CEIP de Arzúa

Os principais navegadores web, como Chrome, Firefox, Edge o Safari levan tempo bloqueando este tipo de contidos. Dende o principio foi unha ferramenta moi utilizada polos ciberdelincuentes para levar a cabo ataques nos nosos equipos.

A día de hoxe aínda temos instalada esta ferramenta en moitos dos nosos PCs, aínda que tamén en moitos outros está bloqueada ou simplemente non instalada. Para desinstalala/bloqueala e evitar problemas recoméndase seguir os s siguintes pasos:

• Google Chrome:
  
  • Abriremos o noso navegador, e faremos clic en Máis (3 puntos) > Configuración.
  • En Privacidade e seguridade > Configuración do sitio web > Flash desactivaremos Preguntar antes. Ten que aparecer: "impedir que os sitios web executen Flash.
• Mozilla Firefox:
  
  • Iremos ao noso navegador, seleccionaremos o menú e faremos clic en Add-ons > Plugins para Deshabilitar o complemento.
• Edge: No caso do navegador de Microsoft, este complemento está desactivado de forma predeterminada.
• Safari: Ídem para o navegador de Apple.
• A día de hoxe, cúmpre procurar novos recursos para substituír as actividades en liña que empregaban a ferramenta Flash Player. .

Esta semana comezaron a levarse a cabo os OBRADOIROS DE CONCIENCIACIÓN SOCIAL A TRAVÉS DO XOGO DRAMÁTICO impartidos pola arzuá Lidia Veiga e ofertados e financiados pola ANPA O FORMENTO.

Están dirixidos a todo o alumnado do colexio e levaranse a cabo durante os meses de xaneiro, febreiro e marzo.

A través do xogo dramático como metodoloxía de traballo buscaremos que os nenos e nenas se conciencien e sensibilicen con estas dúas propostas educativas:

- O cambio climático. As súas consecuencias e solucións.

- A saúde e o benestar individual e interpersoal.

Polo tanto, desenvolveranse dous Obradoiros diferentes e relacionados coa temática de traballo deste curso: "Medioambiente e saúde".

Deste xeito, o alumnado de Educación Infantil desfrutará e aprenderá durante catro sesións co OBRADOIRO DE SAÚDE E BENESTAR.

O alumnado de Educación Primaria participará e gozará durante tres sesións no OBRADOIRO SOBRE O CAMBIO CLIMÁTICO e outras tres sesións durante as clases de Educación Física no OBRADOIRO DE SAÚDE E BENESTAR.

O CEIP de Arzúa participa un ano máis no programa Froita na escola, subvencionado pola Xunta de Galicia.

Trátase dun proxecto no que un dos obxectivos fundamentais que se perseguen é o fomento do consumo de froita entre o alumnado, contribuíndo a mellorar a súa dieta e á adquisición de hábitos de vida saudables. Nesta modalidade ofrécese ademais leite líquido de consumo aos centros que así o solicitaron a través de provedores autorizados, segundo a convocatoria FOGGA.

A semana do 18 ao 22 de xaneiro e a semana do 25 ao 29 de xaneiro levarase a cabo o 1º período do reparto de froita (10 días lectivos consecutivos)para todo o alumnado do centro. A partires do martes 19, e durante un período de 27 días lectivos consecutivos realizarase o reparto de leite en envases individuais (haberá leite sen lactosa para o alumnado intolerante).

Se algún neno ou nena tivese intolerancia a calquera das froitas, é preciso facerllo saber ao seu titor/a o antes posible.

A orde das entregas será a seguinte:

- Luns 18: clementina

- Martes 19: melón

- Mércores 20: pera

- Xoves 21: mazá vermella

- Venres 22: plátano

O alumnado de 6º de Educación Primaria do CEIP de Arzúa que o vindeiro curso 2021-2022 vaia cursar os seus estudos no IES de Arzúa (centro ao que está adscrito o CEIP de Arzúa) deberá realizar a reserva de praza entre o:

11 de xaneiro e o 8 de febreiro

(Ambos incluídos)

Para tal efecto deberán cubrir o anexo correspondente e entregalo na secretaría do NOSO CENTRO no horario de ATENCIÓN ÁS FAMILIAS.

DESCARGAR ANEXO GALEGO

DESCARGAR ANEXO CASTELÁN

Tamén se poderá solicitar a reserva de xeito telemática a través da aplicación de ADMISIÓN DO ALUMNADO.

As listaxes do alumnado admitido publicaranse antes do 28 de febreiro no taboleiro do noso centro.

Para máis información faga clic aquí

A entrega de máscaras para o alumnado beneficiario segundo a Orde do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2020/21 levarase a cabo nas seguintes datas e horarios:

Deixámosvos aquí esta videofelicitación realizada coa axuda de todas as titorías do colexio. 

Saúde e Boas Festas a todos e todas!!

Hoxe, 22 de decembro, último día de clases deste primeiro trimestre, tivemos a sorte de poder recibir ás Maxestades de Oriente no noso colexio!

Os Reis Magos chegaron a Arzúa e viñeron a visitar aos máis cativos e cativas para falar con todos eles e elas. Ademais, recibiron as cartas ou debuxos que todos os rapaces e rapazas tiñan preparadas para eles.

Foi unha xornada moi divertida con moitos nervios e emocións, que seguro non esquecerán!

Grazas á ANPA XERMOLOS por facelo posible!

Boas festas!

Os nenos e nenas de 1º A, 1º B e 2º, tiveron a oportunidade de desfrutar en vivo e directo do concerto de "Pakolas", unha actividade finaciada pola ANPA "O FORMENTO".

"Pakolas" é Paco Cedeira, autor e compositor, músico e tamén produtor de música pensada para os máis cativos e cativas.

Presentou o conto de "Ramona Órbita" coa súa máquina do tempo, percorrendo diferentes etapas da historia mediante cancións de rock, facendo especial fincapé no coidado da natureza e o medioambiente.

Ademais, contou coa axuda de Laura, unha ilustradora que facía debuxos que representaban as súas cancións.

Foi un espectáculo marabilloso no que os rapaces e rapazas gozaron moitísimo!

 No CEIP de Arzúa adiantáronse os Reis. Todo traballo ten a súa recompensa, pois a ampliación do Proxecto de Robótica presentada este curso foi positiva e recibimos o EQUIPO DE ROBÓTICA EDUCATIVA:

- 6 Robots educativos  mBot Xplorer, con kit de construcción e con material adicional.

- 6 Kits de construcción Lego Education con material complementario acoplamento a mBot.

- Libro Programación e robótica educativa.

Un curso máis o CEIP de Arzúa participa no Programa de Bibliotecas Escolares Solidarias nas modalidades de: Colaboración coa biblioteca escolar e Ler con... D (é dicir, de lecturas compartidas dentro do centro). Este curso contamos cun grupo de 10 colaboradores e colaboradoras de 5º de E.P. que o venres 18 de decembro se estrearon no seu labor compartindo unha lectura co alumnado de 5 Anos A e B. O libro escollido foi "Monstro Rosa", de Olga de Dios. Trátase dun album infantil que nos fala da diversidade, de respectar a identidade de todas as persoas por moi diferentes que sexan, e tamén da importancia de crear unha sociedade onde todos teñamos cabida. Este conto reforza o valor de crer en nós mesmos e de respectar a nosa identidade aínda que esta choque coa do conxunto da sociedade.

Despois de contarlles o conto, os biblioaxudantes e os nenos e nenas de 5 Anos reflexionaron sobre a historia, as personaxes e as ensinanzas que se poden extraer do mesmo; e remataron cantando a canción de "Monstro Rosa", un canto á diversidade, ao diferente, a encaixar e facer amigos onde cada un sinta que é o seu mundo e poida ser el mesmo.

Na realización desta actividade adoptáronse todas as medidas de protección e hixiene que a situación de crise sanitaria, pola COVID-19, require.

Para finalizar, dar as grazas ao alumnado de 5 Anos A e B e aos voluntarios e voluntarias, por regalarnos momentos tan fermosos e mensaxes tan esperanzadoras.

Grazas e Boas Festas!