liderado pola Consellería de Educación, Ciencia, Universidades e FP, este plan comprende as diferentes iniciativas didácticas que ofertan as consellerías da Xunta en colaboración, nalgúns casos, con outras institucións.

A oferta de actividades, que complementa os currículos, está relacionada cos ámbitos da saúde, a alimentación, a actividade física, a ciencia e a tecnoloxía, a lingua, o patrimonio, a solidariedade, o medio ambiente, o desenvolvemento sustentable, a igualdade, o consumo responsable, o voluntariado, a interculturalidade, a convivencia, a educación emocional, a normalización lingüística e os dereitos da infancia ou a mobilidade. No seu desenvolvemento implicaranse tamén máis de 7.700 docentes de todos os niveis educativos non universitarios.

Un ano máis, os programas con máis número de centros integrados son Proxectos de vida activa e deportiva, o incremento diario de actividade física que realiza o alumnado, seguido de Nutriescolas, unha iniciativa para que o alumnado adquira e consolide hábitos alimentarios adecuados e desenvolva as competencias necesarias para facer eleccións saudables no futuro.

O número de centros integrados en cada programa recóllese na seguinte táboa:

Programas

Centros participantes

Proxectos de vida activa e deportiva (PVAD)

380

Nutriescolas

139

Donas de si

77

ProxectoTERRA

45

Correspondentes xuvenís

44

MeteoEscolas

42

Por 365 días de respecto e igualdade

41

Apuntámonos a non beber

39

Vexo veo Xacobeo

31

Quérote+

30

Recíclate con Sogama

28

Consumópolis

27

Clases sen fume

27

Parlamento Xove

26

Proxecto Ríos

25

Proxecto de innovación en dinamización lingüística

25

Educación patrimonial

24

Mobilidade sostible e segura

24

Aprendo programando

22

Mestres gandeiros

20

Nós tamén creamos!

20

Paisaxe e Sustentabilidade

18

Proxecto didáctico Antonio Fraguas

17

Protexe os animais

16

Galicons-net

15

Voluntariado miúdo: Móvete!

14

Naturézate

13

Salvavidas

13

Rapazas emprendedoras nas TIC

11

Fotografía en curso

10

Protexe o teu medio

8

Fitofaladoiro

8

Educación en dereitos da infancia e cidadanía global

8

Escola Verde

7

Xente con Don

7

Rede de Centros Escolares Solidarios

7

Rede de Eco Hortas Escolares

6

Pasaporte solidario

6

Contame un conto

6

O monte vivo

5

Activistas polo mundo que queremos

4

Sementando coeducación dende o rural: os coidados como xermolo para a sustentabilidade da vida

3

Lingua, patrimonio e coñecemento tradicional

3

Cinema en curso

3

Moitavista na Escola

1

 

O Plan Proxecta ten como finalidade ser unha referencia para o fomento da innovación educativa mediante a metodoloxía centrada na realización de proxectos nos centros de ensino. Foméntase así o desenvolvemento de habilidades básicas e transversais entre o alumnado arredor dos Obxectivos de Desenvolvemento Sostible promovidos polas Nacións Unidas na Axenda 2030.

Información xeral Consellería de Educación, Ciencia, Universidades e Formación Profesional

Summary: 

O conselleiro de Educación, que inaugurou o espazo, sinala que esta dotación contribúe a achegar a estes alumnos á realidade académica galega

Destaca o apoio do Goberno galego ao proxecto educativo do centro, que leva décadas contribuíndo á difusión da nosa cultura na diáspora

Idioma Gallego

O conselleiro de Educación, Ciencia, Universidades e FP, Román Rodríguez, vén de inaugurar o Polo Creativo do Colexio Santiago Apóstolo, o centro educativo da diáspora galega en Arxentina. A nova dotación foi achegada pola Xunta de Galicia “para achegar aos alumnos deste centro á realidade académica dos colexios e institutos galegos, favorecendo que avancen en cuestións fundamentais para a súa vida diaria como a resolución de retos a través da creatividade e o traballo en equipo”, destacou o conselleiro.

O material enviado polo Goberno galego ao Colexio Santiago Apóstolo inclúe, ao igual ca o presente nos centros galegos, equipamento especializado de audiovisual e fotografía, electrónica e robótica, fabricación e construción e téxtil e informática, con kits adaptados aos diferentes niveis educativos.

Deste xeito, o Polo Creativo do colexio bonaerense conta con equipos de electrónica básicos e avanzados para diferentes idades, robots de chan e programables, placas microbit, microcontroladores, sistemas domóticos, circuítos de papel, escaneado e impresión 3D, tabletas, xogos de construción de pezas encaixables e sistemas para a creación de audiovisuais, entre outros.

Os Polos Creativos son espazos educativos innovadores a través dos que se fomenta a creatividade, a resolución de problemas en diversos campos do saber e o desenvolvemento de competencias dixitais, científico-tecnolóxicas e artísticas. Funcionan como  un centro de actividades no que se traballa en equipo a intelixencia artificial e outras tecnoloxías intensivas, o procesado audiovisual, a realidade virtual e a impresión 3D, as tecnoloxías de control computerizado e fabricación aditiva, o mecanizado de diferentes materiais, a electromecánica, a robótica e os microcontroladores, entre outras.

Apoio ao centro

Esta nova contribución ao Colexio Santiago Apóstolo súmase ao apoio da Xunta de Galicia a este centro, tanto a través do profesorado como de materiais. De feito, o pasado ano inaugurouse a obra de renovación e ampliación do sexto andar do colexio,  acondicionado para acoller novos servizos educativos como a biblioteca, salas de lectura e de informática e laboratorio de física e química, ademais de espazos de almacén e departamentos para os profesores. O Goberno galego achegou dotación para os laboratorios, pantallas dixitais e ordenadores, entre outras ferramentas, para estes novos espazos.

“O Colexio Santiago Apóstolo é unha parte fundamental da que é a maior comunidade galega no estranxeiro, a de Arxentina. Para o Goberno galego é moi importante apoiar o proxecto educativo deste centro, que leva décadas contribuíndo á difusión da cultura galega e dos valores da nosa identidade”, salientou Román Rodríguez.

Información xeral Consellería de Educación, Ciencia, Universidades e Formación Profesional

Summary: 

A directora xeral de Innovación Educativa dá a benvida aos 53 centros que este curso participan en STEMBach, programa no que xa titularon máis de 1.000 estudantes

Idioma Gallego

A directora xeral de Ordenación e Innovación Educativa, Judith Fernández, deu hoxe a benvida aos participantes no encontro de centros STEMBach, cita onde se presentaron as principais novidades do programa para este curso escolar. Entre as melloras introducidas pola Xunta destacan a creación dunha nova Rede STEMBach para ofrecer apoio tanto ao alumnado como ao profesorado e a incorporación da UNED, que se suma ás tres universidades galegas no recoñecemento de créditos ECTS aos estudantes deste Bacharelato de excelencia.

Este ano, incorporase oito novos centros ata acadar un total de 53 que ofrecen STEMBach, unha acción que se implantou por primeira vez no curso 2018/2019 e no que xa se titularon máis de 1.000 estudantes. O programa enmárcase na Estratexia de educación dixital 2030, que busca consolidar os bos resultados de Galicia en áreas como as ciencias, onde, segundo o último informe PISA, o estudantado galego destaca como o mellor preparado en todo o Estado.

Con esta finalidade, a representante da Consellería de Educación, Ciencia, Universidades e FP sinalou que a nova Rede STEMBach estará configurada “como unha estrutura de apoio e reforzo con propostas que fomenten a colaboración para mellorar o rendemento do alumnado nas materias STEM”, co fin de intensificar a formación científica, fomentar a colaboración coas universidades e impulsar as vocacións científico-tecnolóxicas.

Beneficios para os estudantes

No que atinxe ao alumnado, existen varios beneficios: recóllese no seu expediente oficialmente o feito de ter cursado esta ensinanza e teñen prioridade para participar en determinadas accións específicas das universidades, ademais de visibilidade do seu traballo en feiras científicas, entre outros. Neste senso, hoxe ábrese a convocatoria para premiar proxectos de investigación dos estudantes de STEMBach no curso 2024/25, que serán defendidos e expostos polo alumnado nun acto público ao final do curso.

En canto ao recoñecemento de créditos ECTS universitarios, os estudantes que superen o STEMBach e se matriculen nunha das universidades participantes verán recoñecido o seu mérito cun máximo de 6 créditos ECTS de libre configuración ao longo da súa traxectoria universitaria. A participación no Programa Mentoring STEMbach de cada universidade será un requisito para obter estes créditos. Para iso, ademais da colaboración coas tres universidades públicas galegas, a Consellería incorpora tamén a este proxecto o Consorcio Universitario Centro Asociado á UNED en Lugo.

Máis apoio aos docentes implicados

No que respecta ao profesorado, poderán usar as instalacións do Centro de Innovación Educativa e Dixital, que ten a súa sede no Edificio Fontán da Cidade da Cultura, para desenvolver proxectos, recursos especializados en STEM e un repositorio compartido de charlas, publicacións científicas e licenzas para formación continua. Igualmente, o programa promoverá encontros entre profesorado e alumnado do STEMBach para intercambiar experiencias e apoio mutuo e crearase un espazo virtual onde compartir recursos, guías de estratexias docentes e repositorios de charlas e actividades.

A directora xeral agradeceu o traballo dos docentes e a colaboración das universidades en STEMBach para “desenvolver competencias fundamentais como a creatividade, o emprendemento, a resolución de problemas e o traballo en equipo, elementos esenciais para a formación do alumnado”. Tamén destacou a importancia de “crear un contexto que fomente a excelencia académica e o interese pola investigación científica”.

Contacto coa Universidade en Bacharelato

O STEMBach ten unha duración de dous cursos académicos e enfócase a alumnado de calquera modalidade de Bacharelato. No segundo curso, desenvolven un proxecto de investigación, relacionado cos ámbitos de coñecemento das materias cursadas, co-dirixido por docentes de departamentos universitarios ou entidades de investigación.

Así mesmo, estes estudantes cursan unha materia de afondamento extracurricular relacionada co ámbito STEM (ciencias, tecnoloxía, enxeñaría ou matemáticas) cunha carga lectiva semanal de dúas ou tres horas fóra do horario ordinario do alumnado. A maiores, realiza actividades complementarias de formación, organizadas polo centro en colaboración con universidades, entidades centradas na investigación ou profesionais de recoñecida competencia neste eido, como conferencias, obradoiros ou proxectos.

CENTRO

CONCELLO

        PROVINCIA DA CORUÑA

 

CPR Plurilingüe Alca *

Ames

CPR Plurilingüe Ntra. Sra. Del Carmen

Betanzos

IES Brión

Brión

IES Afonso X O Sabio

Cambre

IES Punta Candieira *

Cedeira

CPR Plurilingüe Compañía de María

A Coruña

CPR Plurilingüe Liceo La Paz

A Coruña

CPR Plurilingüe La Grande Obra de Atocha

A Coruña

IES Salvador de Madariaga

A Coruña

IES Plurilingüe Eusebio da Guarda

A Coruña

CPR Plurilingüe Cristo Rey *

A Coruña

IES A Sardiñeira *

A Coruña

IES Agra do Orzán

A Coruña

CPR Plurilingüe Rías Altas

Culleredo

CPR Tirso de Molina

Ferrol

IES Sofía Casanova

Ferrol

IES Concepción Arenal

Ferrol

IES María Casares

Oleiros

IES de Ortigueira

Ortigueira

CPR Plurilingüe Compañía de María

Santiago de Compostela

IES Plurilingüe Rosalía de Castro

Santiago de Compostela

IES Lamas de Abade

Santiago de Compostela

IES Arcebispo Xelmírez II

Santiago de Compostela

IES de Cacheiras *

Teo

        PROVINCIA DE LUGO

 

IES Lucus Augusti

Lugo

IES Nosa Sra. Dos Ollos Grandes

Lugo

IES Francisco Daviña Rey

Monforte de Lemos

       PROVINCIA DE OURENSE

 

CPR Plurilingüe Miraflores

O Pereiro de Aguiar

CPR Plurilingüe Santa María

Ourense

IES Eduardo Blanco Amor

Ourense

IES As Lagoas

Ourense

PROVINCIA DE PONTEVEDRA

 

IES Primeiro de Marzo

Baiona

IES Ramón Cabanillas

Cambados

IES María Soliño

Cangas

IES de Rodeira *

Cangas

IES Plurilingüe Aquis Celenis

Caldas de Reis

IES Ramón Mª Aller Ulloa

Lalín

IES Laxeiro

Lalín

IES Plurilingüe A Paralaia

Moaña

IES As Barxas

Moaña

IES Val Miñor

Nigrán

IES A Xunqueira II

Pontevedra

CPR Santiago Apostol

Soutomaior

IES San Paio

Tui

IES de Valga

Valga

CPR Plurilingüe Compañía de María

Vigo

CPR Plurilingüe Miralba

Vigo

CPR Plurilingüe Las Acacias *

Vigo

IES República Oriental de Uruguay

Vigo

IES Valadares

Vigo

IES Armando Cotarelo Valledor *

Vilagarcía de Arousa

 

*Centros de nova incorporación este curso

Información xeral Consellería de Educación, Ciencia, Universidades e Formación Profesional

Summary: 

O conselleiro de Educación destaca a importancia de seguir internacionalizando a universidade galega e de promover a mobilidade dos seus estudantes

“Nunha sociedade cada vez máis globalizada é fundamental que as administracións traballemos nunha oferta académica que dea resposta a estas necesidades”, afirma

Visita as universidades de La Plata, Tres de Febrero, de Lomas de Zamora e San Martín para pechar acordos con USC, UDC e UVigo

Idioma Gallego

O conselleiro de Educación, Ciencia, Universidades e FP, Román Rodríguez, sinalou hoxe os acordos con universidades arxentinas como o primeiro paso para estender o modelo de titulacións de grao, mestrado e doutorado compartidas a outros países. Fíxoo no marco da viaxe institucional ao país americano, na que estes días está a visitar as catro universidades nacionais de prestixio seleccionadas pola Comisión Nacional de Evaluación y Acreditación Universitaria para avanzar nos primeiros proxectos compartidos, en concreto as de La Plata, Tres de Febrero, de Lomas de Zamora e San Martín.

O titular do departamento educativo da Xunta destacou a importancia de seguir internacionalizando a universidade galega e de promover a mobilidade dos seus estudantes. Non en balde, os acordos que se están a asinar coas devanditas universidades arxentinas inclúen non só a impartición de titulacións compartidas, senón tamén o intercambio de estudantes, entre outros. 

“Nunha sociedade cada vez máis globalizada é fundamental que as administracións traballemos nunha oferta académica que dea resposta a estas necesidades”, afirmou o conselleiro, sinalando que a internacionalización é un reto compartido coas universidades de Santiago de Compostela, A Coruña e Vigo e coa Axencia para a Calidade do Sistema Universitario de Galicia.

“O tecido académico, o económico e o empresarial non teñen fronteiras. Conscientes desta realidade, queremos ampliar esta cooperación universitaria internacional pensando sempre en ofrecer a mellor formación aos estudantes, o que constitúe a nosa prioridade”, dixo. 

Así mesmo, o representante do Goberno galego salientou o abano de oportunidades que este novo modelo de internacionalización vai supoñer para os titulados a nivel laboral, tanto a nivel inserción como para abrir as portas dos mercados laborais de diferentes países.

Na viaxe institucional a Arxentina participan, ademais do conselleiro, os reitores das universidades de Santiago de Compostela e A Coruña, Antonio López e Ricardo Cao; a secretaria xeral da Universidade de Vigo, María José Bravo; o secretario xeral de Universidades da Xunta, José Alberto Díez, e o presidente e o director da ACSUG, Eduardo Pereira e Juan José Nieto.

Enriquecer o sistema e avanzar en ciencia

Román Rodríguez destacou tamén a oportunidade que esta iniciativa de colaboración supón para enriquecer os sistemas universitarios dos países que se vaian sumando a ela. Neste sentido, lembrou que o modelo proposto para impartir titulacións compartidas inclúe tamén accións a outros niveis, como o intercambio de persoal docente ou de materiais académicos, así como a celebración conxunta de seminarios e conferencias.

Tamén o impulso de accións conxuntas en materia de investigación, favorecendo tamén a mobilidade dos investigadores entre os países participantes, contribuíndo ao avance da ciencia.

Información xeral Consellería de Educación, Ciencia, Universidades e Formación Profesional

Summary: 

A directora xeral de Ordenación e Innovación educativa participa na inauguración do Congreso da Asociación de Ensinantes de Ciencia de Galicia

Idioma Gallego

A directora xeral de Ordenación e Innovación educativa, Judith Fernández, participou esta tarde na inauguración do XXXVII Congreso da Asociación de Ensinantes de Ciencia de Galicia (Enciga), onde destacou a importancia das áreas matemática e científico‑tecnolóxicas na formación cidadá do alumnado. Neste sentido, sinalou a utilidade destas ensinanzas para facer fronte aos desafíos da vida diaria, cada vez mais complexos, así como ás noticias falsas no eido científico.

A representante da Consellería de Educación, Ciencia, Universidades e FP puxo en valor, ademais, o peso crecente das mulleres e as nenas na ciencia e salientou a aposta da Xunta por diminuír a fenda de xénero nestas disciplinas a través do programas como o Bacharelato de excelencia en Ciencias e Tecnoloxía (STEMbach), no que predominan as alumnas.

“Proba deste papel feminino cada vez máis importante nestas áreas é que a xunta directiva de Enciga está conformada integramente por mulleres e a conferencia inaugural deste congreso é impartida por Begoña Vila Costas, enxeñeira principal de sistemas no Centro Espacial Goddard da NASA”, incidiu a directora xeral.

Obradoiros e conferencias

Desde hoxe ata o vindeiro sábado, o Instituto IES Plurilingüe de Valga acolle as actividades deste congreso, que abranguen desde o intercambio de experiencias e boas prácticas de centros educativos, ata visitas culturais, pasando por obradoiros arredor da Bioloxía, a Xeoloxía, a Física, a Química e as Matemáticas.

Ademais da conferencia inaugural, A exploración espacial: ensinándonos o universo, de Begoña Vila, o profesor titular no Instituto Galego de Física de Altas Enerxías da USC Xabier Cid será o responsable do relatorio Cern: 70 anos de historia e ciencia. Pola súa banda, a enxeñeira e doutora en Informática e graduada en Matemáticas, investigadora do CITIC, Susana Ladra, amosará en Revolucionando a aula como a intelixencia artificial transforma a educación; mentres que o presidente da Fundación Rosalía de Castro e profesor da Universidade de Vigo, Anxo Angueira, impartirá a conferencia Rosalía, a ciencia e a modernidade.

Información xeral Consellería de Educación, Ciencia, Universidades e Formación Profesional

Summary: 

A directora xeral de FP participa no encontro ‘Mulleres na empresa actual e futura, liderando na Administración pública’ que organiza o Círculo de Empresarios de Galicia

Idioma Gallego

A directora xeral de Formación Profesional, Eugenia Pérez, participou hoxe na mesa de debate Directivas liderando na Administración pública do encontro Mulleres na empresa actual e futura, unha xornada sobre o liderado feminino organizada polo Círculo de Empresarios de Galicia.

A representante da Consellería de Educación, Ciencia, Universidades e FP, que debateu coa directora da Autoridade Portuaria de Vilagarcía de Arousa, Begoña Mesejo, e coa directora territorial de Comercio e ICEX de Galicia, Patricia Pérez, deu a coñecer o seu papel no Goberno galego e puxo en valor o traballo que se está a realizar para rematar coa brecha de xénero na Formación Profesional galega. “É importante animar a mocidade galega a que estude o que de verdade lle guste sen estereotipos asociados as profesións”, sinalou Eugenia Pérez, quen afirmou que a través de campañas, programas e iniciativas estase incrementando a presenza feminina na FP: “Do curso pasado a este, hai un 9% máis de alumnas fronte a un 5% máis de alumnos”.

Este encontro tamén contou coa testemuña de alcaldesas galegas, de cargos directivos de servizos estratéxicos como son a Sanidade, a Universidade e os corpos de seguridade e forzas do Estado, así como cun coloquio entre os participantes e os asistentes para proporcionar as claves de liderar con perspectiva e empatía.

Información xeral Consellería de Educación, Ciencia, Universidades e Formación Profesional

Summary: 

Román Rodríguez preside o acto no que as axencias de calidade universitaria de ambos territorios rubrican un acordo marco para promover esta cooperación

Posibilitará ofertar titulacións conxuntas de grao, mestrado e doutorado co obxectivo de impulsar a internacionalización das universidades galegas

Tamén poderán intercambiar persoal, estudantes e impulsar proxectos de investigación e actividades conxuntas, entre outras iniciativas

As tres universidades públicas galegas referendarán acordos de colaboración con catro universidades arxentinas de prestixio para avanzar nos primeiros proxectos

Idioma Gallego

As universidades públicas galegas e universidades arxentinas poderán impartir titulacións conxuntas de grao, mestrado e doutorado. Farao posible un acordo marco asinado entre ambos territorios, primeiro froito da viaxe de traballo que encabeza o conselleiro de Educación, Ciencia, Universidades e FP, Román Rodríguez. O representante da Xunta de Galicia presidiu ao acto de sinatura entre a Axencia para a Calidade do Sistema Universitario de Galicia (ACSUG) e a Comisión Nacional de Evaluación y Acreditación Universitaria (CONEAU).

Esta decisión, impulsada desde o Goberno autonómico co consenso das universidades galegas e a supervisión das axencias de calidade de ambos sistemas, promoverá tamén o intercambio de experiencias, metodoloxías e ferramentas entre os sistemas de educación superior a ambas beiras do Atlántico. O director da ACSUG, Eduardo Pereira, e o presidente de CONEAU, Martín Strah, rubricaron esta acción de cooperación.

“A Xunta e as universidades públicas galegas coincidimos no obxectivo de estar máis abertos ao exterior e ser máis internacionais -afirmou o conselleiro-. Nada mellor para comezar esta senda que estar en Arxentina traballando con varias universidades de Bos Aires para abrir oportunidades e que os alumnos arxentinos poidan formarse en Galicia e tamén para que a nosa Comunidade poida enriquecerse co seu talento”.

Definición dos primeiros proxectos

Román Rodríguez puxo en valor a disposición das tres universidades públicas galegas para sumarse a esta iniciativa. De feito, xa están a analizar a oferta académica para poder definir as primeiras titulacións nas que desenvolver esta colaboración.

A Comisión Nacional de Evaluación y Acreditación Universitaria propón catro universidades de prestixio para avanzar nos primeiros proxectos compartidos. En concreto, as universidades nacionais de La Plata, Tres de Febrero, de Lomas de Zamora e San Martín. Con este fin, os representantes das universidades de Santiago de Compostela, A Coruña e Vigo desprazados a Arxentina referendarán estes días acordos-marco de colaboración coas devanditas institucións académicas arxentinas. A axenda da viaxe inclúe hoxe unha xornada de traballo, con visitas institucionais a La Plata e Lomas de Zamora, mentres que mañá será a quenda de Tres de Febrero e San Martín.

Nestas visitas participan, ademais do propio conselleiro de Educación en representación do Goberno autonómico, os reitores das universidades de Santiago de Compostela e A Coruña, Antonio López e Ricardo Cao; a secretaria xeral da Universidade de Vigo, María José Bravo; o secretario xeral de Universidades da Xunta, José Alberto Díez, e o presidente e o director da ACSUG, Eduardo Pereira e Juan José Nieto.

Intercambios e investigación

Ao abeiro destes acordos, ademais da impartición de titulacións conxuntas, as universidades asinantes poderán tamén intercambiar persoal docente, investigador e administrativo, así como estudantes e diversa información académica e materiais.

Por outra banda, estas entidades académicas poderán impulsar proxectos de investigación conxuntos, ademais de conferencias, simposios, cursos e seminarios.

O representante da Xunta quixo agradecer o traballo da ACSUG e de CONEAU para establecer unha base sólida que permita poñer en marcha as primeiras iniciativas neste eido. “Non é doada unha colaboración deste tipo entre dous países que forman parte de continentes diferentes, pero estas dúas entidades de acreditación e supervisión da calidade das titulacións traballarán arreo para facelo realidade”, destacou.

“Con este acordo damos un importante paso para fortalecer as redes de cooperación entre as entidades académicas dos dous países e na estratexia de internacionalización do Sistema Universitario de Galicia que está a impulsar a Xunta”, explicou o conselleiro. “Aproveitaremos as sinerxías existentes entre as dúas partes, froito de décadas de estreita relación, moi vencellada á diáspora galega no país americano”, detallou.

Información xeral Consellería de Educación, Ciencia, Universidades e Formación Profesional

Summary: 

Sitúase como a primeira comunidade autónoma con 564 puntos, 13 máis que a segunda e cinco máis ca o pasado ano 

Obtén 26 puntos máis que a medida de España de 538 puntos, tal e como certifica o informe de EF sobre índice de dominio do inglés

Esta dinámica alcista referenda a aposta da Xunta de Galicia polo impulso da aprendizaxe de idiomas en Galicia

Idioma Gallego

Galicia sitúase líder de España en inglés e no nivel alto do mundo, tal e como o corrobora o estudo máis amplo a nivel internacional que cada ano realiza Education First (EF).

Segundo os datos que veñen de facerse públicos hoxe, a comunidade autónoma galega obtén 564 puntos, o que a coloca no primeiro posto de España e 13 puntos por riba da segunda, que é Madrid (551 puntos), 18 puntos por riba de Cataluña (que está en cuarta posición con 546 puntos) e 19 máis ca País Vasco (en quinta posición con 545 puntos).

Ademais, Galicia colócase no nivel alto da táboa entre os 116 países analizados por EF-EPI, fronte ao nivel medio no que se sitúa España con 538 puntos, e á que lle saca 26 puntos de vantaxe. Tamén está moi por riba (87 puntos máis) da media mundial de 477.

A comparativa co estudo de 2023 tamén arroxa unha dinámica positiva de Galicia, xa que sube cinco puntos e escala da segunda á primeira posición estatal.

Os datos  do estudo de EF-EPI é o resultado da realización de test a 2,1 millóns de persoas de 116 países e rexións de todo o mundo, dos cales o 54% foron mulleres e o 46% homes, cunha idade media de 26 anos.

Estes datos referendan as distintas accións da Consellería de Educación, Ciencia, Universidades e FP para a aprendizaxe de inglés enmarcadas na Estratexia galega de linguas estranxeiras como é a rede de centros plurilingües, que este ano acada os 511 centros e institutos atendidos por un total de 665 auxiliares de conversa de 24 países de cinco continentes, ou iniciativas como os campamentos de inglés e as estadías no estranxeiro, entre outros.

Información xeral Consellería de Educación, Ciencia, Universidades e Formación Profesional

Summary: 

A directora xeral de FP reúnese coa representante da firma tecnolóxica para Asturias e Galicia co fin de abordar vías de colaboración en materia de ciberseguridade

Idioma Gallego

A directora xeral de FP, Eugenia Pérez, mantivo hoxe unha reunión de traballo coa directora de Telefónica para Asturias e Galicia, Paula Rodríguez, co obxectivo de abrir liñas de colaboración en materia de Formación Profesional e, en concreto, no eido da ciberseguridade, unha das áreas que rexistra unha maior demanda de profesionais cualificados a curto e medio prazo.

A representante da Consellería de Educación, Ciencia, Universidades e FP puxo en valor este tipo de encontros na medida en que permiten escoitar “de primeira man” as necesidades do tecido empresarial e, deste xeito, “poder deseñar unha oferta formativa o máis pegada á demanda socioeconómica” ao tempo que “reter talento na nosa comunidade autónoma”.

Eugenia Pérez amosou a intención da Xunta en seguir reforzando a FP galega no eido da ciberseguridade, un compromiso que se reflicte en accións como a ampliación da oferta este curso con 14 másteres e 340 prazas neste eido repartidas en centros educativos das catro provincias. Nesta mesma liña, estase impulsando espazo de alta especialización en ciberseguridade no Centro Galego da Innovación da FP Eduardo Barreiros para conseguir a máis alta formación e especialización do profesorado e a xeración de proxectos de I+D+i que sexan de transferencia directa ás empresas e institucións.

Información xeral Consellería de Educación, Ciencia, Universidades e Formación Profesional

Summary: 

A directora xeral de Ordenación e Innovación Educativa coñece no centro algunhas das iniciativas candidatas á convocatoria do programa de impulso a Centros Referentes

Idioma Gallego

A directora xeral de Ordenación e Innovación Educativa, Judith Fernández, visitou hoxe o Colexio CEIP Plurilingüe da Carrasqueira en Vigo, onde salientou o éxito dos programas innovadores que fomentan no centro a educación inclusiva e emocional. Esta visita enmárcase dentro da iniciativa da Xunta de crear unha rede de Centros Referentes, recoñecendo o labor de promoción dunha educación accesible e innovadora.

No percorrido, a representante da Consellería de Educación coñeceu espazos do centro como os patios inclusivos e a aula sensorial, deseñados para proporcionar aos alumnos unha zona adaptada que fomente a convivencia e a saúde emocional. Estas iniciativas son candidatas á convocatoria do programa de impulso de Centros Referentes que ten aberta a Xunta no marco do Plan MEGA de mellora educativa de Galicia.

A directora xeral subliñou que estas iniciativas son fundamentais para crear un clima escolar positivo e inclusivo, destacando o “compromiso sólido da Xunta coa educación inclusiva e emocional”. Recordou tamén que Galicia conta cun dos sistemas educativos máis inclusivos do país e reiterou que a Consellería está traballando para seguir mellorando nesta dirección.

Ademais, Judith Fernández recordou que a Consellería de Educación está a desenvolver novos instrumentos para fortalecer a inclusión e o benestar emocional nos centros galegos, como unha ferramenta de sondaxe para medir o clima de convivencia, un Plan de Coeducación que fomente a igualdade e a renovación do protocolo de identidade de xénero. Estas medidas reflicten a aposta da Xunta por unha educación que sexa inclusiva e emocionalmente segura para todos os estudantes.

Durante a visita, coñeceu tamén as diversas iniciativas que o centro desenvolve en materia de innovación. Trátase de actividades dirixidas a fomentar a aprendizaxe e o desenvolvemento integral do alumnado, potenciando competencias clave como a comprensión lectora e a competencia matemática, á vez que promoven a igualdade, a convivencia e o benestar emocional.

Información xeral Consellería de Educación, Ciencia, Universidades e Formación Profesional

Summary: 

O conselleiro de Educación encabeza a delegación galega que visita desde hoxe o país americano para estreitar lazos e abrir oportunidades de cooperación

Participan tamén os reitores das universidades de Santiago e A Coruña, a secretaria xeral da UVigo e a Axencia para a Calidade do Sistema Universitario de Galicia

“Compartimos moitos obxectivos comúns e un deles é abrir as nosas facultades e centros de estudo a alumnos de todo o mundo”, afirma Román Rodríguez

A axenda comeza este martes cun encontro coa Comisión Nacional de Evaluación y Acreditación Universitaria arxentina e representantes de universidades do país

Idioma Gallego

O Sistema Universitario de Galicia inicia hoxe unha visita institucional a Arxentina que ten como obxectivo establecer novos marcos de colaboración para afondar na súa internacionalización. A Xunta de Galicia e as tres universidades públicas viaxan nunha delegación conxunta encabezada polo conselleiro de Educación, Ciencia, Universidades e FP, Román Rodríguez, cunha ampla axenda de reunións de traballo e intercambio ao longo de tres xornadas.

Co propósito de fortalecer as relacións entre as universidades do país americano e as galegas e estreitar lazos, participan nesta viaxe os reitores das universidades de Santiago e da Coruña, Antonio López e Ricardo Cao, e a secretaria xeral da Universidade de Vigo, María José Bravo. Xunto a eles, tamén o presidente e o director da Axencia para a Calidade do Sistema Universitario de Galicia (ACSUG), Juan José Nieto e José Eduardo López, e o secretario xeral de Universidades do Goberno galego, José Alberto Díez.

“A Xunta e as universidades públicas galegas compartimos moitos obxectivos comúns. Un deles é abrir as nosas facultades e centros de estudo a alumnos de todo o mundo e incrementar a calidade das titulacións que ofrecemos”, afirma Román Rodríguez na primeira xornada da viaxe. Por iso, sinala que esta visita “é unha enorme oportunidade para avanzar nesta estratexia de apertura, especialmente ao tratarse dun país irmán como Arxentina ao que estamos unidos por moitas razóns”. Neste senso, o conselleiro agradece a disposición do sistema universitario do país americano para buscar e determinar liñas de colaboración en beneficio mutuo coa USC, a UDC e a UVigo.

Implicación das axencias de calidade

A implicación da ACSUG resulta fundamental, pois previamente ten establecido xa contactos coa súa homóloga arxentina, a Comisión Nacional de Evaluación y Acreditación Universitaria (CONEAU), encargada de seleccionar as universidades do país americano que participan neste cumio. Son as universidades nacionais Tres de Febrero, de La Plata, de Lomas de Zamora e San Martín, que suman máis de 190.000 estudantes, máis de 20.000 docentes e máis de 1.500 titulacións. Trátase así de procurar unha maior internacionalización da educación superior a través do intercambio de experiencias e proxectos entre as institucións académicas de ambos territorios.

Precisamente, a axenda desta viaxe de cooperación comeza este martes cunha reunión de traballo con representantes da CONEAU en Bos Aires, seguida dun panel con expertos do ámbito académico arxentino. Ao longo dos vindeiros días, a delegación galega visitará cada unha das catro universidades americanas de xeito individual.

Arxentina, punto de partida

O feito de escoller Arxentina como punto de partida desta estratexia de internacionalización débese aos vínculos históricos, sociais e institucionais que a ligan con Galicia, ademais de polas similares sensibilidades, o que facilitará o establecemento de relacións educativas en materia de cooperación interuniversitaria. A participación das axencias de calidade universitaria de ambos lugares garante que todas as colaboracións que se poidan establecer se fagan dentro dun marco de máxima excelencia.

Información xeral Consellería de Educación, Ciencia, Universidades e Formación Profesional

Summary: 

A Consellería de Educación leva emitidos 116 certificados de profesionalidade sobre a confección, a montaxe e o mantemento de artes e aparellos de pesca

Idioma Gallego

A directora xeral de FP, Eugenia Pérez, mantivo hoxe unha reunión de traballo coa Federación Galega de Redeiras O Peirao para explorar vías de colaboración para a mellora da formación e a capacitación deste colectivo que se dedica a unha actividade básica do sector marítimo-pesqueiro en Galicia. A representante da Consellería de Educación, Ciencia, Universidades e FP analizou coas representantes desta entidade a posibilidade de impulsar accións formativas específicas para que o sector poida afrontar novos rectos tecnolóxicos e de loxística. 

Cómpre lembrar que a Consellería xa ven mantendo liñas de colaboración con esta federación para a cualificación do colectivo a través da acreditación de competencias profesionais. Froito desta cooperación, nos últimos tres anos emitíronse 116 certificados de profesionalidade para as dúas unidades de competencia desta cualificación, que son as de confeccionar e montar e de manter artes e aparellos de pesca. En Galicia, o centro de referencia para estas unidades da familia Marítimo-Pesqueira é o Centro Integrado de FP CIFP Universidade Laboral de Culleredo. 

Precisamente o impulso da acreditación de competencias profesionais é un dos sete eixos nos que se basea a Estratexia de FP Galicia 2030, onde se fai fincapé, entre outros, na colaboración co tecido socioeconómico a través das entidades empresariais e profesionais para actualizar e adaptar a oferta a esas necesidades e mellorar a empregabilidade e a formación dos traballadores.

Información xeral Consellería de Educación, Ciencia, Universidades e Formación Profesional

Summary: 

O Goberno Galego eleva a máis de 76.000€ a contía do convenio para incrementar en 20 o número de comensais, atendendo á demanda do servizo de comedor

A Xunta mantén o seu compromiso coa conciliación familiar e educativa en Galicia, beneficiando a 14 concellos destes programas de comedor en colaboración

Idioma Gallego

A Xunta de Galicia aprobou unha terceira addenda ao convenio de colaboración co Concello de Oroso para o apoio á xestión do servizo de comedor escolar. Deste xeito, incrementarase nun 18% a contía do convenio, ata os 76.362€ (11.748€ máis), o que permitirá ampliar ata os 130 os usuarios de comedor escolar no Colexio CEIP Plurilingüe do Camiño Inglés. Esta ampliación de 20 comensais responde á crecente demanda de prazas de comedor, co obxectivo de facilitar a conciliación familiar.

Este apoio económico por parte da Xunta de Galicia permitirá ao Concello de Oroso xestionar o servizo de comedor de forma eficaz, incluíndo a contratación dos menús e o coidado do alumnado durante as comidas, mentres que a Consellería de Educación, Ciencia, Universidades e Formación Profesional subvencionará os custos dos menús escolares. O convenio ten vixencia ata o curso 2025/26, incluído.

A Xunta de Galicia colabora na actualidade con 14 concellos de toda a xeografía galega que xestionan comedores escolares, en concreto con Ames, Barreiros, Betanzos, Cangas, Ferrol, Lugo, Manzaneda, Meaño, Mugardos, Muíños, Oroso, Sada, Sarria e Vilalba. Un total de 4.809 alumnos benefícianse destes convenios de colaboración cos concellos. Ademais, a Consellería de Educación destina 1,6M€ para axudas ás anpas que xestionan comedores escolares.

Información xeral Ensinanzas de réxime xeral

Summary: 

Román Rodríguez gaba estes espazos como “epicentro da transformación docente” recoñecidos a nivel estatal e que avalan os bos resultados en competencia lectora

Salienta que a biblioteca escolar exercerá de motor do programa de reforzo da comprensión lectora incluído no Plan MEGA de mellora educativa de Galicia

Idioma Gallego

O Plan de mellora de bibliotecas escolares de Galicia, Plambe, supera por primeira vez os máis de 800 colexios e institutos adscritos, ao igual que continúan medrando os centros que se suman ao resto de programas da Xunta neste eido como os Clubs de lectura (458 centros este ano), Radio na biblio (220), Biblioteca creativa (191) ou Lectura e familias (130), entre outros.

O conselleiro de Educación, Ciencia, Universidades e FP, Román Rodríguez, sinala que a boa acollida que están tendo as distintas accións do seu departamento nesta materia referenda o apoio do Goberno galego á rede de bibliotecas escolares de Galicia como “epicentro da transformación docente” e lugar de “coñecemento, innovación e creatividade”. Así o sinalou esta mañá con motivo da inauguración da xornada Biblioteca escolar, a escena!, un encontro que reúne a preto de 700 persoas entre docentes, asesores, equipos de bibliotecas escolares e expertos na temática para compartir experiencias e boas prácticas centradas no teatro como soporte para a aprendizaxe. No acto tamén participou a directora xeral de Ordenación e Innovación Educativa, Judith Fernández.

O titular de Educación gabou que, grazas á implicación e ao “traballo de base” dos docentes e responsables das bibliotecas dos centros educativos, estes espazos sexan hoxe “un entorno educativo de referencia” onde se combina a adquisición de competencias múltiples como as lectoras, as dixitais, o traballo en equipo  ou a formación en igualdade e inclusión que representan “un dos piares fundamentais do noso sistema educativo”. “Este traballo día a día tradúcese en resultados palpables”, sinalou o conselleiro en referencia a que Galicia sitúase por riba da media do Estado e da OCDE.

Informe ‘Bibliotecas Escolares en España’

As bibliotecas escolares galegas son, ademais, un referente a nivel estatal, con puntuacións superiores á media estatal na meirande parte das dimensións  contempladas no informe estatístico Bibliotecas Escolares en España que cada catro anos realiza o Goberno Central, destacando en apartados como a calidade dos espazos de aprendizaxe, as actividades relacionadas co tratamento da información e competencias dixitais ou a formación en diversidade e igualdade.

A biblioteca do futuro

Neste contexto, Román Rodríguez apelou a “seguir construíndo a biblioteca do futuro” co apoio da Xunta de Galicia á transformación e renovación destes espazos tanto no que atinxe a programas específicos como á dotación de equipamento.

Non en balde, as bibliotecas escolares galegas están chamadas a xogar un papel clave das accións recollidas no Plan MEGA de mellora educativa de Galicia, como é o programa de reforzo da comprensión lectora. Este programa artéllase a través da posta a disposición dos centros de iniciativas de lectura no conxunto da comunidade educativa, así como dun amplo abano de actividades para o fomento da lectura que redundará de forma efectiva na mellora da comprensión lectora dos estudantes.

A biblioteca escolar funcionará como motor deste programa, como o espazo mediador para o desenvolvemento de competencias comunicativas, informacionais e mediáticas, como requisito para a construción do pensamento crítico.

O teatro protagonista con Paula Carballeira

A xornada Biblioteca escolar, a escena! colle como fío condutor o teatro e o seu poder como soporte para diferentes relatos, así como o papel destes espazos como lugar de exploración de novos proxectos, de creación e de participación das familias.

A escritora e contacontos Paula Carballeira foi a encargada da conferencia inaugural co relatorio Teatro, o máis parecido á vida, nunha xornada que tamén conta co presenza dos escritores Rosalía Fernández Rial e Miguel Núñez Singala e o pedagogo Jorge María Larrosa. Ao longo do día desenvolveranse distintas mesas de exposición e debate sobre experiencias variadas como traballos por proxectos e lecturas dramatizadas, entre outras actividades.

Información xeral Consellería de Educación, Ciencia, Universidades e Formación Profesional

Summary: 

A Xunta investirá preto de 675.000 € na construción dun espazo multifuncional que servirá para as clases de Educación Física e como patio cuberto

O novo espazo vai en liña cos parámetros do Plan de nova arquitectura pedagóxica, a través do que se fomenta a creación de espazos flexibles

Idioma Gallego

O conselleiro de Educación, Ciencia, Universidades e FP, Román Rodríguez, visitou hoxe o Colexio CEIP Plurilingüe de Sestelo-Baión, en Vilanova de Arousa, onde presentou o proxecto para mellora das instalacións deportivas e de lecer deste centro, no que o seu departamento vai investir preto de 675.000 € e que está previsto que a obra se realice no vindeiro 2025. Para iso, a consellería vai licitar a intervención por anticipado de gasto antes de que remate este ano.

Tal e como explicou, esta obra vén dar resposta á necesidade da comunidade educativa de contar cuns espazos renovados para as clases de Educación Física. O proxecto previsto inicialmente non se puido levar a cabo por cuestións técnicas do terreo, polo que a Xunta decidiu buscar unha alternativa e optar por unha nova proposta de espazo multidiciplinar que se poida empregar tanto para a práctica deportiva como a modo de patio cuberto, unha opción que foi consensuada coa comunidade educativa.

“Trátase dunha instalación que vai en liña cos parámetros do Plan de nova arquitectura pedagóxica, a través do que se fomenta a creación de espazos flexibles e multifuncionais nos centros educativos, que dean resposta ás diferentes necesidades do ensino actual”, destacou o conselleiro.

A obra consistirá na construción dun espazo cuberto con panel tipo sándwich opaco e panel policarbonato translucido, de 400 m², para uso como patio cuberto os días de choiva e zona para Educación Física. Debido ao desnivel do terreo, aproveitarase parte do espazo inferior para habilitar un almacén  de 190 m². A nova construción terá un soportal de conexión en continuidade co existente no colexio e paralelo á pista deportiva exterior.

Máis de 2 M€ nos últimos anos

Esta nova actuación súmase ás recentes melloras realizadas pola Consellería neste centro, en concreto na fachada, canlóns e baixantes, peche principal e luminarias exteriores , por importe de 26.000 €.

“A Xunta leva destinados máis de 2 M€ en obras en centros de Vilanova de Arousa nos últimos anos, un investimento que agora impulsamos con esta nova actuación no Colexio de Sestelo-Baión e coas melloras que imos realizar tamén no Colexio CEIP de San Roque. As obras consisten na rehabilitación e cambio de uso das antigas vivendas de mestres, para o novo comedor escolar, dando así un novo uso as construcións escolares”, detallou o conselleiro.

Información xeral Consellería de Educación, Ciencia, Universidades e Formación Profesional

Summary: 

A folla de ruta do Goberno galego para a modernización dos centros inicia unha segunda fase con 200M€ para os próximos catro anos

A intervención en Oroso ten un orzamento de máis de 310.000€ e vai dirixida a mellorar o confort térmico e a eficiencia enerxética do centro

Idioma Gallego

O conselleiro de Educación, Ciencia, Universidades e FP, Román Rodríguez, acompañado pola delegada territorial da Xunta na Coruña, Belén do Campo, explicou esta mañá que os Orzamentos da Xunta para 2025 inclúen 70,7M€ para obras en centros educativos a través do Plan de nova arquitectura pedagóxica. Fíxoo nunha visita ao Colexio CEIP Plurilingüe de Sigüeiro, no concello coruñés de Oroso, onde presentou o proxecto de renovación da cuberta deste centro, unha das obras incluídas no plan e na que a Xunta investirá máis de 310.000€

O titular do departamento educativo do Goberno galego sinalou que a partida para obras de 2025 se incrementa nun 12,8% respecto da do ano 2024, cando se destinaron 62,6M€. “O obxectivo é impulsar o Plan de nova arquitectura pedagóxica, que comeza agora unha segunda fase cun investimento inicial de 200M€ para os próximos catro anos”, destacou Román Rodríguez. “Desde 2021 executamos máis de 2.700 obras de modernización de centros educativos no marco deste plan”, recordou.

Mellora da eficiencia

No caso da intervención do cambio de cuberta do Colexio CEIP Plurilingüe de Sigüeiro, o conselleiro explicou que a intervención vai dirixida a mellorar o confort térmico e a eficiencia enerxética do centro e, polo tanto, o día a día da comunidade educativa deste colexio. Neste sentido, sinalou que a obra entronca directamente cos obxectivos do Plan de nova arquitectura pedagóxica, a través do que se traballa activamente para acadar uns centros con menor consumo e máis verdes.

A obra consistirá na colocación de cuberta de panel sándwich de 30 mm de espesor na edificación principal e no anexo posterior. As partes que na actualidade son de paneis de policarbonato mudaranse por unhas placas de policarbonato celular. A maiores, instalaranse novas baixantes e unha nova canle de recollida de augas pluviais en aceiro galvanizado.  A obra licitarase antes de final de ano e o seu comezo está previsto para o final do curso 2024/25, unha vez remate a contratación.

Nos últimos anos a Xunta investiu máis de 5M€ nos centros educativos de Oroso, incluíndo a construción do Colexio CEIP Plurilingüe do Camiño Inglés. No último ano destináronse 40.000€ a pequenas actuacións como a substitución da impermeabilización da cuberta dos vestiarios do Instituto IES de Oroso ou a reparación de formigóns de aleiros e asfaltado da rampla de acceso ao pavillón no Colexio CEIP Plurilingüe de Sigüeiro.

Información xeral Consellería de Educación, Ciencia, Universidades e Formación Profesional

Summary: 

A directora xeral de Ordenación e Innovación Educativa recorda no Parlamento o acordo co Instituto Camões, que facilita a acreditación gratuíta de niveis de portugués

Idioma Gallego

A directora xeral de Ordenación e Innovación Educativa, Judith Fernández, reafirmou hoxe no Parlamento o apoio da Xunta ao fomento do ensino do portugués en Galicia, un compromiso reflectido no crecemento de estudantes. Nos últimos 10 anos, o número de alumnos de portugués multiplicouse por catro, acadando neste curso un total de 4.513 estudantes de 77 centros.

A representante da Consellería de Educación, Ciencia, Universidades e FP destacou na súa intervención a principal novidade deste ano, o recente acordo co Instituto Camões, que facilita ao alumnado galego a posibilidade de certificar gratuitamente os seus niveis de competencia en portugués. Esta colaboración pioneira permite obter certificacións nos niveis A1, A2 e B1 do Marco Común Europeo ao finalizar a ESO e o Bacharelato. Galicia convértese, así, na primeira Comunidade Autónoma en formalizar un convenio deste tipo, un paso relevante que se enmarca na Lei Valentín Paz Andrade para a promoción do portugués e o fortalecemento dos vínculos coa lusofonía.

No referido ao ámbito educativo, este curso favorecerase a aprendizaxe de portugués a través de 11 auxiliares de conversa. Outra iniciativa son os cursos para a formación complementaria en linguas estranxeiras do alumnado das escolas oficiais de idiomas. Ademais, o alumnado de Bacharelato tamén pode afondar no seu coñecemento do idioma participando na convocatoria para vivir unha aprendizaxe inmersiva en Portugal con estadías no verán.

Así mesmo, a directora xeral recordou outras iniciativas en marcha para promover o ensino do portugués, como os programas Escola de Fronteira e Ponte... nas ondas!, ambos en funcionamento desde o curso pasado. Escola de Fronteira fomenta competencias bilingües e interculturais entre centros galegos e portugueses e contou o curso pasado coa participación de seis colexios. Pola súa parte, Ponte... nas ondas!, recoñecido pola UNESCO en 2022, busca preservar e transmitir o patrimonio cultural galego-portugués a través dun modelo de educación patrimonial, e xa conta coa colaboración de 20 centros.

Información xeral Consellería de Educación, Ciencia, Universidades e Formación Profesional

Summary: 

Inicia o proceso para recoller achegas previas para a nova normativa que  modernizará estas actividades e as adaptará á dixitalización, entre outros

Substituirá á normativa de 2011 e avanzará sobre o traballo realizado nos últimos anos, con récord de participación docente nas actividades do Plan de formación

O conselleiro Román Rodríguez participa hoxe na xornada de mentorización de novas direccións de centros de ensino, unha actividade do Plan de formación docente

Idioma Gallego

A Xunta de Galicia vai traballar nun novo decreto para regular a formación do profesorado e axustala ás necesidades actuais e blindala como elemento chave para a calidade do ensino e a mellora permanente da atención que recibe o alumnado. Con esta finalidade, a Consellería de Educación, Ciencia, Universidades e FP iniciará esta semana o proceso coa publicación no Portal de Transparencia do anuncio para recoller achegas previas de cara a elaborar un novo decreto que modernice estas actividades e as adapte aos novos desafíos. 

O novo texto avanzará sobre o texto vixente, que data de 2011, e regulará un modelo de formación permanente con vocación de mellora, pensamento innovador e sustentado no traballo realizado en anos anteriores, nos que se veñen rexistrando récords de participación nas actividades do Plan de formación do profesorado. Non en balde, o curso pasado realizáronse un total de 5.854 actividades, un 6% máis ca no curso anterior, das que gozaron máis de 31.370 docentes, o 87% do profesorado galego.

Precisamente, o conselleiro de Educación, Ciencia, Universidades e FP, Román Rodríguez, participa hoxe nunha das actividades previstas no Plan de formación do profesorado deste ano, unha xornada de mentorización de novas direccións de centros de ensino. É a primeira vez que se celebra esta actividade, de nivel avanzado, no marco do itinerario específico de formación de equipos directivos, no que a Xunta está a facer un especial fincapé polo papel fundamental destas persoas nos centros. 

Novos retos sociais e tecnolóxicos

A nova normativa terá carácter proactivo, con intención de anticiparse aos continuos e cada vez máis rápidos cambios que afectan en xeral á sociedade e, como parte dela, ao sistema educativo en eidos como a dixitalización, a intelixencia artificial, a internacionalización ou o incremento da multiculturalidade nas aulas, entre outros.

Tamén buscará  a promoción e o desenvolvemento das competencias profesionais do profesorado para contribuír á mellora da calidade da educación, conxugando a súa necesaria actualización -para facer fronte ás novas necesidades da sociedade actual- coa resposta que debe dar ás súas expectativas de mellora no exercicio profesional.

Para iso, proporase unha resposta dinámica e flexible ás esixencias do sistema educativo, concedendo un especial protagonismo ás necesidades de cada centro. De feito, situarase aos centros de ensino como núcleo central da acción formativa do profesorado, aínda que á fronte da Rede de formación permanente do profesorado seguirán, ademais do servizo encargado na Consellería, o Centro Autonómico de Formación e Innovación (CAFI) e os centros de Formación e Recursos (CFR).

Así mesmo, o novo texto fomentará a investigación e a innovación educativa, así como a constitución de redes de colaboración e coaprendizaxe docente.

Información xeral Consellería de Educación, Ciencia, Universidades e Formación Profesional