ADMISIÓN DE ALUMNADO
Ábrese o prazo de preinscrición correspondente ao alumnado que desexa cursar estudos o curso académico 2011-12 no noso centro educativo e que actualmente non está matriculado nel.
O prazo abrangue do 1 de Marzo até o 10 de Abril do 2012.
A reserva de praza farase no propio centro entregando o impreso de solicitude ou Anexo II e o resto de documentación que se cita. O impreso de solicitude para admisión que pode ser recollido na conserxería do centro ou ben premendo na LIGAZÓN
DOCUMENTACIÓN:
1. IMPRESO DE SOLICITUDE (ANEXO II)
• Coa entrega, no centro daráselle necesariamente rexistro de entrada.
• No caso de separación legal dos proxenitores, a solicitude terá que ser asinada polos dous.
2. CERTIFICADO DE EMPADROAMENTO MUNICIPAL con todos os membros que convivan co alumno/a.
• De conformidade co establecido no artigo 21.4 da Orde, o domicilio familiar acreditarase mediante “certificado de empadroamento municipal” no que figuren todos os membros da unidade familiar que conviven nel.
• Excepcionalmente, pode considerarse como domicilio familiar o daqueles familiares cos que o menor efectivamente conviva. Nestes supostos excepcionais non é suficiente a xustificación do domicilio mediante unha certificación do padrón municipal, sendo requisito imprescindible para a súa consideración a xustificación dunha convivencia real mediante certificación específica expedida, para tal efecto, polo concello, a partires de informes da Policía Local ou da Garda Civil.
3. Copia do DNI de ambos pais e do alumno/a (no caso de que o teña).
4. Copia do libro de familia.
5. Copia da tarxeta sanitaria e cartilla de vacinas
SOLICITANTES DE SERVIZO DE COMEDOR
O número de prazas é limitado; no caso probable de superar a demanda ás prazas ofertadas aplicarase o baremo que oportunamente dictará a Delegación Territorial.
En calquera caso o servizo de comedor está garantizado para:
1. Alumnado beneficiario do servizo do transporte escolar (distancia superior a 2 km do centro)
2. Alumnado en situación socioeconómica desfavorable ou que teña unha discapacidade igual ou superior ao 33%, acreditado con informe do/a asistente/a social do concello. As prazas que resulten vacantes poderá solicitalas o resto do alumnado que será baremado segundo a normativa que próximamente publicará a Delegación Territorial de Educación.
