A maleta viaxeira remata a súa andaina.

Cada venres marchou á casa dun neno ou nena da aula,  para voltar o luns ao colexio cargada, non só co seu álbum do verán senón tamén chea de ilusións, historias e gañas de compartir.

Grazas a esta dinámica de cohesión de grupo traballamos a interrelación, o coñecemento mútuo e a distensión dentro do mesmo.Pois aínda que a miúdo pensamos que nos coñecemos, é curioso como ao realizar esta actividade xurden aspectos da personalidade, afeccións, intereses… que non se coñecían e que, suscitan ás veces, novas afeccións entre os/as alumnos/as.

Eva, Sergio, Maykel, Xiana, Diego e Yasín foron os últimos en presentarnos os seus álbums do verán.

Mirade que bonitos lles quedaron.

Grazas unha vez mais familias.

Na sesión de Mates en familia deste venres as propostas plantexadas centráronse no recoñecemento das formas xeométricas e dos seus atributos., na asociación número-cantidade e conteo e na localización espacial e estimulación da memoria.

As atividades realizadas para traballar estes contidos foron as seguintes:

-Xogo do bingo

- Sumas e restas manipulativas con policubos rexistrando as cantidades obtidas.

- Caza de formas xeométricas que tivesen os atributos indicados nos dados e creación de figuras con elas.

- E memory de figuras.

Hamid, Jesús e Rafael foron os papás que nos acompañon nesta xornada. 

Moitas grazas!!

O Nadal  xa chegou á aula de 6º de Educación Infantil e por iso quixemos que este venres fose a temática dalgunhas das propostas  do taller dun MAR DE PALABRAS.

Construción de palabras características destas festas con letras maiúsculas e minúsculas, lectura de vocabulario navideño e asociación con DOC de palabra debuxo, e actividades varias de lectoescritura nos ipads.

Como todos os días que realizamos o taller, nenas e nenos están moi ilusionados de que as súas  familias e as dos demais compañeiros e compañeiras poidan compartir  con eles un ratiño de algo tan importante para elas e eles como é o seu día a día no cole.

Grazas familias.

Conxuntamente co traballo da luz, dentro do Pdi "Pingas de ciencia" estamos adicando un espazo ao descubrimento e coñecemento do corpo humano; especialmente a todo o relacionado coa súa anatomía.

No ambiente de ciencia é onde máis estamos traballando toda esta temática por medio de propostas que non paran de sorprendernos: pois descubrimos que o cerebro é como o ordenador do noso corpo, diseccionamos un corazón de porco e ao abrilo poidemos sentir que estaba frío porque non estaba dentro do seu corpo, era brando ao tocalo pero duro á hora de cortalo e observamos que por dentro está dividido en catro cavidades, aurículas e ventrículos. Tamén traballamos a composición da sangue e agora estamos centrados no esqueleto.

Buscamos información sobre el e descubrimos moitas cousiñas interesantes. Coa axuda dos outros compis de infantil e das súas familias ata construimos dous esqueletos con botellas plásticas: o esqueleto de Papá e Mamá Noel. Ollade o resultado.