Parabéns para Antón e Liam ,este mes de outubro celebramos os seus aniversarios e xa estamos ao completo e todo o grupo  ten 5 anos. Música e gusanitos para festexalo con moitas risas e incluso bágoas emotivas ao escoitar as gravacións de audio das familias narrando a súa historia persoal,PRECIOSAS!

Foi doado chamar a súa curiosidade para o concepto de metade cun biscoito diante e un pemento de padrón.Aínda que alguén dixo"pensei que era máis fácil cortar un biscoito en dúas partes pero creo que preciso medir". Vida práctica sempre que podemos para traballar os conceptos e aquí podedes velo!,aproveitamos para observar  a cor e o tamaño das sementes dos pementos.

Cando chegou pola mañá o alumnado atopóuse a clase empapelada por todas as partes,as mesas e os bancos estaban cubertos con papel de embalar branco cunha actividade:facer trazos de grafomotricidade seguindo o modelo e a cor poidendo cambiar cando quixeran dun a outro trazo  e pasar por todas aqueles que máis lle gustaran.A actividade foi atractiva en xeral e puxéronse máns á obra tan pronto como a viron.Rematamos recortando as figuras e facendo unha exposición, sempre aproveitando para dar autonomía total para que a coloquen ,collendo o que  precisan, como neste caso de cadeira para poder chegarlle ao panel.

O primeiro día de clase chegamos todas e todos cos nosos tesouros de verán,as flores secas,e clasificámolas por tamaño e cor para deixar uns días nunha proposta de observación e xa despois utilizalas a modo de decoración no papel reciclado que faríamos uns días despois.

Chegou a semana de facer reciclaxe de papel e rápidamente se deron conta de que tiñamos que ir aos contenedores de papel para poder reciclalo como se fósemos unha empresa . Fixemos anacos de papel,puxemos en auga todo un día enteiro e a continuación triturámolo cunha batidora eléctrica para obter unha pasta.Agora era o turno de empregar os cedazos e filtrar a auga,decorar con flores secas se lles gustaba e poñer a secar no muro.

Cando estiveron secos os papeis reciclados puxémoslle os nomes e apelidos para identificar cada quen o seu e unha cintiña para colgar.

Así de sinxelo!