Presentación | Horarios | Oferta educativa | Secretaría | Contacto
6º Educación infantil
A MALETA
Iniciamos novo curso e con el arrancamos unha nova modalidade da Maleta protagonista; pois trátase dunha estupenda dinámica de cohesión de grupo que favorece a interrelación, o coñecemento mútuo e a distensión dentro do mesmo.
Aínda que a miúdo pensamos que nos coñecemos, é curioso como ao realizar esta actividade xurden aspectos da personalidade, afeccións, intereses… que non se coñecían e que, suscitan ás veces, novas afeccións entre os/as alumnos/as.
Este ano a maleta viaxa as casas de cada nena e neno da aula para voltar ao cole co seu ALMBUN PERSONALIZADO DO VERÁN; un álbum que realizan en familia con fotografías de cousas que fixeron durante o tempo de vacacións, sitios que visitaron, practicando algún hobbie ou deporte, desfrutando en familia,…
Todas as semanas estamos desexando que chegue o momento de abrila e a compañeira ou compañeiro protagonista nolo amose e comparta con nós todas as anécdotas e historias que esas fotos recollen.
Roi, Andrea, Nicole, Marco e Jose foron os compis que xa nos presentaron os seus álbums. Parabéns polo traballo realizado e grazas por compartir con todas e todos nós un pouquiño do voso verán.
VOLTAN OS TALLERES INTERACTIVOS COAS FAMILIAS
Este curso temos a sorte de poder retomar, nas aulas de Educación Infantil, os talleres de grupos interactivos.
Os grupos interactivos son unha forma de organización de aula que promoven a aprendizaxe a través da interacción e a implicación da familia favorecendo, o desenvolvemento dunha educación de calidade.
Este ano teñen lugar todos os venres durante a primeira sesión. Neles as familias voluntarias son as encargadas de acompañar os distintos grupos dinamizando a actividade e garantindo o diálogo, a aprendizaxe entre iguais e a colaboración.
Familias é unha gran sorte poder contar coa vosa axuda e participación. Encántanos que veñades á aula traballar con nós e que participedes do noso día a día.
Grazas.
CONTOS DE BOCA
"Contos de boca" trátase dunha proposta que realizamos nas aulas de infantil mensualmente, os luns, na hora de ler. Nela contamos coa participación das familias para vir á aula lernos un conto, contarnos de boca unha historia (real ou inventada), experiencias, lendas, anécdotas,....empregando a voz como única ferramenta. Un útil estupendo co que logramos captar a súa atención. Pois os os contos son un piar clave para o desenvolvemento psicolóxico e intelectual das nenas e nenos dado aos moitos os beneficios que lles proporcionan; son un recurso pedagóxico fundamental que debe estar presente, tanto na escola coma nos fogares, no seu día a día.
Na aula de 6º de Educación Infantil tivemos a sorte de contar con Lidia para realizar esta proposta que tanto nos gusta.
Moitas grazas Lidia pola túa colaboración, volve cando queiras!
SAMAÍN
Como non podía ser doutro xeito na aula de 6º de Educación Infantil quixemos festexar o Samaín adicando a derradeira semana do mes de outubro a realizar distintas tarefas relacionadas con esta data: adornamos a porta da aula cunha arañeira chea de arañas feita por nós, transformamos unha cabaza en morcego, fixemos máscaras, faroliños e ata un mural cheo de monstros,…
E o venres, FESTAAAAAA! Esqueletos, bruxas, vampiros, morcegos…. Que medo dabamos cos nosos desfraces.
COIDAMOS AS PLANTAS, 1º TRIMESTRE DO CURSO
Un ano máis continuamos coa proposta do coidado de plantas.
Esta proposta didáctica ten como obxectivo que as nenas e nenos adquiran coñecementos sobre as plantas co fin de identificalos como seres vivos, á vez que os achega á natureza permitíndolles observar, de primeira man, o desenvolvemento das plantas e xerar hábitos de respecto e coidado cara a elas, a través de actividades lúdicas e manipulativas.
Nestre primeiro trimestre do curso as encargadas e encargados de traer as súas plantas foron: Eva, Sergio, Nicole e Maykel.
A rutina de coidala, regala, quitarlle follas secas,...xa forma parte da nosa rutina diaria.
ANIVERSARIO DE YASÍN
En outubro festexamos o aniversario do noso compi Yasín. Era o derradeiro en cumplir anos. Agora si, xa todas e todos temos 5 anos. Xa somos os maiores de infantil e como nos gusta. Para celebrar unha data tan especial, como non podía ser doutro xeito, realizamos o xa coñecido ritual de representar as voltas da terra ao sol para interiorizar o paso do tempo, comimos unhas ricas lambetadas coas que nos invitou Yasín e fixémoslle, o que será o agasallo dos aniversarios este curso, un móvil cos adxectivos que os seus compañeiros e compañeiras pensan que mellor o describen.
AULA VIRTUAL DA XUNTA
Como sabedes, seguindo as novas instrucións da Xunta debemos deixar de empregar CLASSROOM, MEET e os correos @centieiras; polo que a partir de agora empregaremos a aula virtual da Xunta e para as videochamadas WEBEX.
Estas son as instrucións para poder empregar inicialmente estas ferramentas:
ENTRADA NA AULA VIRTUAL POR PRIMEIRA VEZ:
-
Entrar na Web do centro
-
Acceder dende AULA VIRTUAL CORPORATIVA
-
Arriba á dereita ACCEDER
-
Introducir USUARIO: javier.valencia
-
Introducir CONTRASINAL: o primeiro contrasinal será changeme; pediravos que o cambiedes. Podedes poñer o que vos queirades, non olvidedes anótalo!
ENLACE VIDEOCHAMADA
-
Na aula virtual corporativa, arriba á dereita ACCEDER
-
Introducir usuario
-
Correo: nonresponder@edu.xunta.gal
Nestas mesmas instrucións da Xunta pídesenos que nos conectemos con vós para ver que todo funciona correctamente. Esta conexión a faremos mañá MARTES 10 DE NOVERBRO ÁS 18:40 horas.
Un saúdo
6º EI - Adaptación da programación didáctica curso 2019/20
Seguindo as Instrucións do 27 de abril de 2020, da Dirección Xeral de Educación, Formación Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia, adáptase a programación didáctica do presente curso, puidéndose consultar no arquivo adxunto.
6º DE INFANTIL TRABALLANDO DENDE A CASA
Os nenos e nenas de 6º de educación infantil seguen a traballar na casa.
Cada día temos máis e máis fotos do traballo que están a facer nas súas casas, con resultados verdadeiramente bonitos.
Encántanos ver, sobre todo, o ben que estades. Noraboa ás familias e noraboa ós campións e compionas por todo o traballo que están a facer nesta labor tan difícil!!!
http://www.kizoa.es/Editar-Vídeos-Movie-Maker/d320260379kP1122624248o2l1/5-aos
PROPOSTA DE ACTIVIDADES VENRES 24 DE ABRIL
Bo día a todos e a todas!
Aquí tedes novas propostas de actividades; deberedes descargar o documento coas propostas e os catro audios cos contos.
Lembrade, a partir do próximo luns as actividades colgarémolas na aula virtual.
Un saúdo.
Pasade boa fin de semana.
Iria.
- « primeira
- ‹ anterior
- …
- 12
- 13
- 14
- 15
- 16
- 17
- 18
- 19
- 20
- seguinte ›
- última »
![6º Educación infantil Distribuir contido](/centros/ceipcentieiras/misc/feed.png)