O día 21 de marzo tivemos unha idea moi especial para celebrar o Día da Poesía. Preparamos  o poema "Somos Dinos".  Aprendemos o poema, escríbímolo e ata o ilustramos para logo emmarcar e colocar no escaparate dun comercio de Fene. Finalizada a súa elaboración comezaba a segunda parte da actividade; a súa busca.

Coa axuda das familias, polas rúas e establecementos de Fene, buscaron e buscaron ata atopalo. Darían con el? Por suposto que sí, e non solo con el senón cos os outros 10  poemas elaborados polas compañeiras e compañeiros dos outros cursos do cole.

Un día este moi especial!

O xoves foi día de saída.

En compañía dos demais compis de infantil fomos visitar a exposición “Un cordero bala entre dos montañas” de Sofía Piñeiro.  Unhas pinturas que nos gustaron moito; coloridas, fermosas e cheas de significado. Logo de que a artista nos explicase un pouquiño como fixo as obras e o que quixo recoller nelas, animámonos a escoller a que máis nos gustou ou chamou a atención  para representala. Mentres a plasmabamos no papel, tivemos a sorte de que Sofía nos dese algúns consellos que, as artistas coma ela, teñen moi presentes á hora de facer as súas creacións.

Aproveitamos a saída tamén para facer unha pequena visita á Biblioteca Municipal de Fene.  Un espazo coñecido pola maioría de nós pero ao que sempre nos gusta ir para desfrutar da lectura e visionado da grande cantidade de libros que alí hai.

Como nós agora estamos moi interesadas e interesados co mundo dos dinosaurios preguntamos á bibliotecaria onde podiamos atopar libros desta temática. Había moitos… e todos moi interesantes e atractivos. Encantoulles velos unha e outra vez. Tanto que prometimos volver.

BALLOON ROCKET foi un dos experimentos que realizamos esta semana dentro do proxecto que nos ocupa neste segundo trimestre “Descubrindo o aire”. A verdade que foi todo un éxito, encantoulles; tanto que non querían parar de experimentar e probar como se desliza o globo pola corda unha vez soltamos o aire que ten dentro e cambiamos as variables. Experimentación pura para comprobar se todas as hipóteses que lles ían xurdindo eran certas ou non.

-Cuanto más aire le echemos dentro más tiempo correrá (dixo Roi).

- Pues no, corrió igual. (Andrea)

- Ya sé, para que ande más si lo hinchamos más hay que poner una cuerda más larga. (Eva)

- ¿Y si ponemos la cuerda cuesta arriba subirá? (Sergio)

As MAQUETAS DO AIRE que trouxeron Andrea e Xiana foron outro dos protagonistas da semana. Grazas a todo o que estas compis nos explicaron delas aprendimos moitas cousas, como que os muíños de vento antiguamente empregaban a enerxía do aire para moer os grans e convertelos en fariña (no ambiente de ciencia poideron comprobar o grande esforzo que supoñía moer os grans á man) ou que a electricidade pode obterse grazas á forza do vento. (xeramos vento con distintos obxectos para tentar de mover as aspas do aeroxenerador da maqueta de Andrea e producir electricidade).

As AVES tamén estiveron presentes esta semana na nosa aula. Ollade cantas estamos a coñecer!

Onte festexamos na aula as 6 voltas ao sol de Maykel e Roi. Pois os dous estiveron de aniversario durante as vacacións de entroido.

Que gañas de que chegara este día tan especial no que poder compartir de desfrutar cos compis dun momento tan importante para eles, e sobre todo neste curso, no que xa son os maiores de infantil.

Mentres daban as súas 6 voltas ao sol recordamos cantos aniversarios levamos celebrando xuntos e compartimos lembranzas dalgunhas das cousas máis simpáticas e anécdotas que lembraban de Roi e Maykel destes 3 aniños xuntos.

Risas, alegría, entusiasmo,… encántonos festexar.

Parabéns rapaces. Desfrutade moito deste novo ano.