Qué é o aire? E o vento? Teñen algunha relación? Esta foi a pregunta que xurdiu hai uns días entre as nenas e nenos de aula.

As respostas foron variadas:

- El aire y el viento son la misma cosa.

-No, son diferentes.

-El viento sólo aparece cuando hay tormenta.

-El viento mueve el pelo.

- Los dos están por todas partes.

Co fin de comprobar se estas ideas eran certas ou estaban equivocadas, puxémonos a investigar para dar coa resposta correcta.

Durante a pesquisa foron xurdindo distintas actividades nas que: xogamos a facer vento con distintos elementos, deseñamos por equipos de traballo coopertivo circuitos polos que logo tiñamos que desprazar pelotas de distintos pesos, movemos obxectos sen empregar as mans,…

Tamén coñecemos diferentes medios de transporte aéreos e continuamos coñecendo o noso sistema respiratorio. Para iso, nesta ocasión, metémonos no rol de médicas e doentes para realizar distintas operacións de urxencia nas que tiñan que colocar os órganos do aparato respiratorio no lugar correcto do corpo ou reparar os que estaban mal.

Distintas experiencias coas que estamos desfrutando moito da aprendizaxe.

Continuamos adiante co noso proxecto do AIRE.

O aire pesa? Ten olor? Como viaxa polo noso corpo?

Estes foron as tres cuestión ás que estivemos tentando dar resposta nestes días.

Formulamos as nosas hipóteses, expoñemos ao resto de compañeiras e compañeiras as nosas idea, escoitamos as opinión dos demais e buscamos información e experimentamos para comprobar se son correctas ou estabamos equivocadas e equivocados.

Pesamos globos inchados e desinflados na pesa dixital, armamos una balanza caseira e comprobamos cara a onde se inclina cando lle poñemos un globo con aire e outro sen aire, vemos se pesa máis un globo con aire con con auga,….

Estimulamos o sentido do olfato ao tratar de adiviñar distintos elementos tan só polo seu olor, comprobamos a que ole o aire da nosa clase e como cambia o seu olor cando botamos colonia ou poñemos un ambientador. Exponemos que olores nos gustan e cales non, asociamos olores con cores,….

Coñecemos como é e funciona o noso sistema respiratorio. No ambiente de ciencia vimos como son os pulmóns do porco, como funcionan, tocámolos, disécionámolos, diferenciamos as súas partes,… debuxámolos e reproducímolos con plastilina.

Ademais as familias continúan aportándonos materiais que nos axudan a avanzar no proxecto.

“DESCUBRINDO O AIRE” é o proxecto de traballo no que estamos inmersos neste segundo trimestre.
Un proxecto que, ao igual que ocorreu no Primeiro trimestre, está moi relacionado coa
ciencia (o tema do proxecto documental integrado de centro deste curso) e co caL
pretendemos dar resposta a moitas das nosas preguntas relacionadas con este elemento:
onde está o aire, ten cor e sabor, de que cor é, pesa, de que está formado, podemos vivir
sen el, para que é preciso...
Logo dunha choiva de ideas na que as nenas e nenos da aula explicaron todo o que
sabía do aire e o lle gustaria investigar, comenzamos a buscar respostas.
Ata o momento realizamos distintos experimentos e actividades coas que descubrimos
que o aire está por todas partes, por que está formado e cales son as súas propiedades.
Nesta pesquisa estanos sendo de grande axuda todo o material e información que as
familias foron aportando para o proxecto.
 

Todas as semanas adicamos un tempo da xornada á realización de xogos en grande grupo cos que pasamos grandes momentos e desfrutamos sen percatarnos de todos os contidos que estamos a traballar.
Hoxe queremos amosarvos algúns cos que nos entretivemos nas últimas semanas:
- A bruxa ladroa. Coa que tiñamos que descubrir cantas moedas nos roubaran.
- A casiña de descompoñer. Na que repartimos os bonecos nas habitacións do hotel de tal xeito que todos os andares teñan o mesmo número de bonecos pero non se repita a forma en que están repartidos.
- As silabas tolas: ordeamos as sílabas das imaxes, cambiamolas de orde a ver que nova palabra obtemos e creamos palabras (cada unha/un colle unha sílaba e cando a música para busca unha parella, xuntan as sílabas e que palabra sae?.
- Que xire a ruleta. Que letra saiu?Buscamos pola clase obxectos cuxo nome comence por esa vogal ou consante.
- Adiviña o número. Nun pos-it escribimos un número, pegámosllo a un compañeiro na fronte e ten que acertar que número leva pegado atendendo ás pistas que lle imos dando: quen son os veciños, de que familia é...