Celebramos o Samaín e Halloween en Centieiras con moitísimas actividades primeiro coa preparación e decoración do centro e despois desfrutando dun día de medo. As nenas e nenos participaron na exposición de cabazas e no concurso de debuxos de medo polo que a nosa aula recibiu como premio un conto; fixeron o desfile de disfraces terroríficos, escoitaron un dos contos gañadores do concurso "contos de medo", realizaron algunha das actividades para a pantalla dixital que propuxeron dende o EDLG, gustáronlle moito os contos de medo seleccionados polo equipo de Biblioteca, fixeron unha apócema, debuxaron pantasmas, xogaron na mesa de luz con sombras de medo, con fabas e arroz de sangue fixeron as súas propias cabazas, participaron no concurso o peso xusto da cabaza e bailaron e...xogaron moitísimooo. 

Aquí queda unha pequena mostra dalgunha das actividades dun día intenso.

Ao longo de toda a semana as nosoas actividades xiraron arredor das mazás,partindo da motivación do "I Concurso da mazá máis pequena".

As actividades foron libres e dirixidas empezando pola exposión de mazás,colocalas de menor a maior observando canto medía a máis grande (6 cm) e a máis pequena (2cm). Levamos a cabo un experimento da oxidación da mazá coas  hipóteses que conlevan, puxemos as mondas da mazá, noutro a mazá soa, noutro a mazá con leite, mazá con limón e mazá con auga. No video se pode ver que cada día quitámoslle unha foto para poder observar así os cambios.

Tamén coloreamos a nosa propia mazá fixándonos na cor e aproveitamos para traballar a lóxica matemática medindo cunha cinta métrica cada unha das mazás.Tamén as pesamos na balanza e buscamos así encontrar o equilibrio dependendo das mazás que poñíamos.

Encontramos tamén outras propostas coma facer a secuencia da mazá mordida de Brancaneves, unha ficha para contar as mazás das árbores, vimos o ciclo de vida dunha mazá facendo así unha ficha onde quedara recollido, coas tarxetas tres partes asociamos a imaxe, co nome e as figuras traballando así o ciclo da vida que se compón de (semente, xerminación, planta, plántula e por último o árbol).

Coñecimos o cadro de René Magritte "El hijo del Hombre"destapando parcialmente o mesmo a través dun círculo cada vez máis grande ata destapalo enteiro. Contemplamos,falamos e fixemos unha reflexión conxunta con preguntas do tipo,qué pode ser o que vedes?,home ou muller?,en qué lugar pode estar?,cómo se chamará?,é polo día ou pola noite?o fillo onde está?,..xurdindo así respostas non moi variadas porque nestas idades repiten a anterior resposta pero pouco a pouco terá cada quen a súa.. Con esta proposta de arte  traballamos habilidades de pensamento para chegar a ser críticos e educar a súa mirada.

Fomos a eroski, onde nos explicaron os distintos tipos de mazá e as súas características. Trouxemos para o cole un agasallo ¡unha bolsa chea dos distintos tipos de mazás! Na clase observamos as diferenzas destas, vimos os nomes de cada unha e terminamos facendo unha cata degustación das distintas mazás.

Lemos o conto "a mazá que quería ser estrela" observando así que se cortamos a mazá pola metade ten dentro unha estrela. Igual que nós, que no noso interior temos cousas maravillosas ainda que non as vexamos.

E por último, o venres, escribimos a receita da marmelada de mazá e fomos a cociña do cole. Grazas a Aitor que trouxo do seu manzano moitas mazás e a Martín que trouxo do seu limoeiro, limóns. Fixemos unha marmelada que deu para levar todas e todos para a nosa casa. Cremos que estaba moi boa pero nos quedamos co bo ratiño que pasamos traballando en equipo.

Todas estas actividades as fixemos o longo dunha semana, e que, ainda que non o pareza, unha semana da para moito.

Este venres veu a mar de palabras Rocío, Rosa, Julia, Fani e Natalia.

Rocío tiña un xogo de mesa no que buscamos as sonidos que foran iguais, se xa non tíñamos sons iguais buscábamos cor ou imaxe para poder asi rematar as cartas que nos tocaron e terminar o xogo. Quen antes terminara as cartas era o gañador/a.

Rosa xogou con nós a un bingo de samaín, onde o taboleiro era un frankestein.

Julia axudounos a facer unha ficha onde tíñamos que ler a palabra e buscar a imaxe correspondente. 

Con Natalia estivemos observando unha folla, esta tiña unhas imaxes que correspondia cada unha a unha letra e así despois fomos formando distintas palabras. 

E por último, Fani tivo a sorte de volver a xogar o noso xogo preferido, AS ABELLAS! Encántanos! e despois de estar toda a semana pedindollo a profe por fin xogamos de novo. 

Grazas familias por vir.

Esta é unha actividade que continúa do curso pasado na que as familias participan dinamizando propostas. Esta participación é fundamental tanto para o alumnado como para as familias, o alumnado que sempre fai unha valoración moi positiva da participación das familias e éstas que ven o funcionamento e o clima que hai na nosa aula. Moitas grazas pola vosa participación!

MATES EN FAMILIA: nesta ocasión Irene a nai de Adriana dinamizou unha proposta de problemas de igualación de cantidades e a madriña de Laura unha proposta de conteo e ordenación de cantidades.

UN MAR DE PALABRAS: plantexamos dúas propostas, unha na que debían buscar e compoñer os seus nomes e os das súas compañeiras e compañeiros, dinamizada por  Noelia nai de Marco e outra na que traballamos o vocabulario de outono dinamizada por Daniel pai de Lucas.