ESTIMADAS FAMILIAS:

Sabemos que estamos ante unha situación de incerteza complicada para todos e todas, pero aínda máis para as nenas e nenos. É por iso que consideramos que sería recomendable que sigan cuns horarios establecidos para cada día, aínda que as rutinas vaian cambiando, que os tempos se repitan día tras día.

Para completar este horario ofrecémosvos diversas tarefas que iremos subindo á web do centro gradualmente, os luns, mércores e venres lectivos de cada semana (recordade que este venres non o faremos porque non é lectivo no noso centro).

Ante calquera dúbida podedes falar conmigo a través de AbalarMobil.

O primeiro que vos propoñemos é que aproveitedes este tempo en familia para ler xuntos, contarvos historias e vivencias que coas présas do día  adía quedan esquecidas, facer ás nenas e nenos partícipes do día a día encomendándolles tarefas sinxelas do fogar, visualizade e comentade fotos de tempo atrás…intentando así sacar algo positivo de todo isto.

A continuación adxúntovos as tarefas para estos primeiros días.