Neste tempo de defuntos, o que nos países celtas chámase Samaín, a nosa Biblioteca tivo unha xornada peculiar.

A Santa Compaña, o Home do Saco, a Meiga Chuchona, trasnos, mouros e outros habitantes de mundos nocturnos e soterrados, déronse cita na biblioteca, e alí, á lus dun candil contáronos historias que nos fixeron estarrecer.

Grazas á Modesto que gravou estas presenzas fantasmais podemos ver o que alí fixeron. Velaquí vos quedan por se vos atrevedes a escoitalas.

O vindeiro 31, a véspera de todos os Santos, a noite do Samaín, podedes vir á Biblioteca para escoitar ao Home do Saco e os seus amigos que nos van ler algúns contos TERRORÍFICOS (se cadra non tan terroríficos, incluso un pouco graciosos...).

Esperámosvos coleguis... e traede unha lanterna por se acaso non hai luz!

Aquí se pode acceder ás achegas que as programacións didácticas fan aos distintos Planes establecidos no centro. Así mesmo podemos ver as porcentaxes xerais das distintas actividades e probas para os criterios de cualificación.

Tamén, en documentos a parte, podemos consultar os mínimos esixibles para a promoción de curso.

Por último temos as grellas para un mellor seguimento dos mínimos esixibles para alumnado de apoio, programas de reforzo e todo aquel alumnado que se determine a súa necesidade.

Aquí podedes consultar a edición dixital do voceiro da Biblioteca do noso colexio: O Barquiño de Papel.

O Barquinho de Papel Febreiro 24 by Xoaquín Freixeiro on Scribd

Para os rapaces e rapazas de quinto o comezo do curso ten sabor de romaría, a da Virxe da Barca e a súa pedra de abalar.

Velaí a canción:

Veño Da Virxe Da Barca by quinif on Scribd

A finais do curso pasado viñeron, dende a Asesoría de bibliotecas escolares, a facer un vídeo que recollese as nosas actividades na Biblioteca reformada ao abeiro do plan LIA-2.

O resultado é este, unha verdadeira marabilla que nos fai sentir aínda máis orgullo da nosa biblio!

Déixovos aquí a muiñeira de Mórdomo, cando menos ese é o nome que me apareceu nas partituras que empreguei para transcribilas, aínda que a min me soa que é a pandeira de Nebra que gravara, no seu día, Emilio Cao.

Tanto ten, muiñeira ou pandeirada é unha peza ben fermosa.

Sergio Ruíz, un noso ex-alumno, encóntrase na elite do piragüísmo de augas bravas. En Somos Comarca fanse eco dunha entrevista que lle realizaron á volta da súa participación no campionato do Mundo de Descenso de Augas Bravas.

O audio da entrevista pódese escoitar en:

https://somoscomarca.es/sergio-ruiz-piraguista-fluvial/

Este ano houbo moitos e moi interesantes proxectos de investigación dentro do noso colexio.

Un deles é este proxecto de investigación titulado "Galaxia 3B-nus", que nos converteu a todos e a todas en astrónomos e astronautas.

Fixemos moreas de cousas, e aprendemos moito: traballamos con Escornabots, fixemos impresión 3D, elaboramos lapbooks, gravamos vídeos e estreamos a pantalla Chroma, aprendemos a citar os libros e webs que usamos na nosa investigación, fixemos galletas, presentamos o noso traballo en público...

Se queredes saber máis polo miúdo que é o que fixemos podedes consultar esta WEB.

Non vos ides arrepentir.

Xa  temos a web do proxecto documental do curso 2013-14, na que investigamos sobre a historia dos edificios máis senlleiros do Barco de Valdeorras.
A nosa idea é que a Web sexa accesible dende dispositivos móbiles, para o que imos colocar códigos QR nos edificios que permitan á xente do lugar, e aos forasteiros que nos visiten, coñecer un pouco máis sobre as edificacións do noso pobo.
Mentres non colocamos os códigos podedes acceder á Web dende aquí.