O alumnado de 4º de E.P. desfrutou un fermoso día nas instalacións de Naturmaz, no concello de Mazaricos.
Alí participaron en divertidas actividades: xogos de orientación, con auga, con globos, circuítos de obstáculos, paintball, pero... sen dúbida, a actividade estrela coa que levaban días soñando, era subirse a unha piragua e dar un pequeno paseo polo embalse da Fervenza.
Pasárono xenial!!
No Equipo de Biblioteca de Botalerias, non estivemos traballando soamente os mestres e mestras... Houbo un grupo de rapaces e rapazas voluntarias que durante tódolos recreos do curso estiveron xestionando o préstamo, colocando os libros nos estantes, axudando a dar de baixa libros, controlando o acceso á biblioteca...
Este grupo de alumnos e alumnas, tivo aogra ao remate do curso un pequeno recoñecemento pola súa labor e tamén o queriamos destacar na web do colexio.
Axudantes dos luns: Valeria, Uxía, Zaira, Alba, Hugo e Gabriel.
Axudantes dos martes: Antía Rey, Rubén, Ángela, Antía Méndez e Patricia.
Axudantes dos mércores: Nerea, Carla, Henar, Gabriel e Pablo.
Axudantes dos xoves: Estefanía, Irene, Manuel, Cristina, María e Julia.
Axudantes dos venres: Izan, Nerea González, Andrea, Nadia, Miguel e Laura.
Foi un pracer traballar con vós!!
Nestes días de final do curso, no centro houbo un Simulacro de Emerxencia xestionado e supervisado polo servizo de Bombeiros de Ordes. Facía xa un tempo que non se facía e quedaban algunhas cuestións por mellorar... e niso estamos...
O alumnado de Educación Infantil, ao remate de todo o proceso do simulacro, puido ver de preto algúns dos materiais cos que traballa o Servizo de Bombeiros do noso concello e coñecer diferentes maneiras de apagar un lume; e sobre todo, lembrar o número de emerxencias ao que debemos chamar sempre... 112.
O alumnado de 6º A e 6º B realizou uns circuítos eléctricos aproveitando o tema de Ciencias Naturais sobre a electricidade. Puxeron en práctica os seus coñecementos xunto coas habilidades manuais e tecnolóxicas e moita imaxinación.
Nas tarefas máis complexas (serrar, pegar con silicona quente, pelar cables...) algúns e algunhas recibiron axuda das familias que colaboraron dun xeito incrible. Como saíron tan ben, decidimos expoñelos no noso corredor.
O alumnado de 1º e 2º de Educación Primaria puido asistir a unha sesión de Contacontos a cargo de Iago López.
Desta volta puideron coñecer as historias do "Axente Riciños" e, coma de costume, pasárono en grande coa visita deste gran convidado!!
Grazas a todos/as os/as que o fixestes posible!
O alumnado de 6º de Educación Primaria, tivo a posibilidade de visitar os dous institutos do concello. A intención é que coñezan un pouco mellor os novos espazos, profesorado, actividades, etc. nos que o vindeiro curso lles tocará pasar o seu día a día.
Moitas grazas a todos e todas os/as que fixestes posible estas visitas!
Vémonos en setembro!!
Coa finalidade de tomar contacto co que será o seu novo centro o vindeiro curso, os cativos e cativas da Escola Infantil Municipal viñéronnos facer unha visita. O noso alumnado actuou de anfitrión e ensináronlles aos visitantes as aulas de 4º de Educación Infantil e outras instalacións do noso centro.
Foi todo un pracer que nos visitarades!
Os nenos e as nenas de Educación Infantil do noso centro foron de excursión de fin de curso á Granxa-Escola de Belelle, no concello de Neda. Era a primeira vez que iamos e gustoulles moito. Puideron traballar a terra, coñecer máis de preto animais (tanto mamíferos coma aves), montaron en poni, fixeron pan, alimentaron aos animais e sobre todo... pasárono en grande!!
Premede na imaxe para ver unha breve montaxe con algunhas das fotografías dese día...
DÁDELLE AO PLAY!
Os días 30 e 31 de maio, continuando co programa de actividades conxuntas levadas a cabo durante o presente curso entre o CEIP ADR Castelao e o PAC de Ordes, realizáronse dúas xornadas formativas sobre Educación para a Saúde no noso centro educativo co alumnado de 5º e 6º de Educación Primaria, nas que se abordaron contidos sobre Alimentación e Hixiene Bucal a cargo da Dra. María Crespo e a Hixienista Mari Cerqueiro, profesionais sanitarias do PAC de Ordes.
O pasado 30 de maio, o alumnado de 1º de E.P. do noso centro, viaxou á Prehistoria e visitou o Parque Arqueolóxico da Arte Rupestre de Campo Lameiro (Pontevedra).
Fixeron unha visita guiada polo parque para ver os seus petroglifos e unha representación dun poboado da época, asistimos a unha exhibición na que nos amosaron como facer lume, participamos nun taller de cerámica no que elaboramos as nosas propias creacións con barro e, por último, visitamos o museo que se atopa nas súas instalacións.
Pasámolo xenial!
Xunta de Galicia - Consellería de Educación, 2013 | ||
