Á volta das vacacións de Nadal rematamos unha tarefa que nos quedara pendente do trimestre anterior relacionada cun dos temas que estivemos a traballar dentro do PDI: o esqueleto.

Queriamos construir unha columna vertebral pero tiñamos un problema, pois non sabiamos cantas vértebras temos. Por iso, o primeiro que fixemos foi indagar este dato buscando información en distintas fontes. Nesta pesquisa tamén descubrimos que os bebés teñen máis vértebras cos adultos, algo que nos sorprendeu moito.

Feito isto puxémonos mans á obra para a súa construción: ordenamos as vértebras por orde numérica fixándonos no número que tiña cada unha escrito ( pois os compis de 4 anos foron os encargados de escribilos), escribimos tamén as grafías dos números do 1 ao 33 para repasar o seu trazo e cun fío engarzamos unha vértebra coa outra.

Este foi o resultado.