NOVIDADES

O vindeiro venres recibiremos no centro unha visita moi especial. Dende a Granxa Xanceda, Malibú visita os colexios de primaria para ensinar aos nenos e nenas a ser máis responsables, máis solidarios e a ter unha maior sensibilidade cos animais.

Contidos:

Coñecer as responsabilidades que implica un animal e os seus coidados para unha tenencia responsable ( identificación, esterilización, acudir regularmente ao veterinario...)

Aprender comportamentos cívicos ( manter as rúas limpas)

Concienciación da problemática do abandono.

Coñecer a realidade das canceiras.

Conciencias sobre a adopción de animais.

Como actuar no caso de atopar un animal abandoado.

O pasado venres 2 de decembro para celebrar o Día Internacional da Discapacidade, os alumnos e alumnos do noso centro foron invitados polo Centro de Eduación Especial Juan María a voar cometas para sensibilizar e visibilizar a diversidade funcional. Centenares de escolares do Val Miñor participaron desta actividade conxunta. Premede aquí para máis información.

Durante este curso, levarase a cabo o desenvolvemento dun Programa de Estimulación da Linguaxe Oral na etapa de Educación Infantil, co obxectivo de favorecer o desenvolvemento das habilidades lingüísticas e a base dos procesos lectoescritores, dando a oportunidade de:

• Previr posibles dificultades da linguaxe oral e escrita.
• Diminuír as dificultades que xa puideran existir.
• Preparar ao alumnado para a adquisición do proceso lectoescritor.

Ademais, permite atopar e previr alteracións ou dificultades, tanto da fala (Problemas articulatorios como trastornos dos sons da fala evolutivos e funcionais), alteracións da linguaxe ou dificultades no ámbito fonético-fonolóxico e pragmático e funcional da linguaxe 

No Programa trabállanse aspectos relacionados con:

• Habilidades metalingüísticas.
• Vocabulario.
• Morfosintaxe.
• Memoria Auditiva.

Este programa levarase a cabo nas aulas de Eduación Infantil, cunha temporalización de dúas sesións semanais de 25 minutos para cada aula.