O pasado venres comezou MATES EN FAMILIA.

Tivemos a visita de Rosa que se encargou de xogar con nós a completas as pocións de samaín. Tiñan que completar dependendo do número que tiñan na receita buscando na pota dos ingredentes.

Julia xogou con nós a un xogo de mesa, atrapa a abella! Sen dubida foi o que máis lles gustou. Era moi importante estar atentas/os para levantar a cor que correspondía.

 Encontramos uns paneis con distintos números e Raquel axodounos a formar as distintas cantidades cos policubos.

Jessica xogou con nós as casiñas dos números. 

E por último, Estefania chegou con Doc. Con distintas tarxetas de imaxes de samaín e, de forma moi rápida, contamos as imaxes, asociábamos coa cantidade e despois levamos a doc o cadrado correspondente.

Grazas familias por vir a pasar este ratiño con nós.

Non sabedes as gañas que tíñamos de empezar os obradoiros dos venres.

Comezamos un novo curso no ambiente de verbas. Levamos a cabo unha morea de actividades para iniciarnos neste ambiente, que os nenos e nenas que comezaron 

este ano o curso coñeza un novo espazo cheo de diversas posibilidades, que exploren e sobre todo que gocen das novas experiencias. Todas as actividades 

que presentamos teñen un fin pero, neste caso, deixámonos levar por propostas novas que xurdían co fin de que as nenas e nenos exploraran sen negacións ate coñecer, 

pouco a pouco, as normas deste ambiente. 

Na zona de motricidade fina cosimos cogomelos e follas, cunha agulla de punta redonda e fio de cores fixemos as nosas propias creacióms, traballando a motricidade fina, a coordinación óculo-manual e traballamos a espera e perseverancia cando tíñamos que coser e descoser se era necesario.

Na zona de grafomotricidade traballamos a través da natureza, fixemos grafismos partindo de elementos naturais (tronco, madeira, cuncha, piña...)

Na zona de vida práctica comezamos trasladando cunha culler en forma de pinza castanas dun bol a outro. Tamizamos fariña mezclada con lentellas para intentar separar así as lentellas da fariña. E por último, desgranamos o millo.

Na zona de lectoescritura, traballamos vocabulario de outono repasando as letras e rodeando a imaxe correspondente a cada palabra. Formamos palabras co pop-it e 

completamos o taboleiro do alfabeto con letras de madeira.

Na mesa de transvases xogamos e gozamos con boliñas de xel e na mesa sensorial construimos unha cidade deixando voar a nosa imaxinación.

Limpamos o espello, recollimos os armario dos bebés, cociñamos e sobre todo, comimos todos xuntos/as, cambiamos os cueiros os bebés, os peinamos e vestimos pero non só os bebés, se non tamén a nos mesmos/as.

Descansamos na cama, xa que sabemos que é importante traballar pero tamén descansar sempre que se necesita. 

Aquí tedes un video con pequenos momentos.

O pasado venres 29 de setembro, Lara F cumpliu 5 anos.

Este curso seguimos dando as voltas ao redor do sol pero xa non vemos as fotos de como pasan os anos, o que facemos e escoitar unha nota de voz que nos envía a familia contando anécdotas dende o día que naceu Lara ata o día que cumple 5 anos. 

Qué audio máis bonito! Grazas familias polo voso esforzo e por ese audio feito con tanto agarimo. 

Grazas a iso descubrimos que facía 5 anos era un dia de moita choiva, que Lara naceu a noite e que celebraron en familia que Lara xa estaba na casa.

Agardamos que o pasaras moi ben neste día. Levas un recordo feito con moita ilusión.

Comezamos un novo curso cargado de ilusión e moitas ganas de disfrutar!!

Aquí un pequeno resumo dos primeiros días :)