CEIP Balaídos

NO ARQUIVO ADXUNTO ACHEGÁMOSLLES O CALENDARIO ESCOLAR PARA O CURSO ACADÉMICO 2021-2022

AS CLASES COMEZARÁN O 9 DE SETEMBRO E REMATARÁN O 22 DE XUÑO, AMBOS INCLUSIVE

Vacacións escolares

Os períodos de vacacións escolares serán os seguintes:

– Nadal: desde o día 22 de decembro de 2021 ata o día 7 de xaneiro de 2022, ambos inclusive.

– Entroido: os días 28 de febreiro, 1 e 2 de marzo de 2022.

– Semana Santa: desde o día 11 ata o día 18 de abril de 2022, ambos inclusive.

Días non lectivos

- Ademais das festas de ámbito estatal, son días non lectivos os festivos así declarados pola Consellería de Emprego e Igualdade da Xunta de Galicia e as festas laborais de carácter local publicadas por resolución da devandita consellería.

- Día do Ensino coa consideración de non lectivo para efectos académicos o 11 de outubro de 2021.

- A maiores haberá un día de libre elección do centro que está pendente de autorización pola Consellería de Educación.

AXUDAS MUNICIPAIS PARA COMEDOR, LIBROS E MATERIAL ESCOLAR

CURSO 2021-2022

 A partires do vindeiro xoves 10 de xuño e ata o 7 de xullo ábrese o prazo de presentación de solicitudes para as axudas municipais escolares para o curso 2021-2022.

As solicitudes presentaranse a través da carpeta cidadá do concello de Vigo ou presencialmente mediante cita previa (poderase pedir a partires do 7 de xuño).

• Por teléfono: 010 ou 986 810 260
• Pola web do Concello: www.vigo.org
• Máis información na Sede electrónica (convocatorias e subvencións):https://sede.vigo.org/expedientes/avisos/?lang=gal

 As axudas de libros e material escolar (para o alumnado de infantil) pasan a 100€/ alumno.

Nos arquivos adxuntos podedes consultar as bases da convocatoria e/ou descargar o ANEXO I-SOLICITUDE, o ANEXO III-XUSTIFICANTE HIPOTECA_2021_2022 e/ou o ANEXO II-CONTRATO ALUGUER VERBALames_2021_2022

Este curso 2020-21, coma todos e todas sabedes, desenvolveuse sumido nunha situación moi complexa como é o COVID-19. Todas as actuacións docentes en todos os centros escolares foron enmarcadas tendo en conta as medidas de seguridade, adoptando as pautas e normas necesarias para minimizar os riscos de contaxio. 

No mes de xuño, o IES realiza a xornada de acollida onde o alumnado de 6º de EP dos centros adscritos visitan o que será o seu futuro centro escolar. Este curso a situación na que estamos inmersos fainos modificar a organización da visita e as actividades a realizar. Así a visita ó IES, ven condicionada polo número de nenos e nenas que participan na mesma, e poder gardar a distancia de seguridade. Polo tanto, acordaron dende o Departamento de Orientación e o Equipo Directivo seguir as seguintes pautas para o alumnado do CEIP Balaídos:

• A visita será o XOVES 10 de xuño
• Sairase do centro andando, con 2 mestras/es por cada grupo
• O alumnado de 6ºA acudirá na 1ª sesión, en horario de 9:20 a 11:25h
• O alumnado de 6ºB acudirá na 2ª sesión, en horario de 11:30 a 13:35h
• A organización da xornada será a que segue:

O noso centro está barallando a posibilidade de levar a cabo seccións bilingües en plástica en 1º e 2º de primaria para o próximo curos 20-21.

Están achegados a continuación os diferentes documentos con toda a información relacionada con este proxecto.

No mes de marzo o alumnado de ed. Infantil e 1º de EP a través de test lúdicos segue  a traballar na identificación das diferentes emocions para favorecer a empatía. Tamén realizou  a RULETA das EMOCIÓNS.  Tras o visionado de diferentes situacións os alumnos colocaron cada un na súa Ruleta a emoción a que se refería..
O alumnado de 2º a 4º este mes traballou a empatía e  a asertividade como camiño para a prevención de conflitos, así traballamos o que é un conflito, como xurde e a resolución dos mesmos.
Realizaron test lúdicos para comprobar si se comunican ou non de xeito asertivo. Viron os diferentes estilos de comunicación que empregamos :Pasivo, agresivo, asertivo. Practicaron cómo responder de forma asertiva e os pasos a seguir para resolver conflitos .
O alumnado de 5º e 6º continúa co traballo na resolución de conflitos, fomentando a empatía e a comunicación asertiva.

Nestes días o noso alumnado de 4º, 5º e 6º de primaria recibíu a visita da Policía Nacional (do Departamento de Participación Cidadá) para recibir unha charla sobre os perigos de internet.

Tanto alumnado como ponentes saíron moi contentos coa experiencia que, a ben seguro, repetiremos para o vindeiro curso.

É moi importante que as familias esteades atentas a este tema e por iso facilitámosvos esta información a través de carteis e materiais elaborados por especialistas a este fin.

Neste enlace podedes consultar un pequeno libro con consellos para evitar o ciberacoso e o mal uso de internet. Clicando aquí descargaredes unha "Guía para padres sobre el uso seguro de videojuegos por menores"

Enquisa de diagnose da convivencia 2021

A Consellería de Cultura, Educación e Universidade pon en marcha a III macroenquisa de diagnose da convivencia 2021 dirixida ao conxunto da comunidade educativa galega (profesorado, alumnado a partir de 5º de primaria, persoal non docente e familias). O prazo está aberto desde o 12 ata o 29 de abril, ambos incluídos. Esta acción enmárcase dentro da futura Estratexia Galega de Convivencia Escolar 2021-2025.

Esta recollida de datos faise mediante unha ferramenta informática en liña, de xeito automatizado e totalmente anónima, a través da aplicación convivenciaxestion.

Documentos informativos:

• Preguntas frecuentes cuestionario de convivencia 2021

• Guía de usuario do cuestionario de convivencia

• Manual de uso da aplicación convivenciaxestion

• Cuestionario pictográfico

As familias recibirán un escrito coas claves de acceso e as indicacións precisas sobre como actuar.

Acceso ás enquisas:

• Enquisa do alumnado

• Enquisa para as familias

INFORMACIÓN PARA AS FAMILIAS INTERESADAS NO SERVIZO DE COMEDOR PARA O VINDEIRO CURSO ACADÉMICO

O SERVIZO DE COMEDOR É XESTIONADO EXCLUSIVAMENTE POLO AMPA DO CENTRO

DEBERÁN FACER A SOLICITUDE DE INSCRICIÓN NO LOCAL DO AMPA DO CENTRO EN HORARIO DE 9:15 A 9:45 HORAS COA MAIOR BREVIDADE POSIBLE

NO CASO DE NON PODER FACELO NESE HORARIO DEBERÁN POÑERSE EN CONTACTO A TRAVÉS DO CORREO ELECTRÓNICO: ampabalaidos@gmail.com

A TRAVÉS DESTE CORREO ELECTRÓNICO PODERÁN CONSULTAR CALQUERA DÚBIDA QUE TEÑAN AO RESPECTO OU TAMÉN PODEN CONSULTAR A PÁXINA WEB DA AMPA

ampabalaidos.wordpress.com