CEIP de Arzúa

A charla sobre "Os riscos de Internet" que ía ter lugar hoxe no IES de Arzúa, ás 16:30 horas queda suspendida por problemas persoais do relator.

Marela está contentísima!! Varios profes do cole participaron nas "Xornadas do Plan Proxecta 2015" onde relataron a experiencia que están poñendo en práctica co Proxecto Sustentabilidade e Paisaxe!

Noraboa a toda a Comunidade Educativa polo voso apoio e colaboración. O hurra! máis forte vai para o alumnado, xa que sodes vós o motor que move este traballo, seguide así!
"Moita xente pequena, en lugares moi pequenos, facendo cousas pequenas, poden cambiar o mundo" Eduardo Galeano

Aquí están os profes no relatorio

Isto foi o que contaron

O alumnado de Educación Infantil estamos descubrindo como nacen as plantas, como se alimentan, os coidados que precisan, e moitas cousas máis!
Así é como o estamos facendo:

Os nenos e as nenas de Educación Infantil estiveron botando patacas no horto con Ignacio, que ademáis de axudarnos, tamén nos contou algunha propiedade medicinal deste tubérculo. Cando teñades ardor de estómago comede un bocadiño de patata e curaredes nun plis, plas! Sorprendente!

Agora tan só nos queda agardar que as nosas patacas medren moito!


Patacas 2015 by Slidely Slideshow

Un resumo do que vivimos, fixemos e sentimos!!!!!

Para completar o estudo da vida e da obra de Rosalía de Castro, hoxe, fomos a Padrón a visitar a súa casa museo, ademáis de facer outras actividades non menos interesantes como visitar o espolón, o Convento do Carme, o xardín botánico-artístico...

• Preparación dos envases para plantar planta a planta:

• Plantado: collemos unha soa planta con moito coidado, facmos un burato no vaso para introducir o talo ata a metade.

 

• Regado:

• Planta para levar a clase e coidalas como se merecen ata trasplantalas no invernadoiro.

 

Cada tres días regamos a nosa planta, responsabilizándonos para que chegue a bo fín.

Novamente saímos na prensa, no Correo Gallego, polo noso traballo, onde se volve amosar o noso interese pola paisaxe e a aprendizaxe xunto con moitos valores ...

Esta semana, do 13 ao 17 de abril, é a 2ª semana da froita no noso centro.

As froitas son as seguintes:

- Luns: pera

- Martes: ameixa

- Mércores: plátano

- Xoves: amorodo

- Venres: mazá

Que son?

Consisten, xeralmente, en bólas pequenas, non maior que unha pelota de tenis formadas por sementes, arxila e compost. O seu obxectivo é ser lanzadas en lugares de difícil acceso para lograr unha sementeira en toda regra.

PARA SABER MÁIS PREME A CONTINUACIÓN...