A ANPA Andaravía comparte con toda a comunidade o video resume da xornada da LETRAS NA CARBALLEIRA 19, que se celebrou o mércores 15 de maio, homenaxeando a D. Antonio Fraguas
Como este ano o día das Letras Galegas está adicado a Antonio Fraguas. gran estudoso da etnografía e da cultura galega, propoñemos ao alumnado que investigue e descubra o nome duns aparellos antiguos propios de oficios e costumes tradicionais.
Dentro do proxecto documental que estamos a desenvolver este curso sobre a saúde, traballamos o coidado do medio ambiente. Démonos conta da cantidade de envases e desechos que xeraban as merendas dos nenos e nenas do cole. Para visualizar este feito recollemos os envases e residuos non biodegradables ao longo dunha semana. Xuntamos toda este lixo nuns contedores instalados na entrada e o alumnado puido decatarse da gran cantidade de residuos que produciamos. A partir desta evidencia, reflexionamos sobre as consecuencias que este xeito de consumir ten sobre o medio ambiente e as medidas e actuacións que podemos poñer en marcha para reducir tal cantidade de lixo.
Tamén quixemos transformar todos estes residuos en obras de arte e por clase crearon uns imaxinativos traballos que na súa maioría reivindican a necesidade de cambiar os modos de consumo tomando modelos sostibles e de respecto cara o medio ambiente.
No seguinte vídeo podedes ver un resumo da actividade!!
Aproveitando as palliñas que se recolleron na actividade de recollida de envases e residuos non biodegradables das merendas do recreo, organizouse un concurso. O alumnado, profesorado e outros membros da comunidade educativa participou na estimación das palliñas que xuntamos e que estaban colocadas nun bote de cristal. Cada participante podía introducir unha papeleta na urna co número de palliñas que pensaba podía haber.
O gañador foi Pablo Grille de 5ºA de primaria, o número de palliñas era de 178. O gañador recibirá un agasallo que lle será entregado pola coordinadora da biblioteca.
Este ano ambientamos esta celebración cunha gran árbore de Nadal feita con material de refugallo. O alumnado de primaria encargouse de aportar as botellas de plástico para a construcción da árbore e o de infantil elaborou os adornos nun obradoiro que realizaron cos seus profes.
En infantil a árbore foi elaborada con materiais naturais e os adornos son dos/as nenos/as feitos coa axuda das súas familias.
Como todos os anos realizouse un concurso de postais de Nadal que se atopan expostas na entrada de primaria. Esta vez o tema suxerido foi o que se esta desenvolvendo este curso: alimentación e hábitos saudables. Na foto podemos ver as gañadoras. (ver fotos ampliadas)
Campaña de sensibilización contra a violencia de xénero
O obxectivo da campaña Quen dixo medo?é sensibilizar para a prevención da violencia de xénero e coñecer as características e dimensións desta problemática social para a súa erradicación definitiva.
Alumnado destinado: nenos/as de sexto de infantil, cuarto e quinto de primaria. (Fotos
Hoxe tivo lugar a carreira solidaria "Gotas para Nixer". Todo o alumnado e profesorado do centro participou nesta iniciativa de Unicef que ten como obxectivo dar a coñecer o dereito á auga e á educación neste país africán. Aportamos as nosas "pingas" recaudando 540€ que serán enviados a Unicef para apoiar o traballo que están a realizar na distribución de auga potable e construcción de letrinas nas escolas de Nixer.
