CEIP de Arzúa

O xoves 15 e venres 16 de novembro levouse a cabo un dos temas do Plan Director para a convivencia e a mellora da seguridade nos centros educativos e nos seus contornos: a violencia de xénero. Esta actividade consistiu nunha charla dirixida ao alumnado de 5º e 6º de Primaria e levouna a cabo un membro do corpo da Garda Civil.

As liñas básicas a desenvolver foron as seguintes:

- Facilitar información xeral ao alumnado sobre os principais problemas de seguridade que lles afectan como colectivo, prestando especial atención a aspectos como:

   . violencia de xénero

  . Prevención dos riscos de seguridade asociados ás novas tecnoloxías e ao uso de redes sociais, especialmente os relacionados coa difusión de contidos poe medio de teléfonos móbiles.

- Sensibilizar e orientar ao alumnado sobre aqueles comportamentos que poden derivar en accións delictivas ou violentas, fomentando os valores de responsabilidade, igualdade, respeto e convivencia.

- Facilitarlles ferramentas para a prevención de conflitos e para evitar o risco de converterse en vítimas de delitos.

- Inculcar a necesidade de comunicar ou solicitar axuda aos pais e profesores, respecto dos feitos que se produzan no interior ou fóra do recinto escolar, cando a gravidade da situación o aconselle.

- Mellorar o seu coñecemento e confianza en relación co funcionamento das Forzas e Corpos de Seguridade e o servizo público que prestan á comunidade, así como as distintas canles de comunicación coas mesmas.

Preme aquí

Este curso, o alumnado de 5º e 6º de E. Primaria realizou unha enquisa entre os nosos maiores para saber como se festexaba o Magosto e o Samaín na nosa contorna. O resultado está recollido nesta presentación e no mural. As nenas e nenos de E. Infantil, 1º, 2º ,3º e 4º de E. Primaria ilustraron despois os apartados nos que dividimos este mural.

  CLICAR AQUÍ

Hoxe levouse a cabo a actividade " Navega con Rumbo" para o alumnado de 5º e 6º de Primaria. 

Falouse do que é internet, das estafas, bulos e enganos que poden levarse a cabo neste medio.

Da importancia das nosas publicacións, así como o feito de falar con descoñecidos a través da rede

A nosa privacidade é o máis importante

Apareceron tamén os conceptos de Ciberbullying ou ciberacoso e Sexting

En xeral, unhas recomendacións

E a quen debemos acudir cando temos algún problema na rede

O venres 9 celebramos o Magosto!

Comezamos o día do máis divertido... cun montón de xogos!

Xogamos á mariola, á ra, ao pano, aos sacos, aos aros musicais, aos birlos... e un montón de xogos máis!

Rematamos a celebración da mellor maneira posible: degustando unhas riquísimas castañas  asadas! Cada neno e nena colleu a súa caixiña ou cucurucho, e saboreamos este produto típico do outono tan saboroso!

Foi un día no que gozamos moitísimo todos/as xuntos/as con xogos e castañas!

Se queres ver como o pasamos preme na imaxe

Un ano máis festexamos o ansiado Samaín!

Mirade que chulo o mural da entrada que fixeron as alumnas e alumnos de 6º A. Nel amósase a tradición celta desta celebración. Noraboa!

Cada nivel estudou, traballou e aprendeu sobre esta celebración. Pero desta vez centrámonos máis sobre os costumes e tradicións destas datas na nosa contorna. O motivo é que este ano a temática xira arredor do "PATRIMONIO CULTURAL DE ARZÚA".

Ambientáronse os corredores con cabazas, vasoiras e os colares de castañas cocidas típicos da zona. Mirade que chulo!

E, por suposto,  a nosa Biblioteca tamén se ambientou para a ocasión con este castelo encantado que tiña un montón de contos de medo!

Os nenos e nenas de Educación Infantil ademais viron unha peli de medo, bailaron e pasárono xenial!

Con motivo da celebración do Día das Bibliotecas, que foi o pasado 24 de outubro, fixéronse moitas actividades no noso colexio.

Os encargados de facer o mural da entrada foron as nenas e nenos de 6º B. Noraboa!

Tamén se fixo outro no que participou todo o alumnado cunha actividae moi divertida: compoñer poemas cos lomos dos libros da nosa biblioteca (alumnos/as de 3º, 5º e 6º) e as súas ilustracións (alumnos/as de E. Infantil, 1º, 2º e 4º). Levou por título POETIZÁMONOS! Mirade que chulo!

Ademais do traballo a nivel aula en cada titoría e a visualización dun power point sobre o funcionamento dunha biblioteca, tamén tivemos a visita de Erica González que nos fixo gozar cunha sesión de animación á lectura moi divertida!

Como todos os anos celebramos o Samaín o 31 de outubro, para investigar sobre esta celebración tan galega, provén dos celtas, pobos asentados en Galicia durante moito tempo, o que se  lle chama o DIA DOS MORTOS.

A Deputación da Coruña a través do Servizo de Acción Social, Cultural e Deportes puxo en marcha o Programa de prevención de adiccións na poboación adolescente "#Zero adiccións", que  ten entre os seus obxectivos prioritarios traballar a prol da educación para a saúde dun xeito integrado  nos diferentes ámbitos de desenvolvemento da persoa e previr e fomentar hábitos de vida de saudables. 

Como parte das actividades, están a organizar a realización de charlas informativas e obradoiros  dirixidos á comunidade educativa e á poboación en xeral,  como maneira de previr posibles condutas de risco aditivas de toda índole dende as idades máis temperás. 

#Zeroadiccións No marco do programa sobre prevencións de adiccións da área de Acción Social da Deputación da Coruña tivo lugar no CEIP de Arzúa, unha  actividade formativa e informativa, para informar e debatir co alumnado de 6º de primaria sobre as adiccións ás novas tecnoloxías,  a súa prevención e os riscos e perigos que conleva padecer algún tipo de adicción.

Algún dos obxectivos a acadar foi: 

• Promover a educación en valores e a convivencia .
• Promover a resolución de conflitos mediante a mediación e o desenvolvemento de habilidade socias .
• Previr os consumos de toda índole dende idades temperás.
• Previr as condutas de risco e aditivas de toda índole dende idades máis temperás
•  Integrar os modelos de vida saudables nos momentos claves do ciclo vital en termos de consumo e adición

As liñas que se traballaron foron as seguintes : 

1. O Autoanálise e o  autocoñecemento.
2. O establecemento de vínculos de amizade positivos, de respeto e empatía.
3. A valoración  do tempo en familia , promovendo  actividades en conxunto, así como o diálogo.
4. A Realización de actividades de ocio e tempo libre saudables, alternativas ás actuais relacionadas co consumo e as adiccións.
5. Exercitar a creatividade.
6. Predefinir un obxectivo de futuro, de cara a loitar por el dende o presente.
7. Ser conscientes da importancia dunha alimentación saudable.
8. Valorar e poñer en práctica as habilidades sociais.