O alumnado de 1º e 2º de Educación Primaria visitou, o 7 de xuño, o Museo de Meirande e á Illa de San Simón.

Ao chegar á illa, despois de explicarnos as normas, realizamos unha ruta por ela á vez que nos ían contando a súa historia.

Cando nos xuntamos todos os compañeiros xa estabamos listos para xantar e realizar xogos.

Que ben o pasamos!

A área de Música colaborou co equipo de Biblioteca tendo en conta o seu lema "A Biblioteca escolar ten a palabra".

O alumnado de 6º de Educación Primaria construíu instrumentos musicais con materiais de refugallo:

Estes instrumentos tocáronos, xunto cos da aula, nos contos sonoros que inventaron en pequenos grupos:

A área de Música colaborou, co equipo da Biblioteca, tendo en conta o seu lema "A Biblioteca escolar ten a palabra".

O alumnado de 5º de Educación Primaria inventou, en pequenos grupos, contos sonoros empregando os instrumentos musicais da aula.

O resultado foi magnífico!

Non dubidedes en escoitalos!

Só clicade nas imaxes:

O mércores 1 de xuño, o alumnado de 6º de Educación Primaria tivo a oportunidade de ampliar a súa formación musical a través dun taller ECO-PERCUSIÓN, tocando diferentes ritmos empregando instrumentos de ecopercusión.

Foi impartido polo percusionista Didier Díaz, mestre cubano.

Foi unha actividade moi divertida e participativa no que o alumnado fixo polirítmia con instrumentos de ecopercusión.

Aquí tedes unha pequena mostra do que fixeron:

GRAZAS MESTRE DIDIER, ATA A PRÓXIMA! 

Aquí temos unha nova entrega da nosa revista Breogán!! Aquí poderás ver todo o seu contido.

Este curso retomamos a Feira Abeleira de experimentos como en anos anteriores pero, ao estar aínda vixente o protocolo COVID no centro, non vai ser de xeito presencial senon a través de vídeos montados cos experimentos realizados.

A idea inicial era que fose na primeira semana de maio, coincidindo coa presencia no centro do equipo de Ciencia en Movemento pero, por cuestións organizativas non deu tempo a ter todos os vídeos preparados. Deixaremos a criterio de cada clase-titoría o visionado dos vídeos cando o considere oportuno.

O equipo de Ciencia en Movemento, como en anos anteriores, trouxo ao centro a experiencia do Museo Científico para o alumnado de 4º de primaria e do Obradoiro Kids para o de 6º de infantil.

Na táboa que segue poderedes ver os vídeos correspondentes aos experimentos realizados polo alumnado dos cursos 4ºB de EI, 2ºA, 3ºB e 5ºB (que son as titorías dos membros do equipo de Laboratorio do centro).

A CONVOCATORIA 2022 - 2023 PUBLICOUSE O 18 de MAIO de 2022.

PRAZO DE PRESENTACIÓN - DESDE O 19 de MAIO ATA O 30 de SETEMBRO de 2022, PERO NON O DEIXES PARA ESE DÍA, PORQUE TES QUE PRESENTALO NO CENTRO CORRECTAMENTE CUMPRIMENTADO, ASINADO E CUBERTO POLO GABINETE PEDAGÓXICO ANTES DESA DATA

BENEFICIARIOS:

AS AXUDAS PARA O CURSO 2022-2023 SON PARA PERSOAS QUE TEÑAN UNHA NECESIDADE ESPECÍFICA DERIVADA DE:

O 15 de maio é o Día da familia, e no co!e de Balaidos fixemos un pequeno documental para conmemoralo. Esperamos que vos guste moito!!!

Facemos pública a adaptación da concreción curricular a Orde do 25 de xaneiro de 2022, pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia.

https://drive.google.com/file/d/1CS_mMFINwZPyPxOoVs8BOHVO9xal9Xsk/view?u...

Os nenos e nenas de 1º de Educación Primaria visitaron o Acuario do Museo do Mar, onde puideron comprobar como sería un mar limpo, sen contaminar.

Despois visitaron un "mar de plástico" e axudaron a pescar todo o lixo posible. Desta maneira tomaron conciencia do importante que é ter o mar limpo, non contaminar, reciclar e disminuir o uso de plástico.

Aquí deixamos un vídeo con algúns dos momentos vividos!!