Semana das Letras Galegas
Durante a Semana das Letras Galegas poidemos disfrutar da visita de Montserrat Varela, Mar Guerra, Lobato e un grupo de teatro da Asociación Socio-Cultural de Minusválidos (ASCM) Dende aquí, queremos darlles as grazas por visitarnos e facernos pasar un bo rato, sen dúbida souberon transmitirnos o valor dos libros.
Preme na imaxe para ver algunha fotografía deste momento
Semana do Libro
A semana do 19 ao 23 de abril celebramos no colexio o Día do Libro.
Dende o equipo da bilioteca organizamos un xogo de investigación vencellado ca arte.
Os nenos e as nenas de educación infantil tiveron que atopar determinados contos a partir de imaxes das súas personaxes.
Para os rapaces e rapazas de educación primaria, preparáronse varias fichas de artistas (pintores, ilustradores, arquitectos, escultores, músicos) e que se colocaron nunhas mesas moi modernistas. Ao entrar na biblioteca tiveron que respostar a unha serie de preguntas vencellas con eses artistas.
Para ver o ben que o pasamos como investigadores da arte e dos libros mira as fotos premendo aquí.
O regreso ao mundo dos contos
Hoxe, algunha personaxe escapou do seu conto para vir facernos unha visita ao cole. Incrible!
Por sorte, os nenos e as nenas de 5 anos A víronas e convencéronas para que voltasen ao seu marabilloso mundo: ao mundo dos contos. Parécevos imposible? Pois ollade os video que nos prepararon!!
Personaxes dos contos
Con motivo do Día do Libro, dende o equipo da biblioteca, organizamos un xogo de investigación mediante pistas.
O traballo dos nenos e das nenas de educación infantil foi atopar determinados libros a partir de imaxes das súas personaxes. Para que se familiarizasen cas ilustracións (que forman boa parte do mundo da arte que estamos a traballar no cole) os máis pequenos poideron xogar con este libro LIM no que tamén están as personaxes dos contos que tiveron que buscar. Agardo que vos guste!
Para ver o xogo a pantalla completa preme no cadrado da parte superior dereita da imaxe.
Comparticontos
A celebración do Día do Libro Infantil no cole foi todo un éxito. Os rapaces e rapazas do terceiro ciclo contáronlles e escenificaron contos para os nenos e nenas de infantil, que estaban cos ollos abertos coma pratos vendo aos seus compañeiros convertidos en contacontos.
Tódolos mestres estamos moi orgullosos do traballo feito polo alumnado, pois a súa participación e entrega foi sorprendente. Parabéns rapaces!!
Visita de An Alfaya
A Semana Do Libro estase achegando e, para ir abrindo boca, veunos visitar a escritora An Alfaya.
Coma sempre, conseguiu contaxiarnos a súa ilusión polos libros invitándonos a imaxinar, a crear historias e a disfrutar da lectura COS CINCO SENTIDOS.
Exposición fotográfica
Os nenos e as nenas de 5 anos B estiveron na Lúa! Vós tamén queredes? Pois, non dubidedes en visitar a exposición fotográfica que temos no cole ata o 13 de abril sobre O Universo.
- « primeira
- ‹ anterior
- …
- 125
- 126
- 127
- 128
- 129
- 130
- 131
- 132
- 133
- …
- seguinte ›
- última »