Consellería de Educación, Universidade e Formación Profesional

No proceso de integración das TIC no sistema educativo galego detéctase a necesidade de proporcionar ao profesorado instrumentos de valoración para coñecer a propia competencia TIC docente e poder elixir dentro da oferta formativa aquelas actividades que mellor respondan ás súas necesidades. Esta motivación leva á Consellería de Cultura, Educación e Ordenación Universitaria a establecer un marco de referencia baseado en catro dimensións:

En relación con estas dimensións establécense cinco niveis de competencia TIC, que se medirán en base a uns indicadores para cada unha das dimensións:

Premendo en cada un dos botóns da imaxe anterior accederemos a unha exposición dos obxectivos de cada nivel dentro das dimensións establecidas.

Para poder medir o nivel de competencia TIC dispoñemos nunha aula virtual en Platega de cinco cuestionarios de autoavaliación.  Para facelos é necesario introducir un contrasinal no momento de realizar a inscrición. O contrasinal é o seguinte:

Contrasinal: abalar

En correspondencia con estes niveis, deseñouse un itinerario formativo de competencia TIC docente con cinco cursos:

Premendo nos botóns da imaxe anterior accederemos ás características de cada curso. Poderanse realizar mediante a correspondente inscrición en fprofe.

• Os resultados de cada cuestionario miden o nivel de competencia e sinalan a conveniencia de realizar un determinado curso dentro do itinerario formativo TIC.
• A realización dos cursos do itinerario supón unha certificación de asistencia a eses cursos, pero non significa unha acreditación oficial de competencia TIC docente. Esta acreditación poderá estar dispoñible no futuro, a través do sistema de avaliación que se estableza, de ser o caso, por parte da Consellería  de Cultura, Educación e Ordenación Universitaria.
• Esta ferramenta de autoavaliación pretende facilitar ao profesorado un coñecemento o máis aproximado posible da formación que necesita para unha mellor integración das TIC na docencia.
• Non é necesariamente imprescindible a realización de todos e cada un dos cursos do itinerario, senón que cada docente poderá decidir por cal deles empezar e por cales continuar, en concordancia cos seus coñecementos e necesidades formativas no momento da súa elección.
• Os criterios de selección para a realización dos cursos do itinerario formativo de competencia TIC docente fixan, para todas as ensinanzas, corpos e especialidades, a seguinte orde de prioridade:
  • Coordinadores e coordinadoras de tecnoloxías da información e da comunicación.
  • Os criterios xerais do plan anual de formación.
• Para apoiar o desenvolvemento do Proxecto Abalar, ofertarase un itinerario formativo, practicamente coincidente co exposto, con cursos “edición Abalar” no que os criterios de selección fixarán, para todas as ensinanzas e especialidades dos corpos de 590 - Profesores de ensino secundario e 597 – Mestres, as seguintes prioridades:
  • Coordinadores e coordinadoras Abalar.
  • Profesorado de centros Abalar.
  • Os criterios xerais do plan anual de formación.
• Ademais dos cursos do itinerario TIC, as ofertas formativas TIC ou doutras áreas poderán ser clasificadas tomando como referencia estes niveis de competencia para que o profesorado poida coñecer o nivel que precisa para realizalos.