Ciclo Superior de Xestión de Vendas e Espazos Comerciais
Martes 28 de abril. O alumnado do Ciclo Superior visita INDITEX
O martes 28 de abril o alumnado e profesorado do Ciclo Superior de Comercialización e Mercadotecnia cursarán unha visita xa tradicional no seu plan de estudos, ás instalacións en Arteixo de INDITEX.
11 de marzo 2015. Visita do alumnado do Ciclo Superior a Vegalsa en Sigüeiro
O mércores 11 de marzo, alumnado e profesorado do Ciclo Superior de Xestión Comercial e Mercadotecnia desprazaranse pola tarde para visitar as instalacións que a empresa distribuidora Vegalsa ten en Sigüeiro.
Chegou aos nosos oídos...O recuncho do granel
![](/centros/iesfranciscoaguiar/system/files/u22/recuncho1.jpg)
![](/centros/iesfranciscoaguiar/system/files/u22/recuncho%203.jpg)
![](/centros/iesfranciscoaguiar/system/files/u22/recuncho0.jpg)
Chegou aos nosos oídos....os negocios de ex alumnos do Ciclo Superior de Comercialización
Chegou aos nosos oídos... que Letty Campelo Torres ex alumna do Aguiar en Secundaria e no Ciclo Superior de Comercialización e Mercadotécnia iniciou hai un par de meses a súa aventura emprendedora coa franquicia "INSPIRAZZIONE CORUÑA", en r/San Andres nº1 (entre Massimo Dutti e Cafe Universal)
Moita sorte para Letty Campelo Torres
Chegou aos nosos oídos....os negocios de ex alumnos do Ciclo Superior de Comercialización
Chegou aos nosos oídos... que alumnos e alumnas do Ciclo Superior de Comercialización e Mercadotécnia comezan a abrirse paso cos seus negocios.
Recentemente soubemos de Víctor Benavides, ex do Aguiar, que acaba de abrir unha franquicia na Coruña, na rúa Andrés Gaos 35, dedicada a roupa de home CELOPMAN.
Por certo, que preparando esta noticia atopámonos tamén na festa de inaugación do negocio a outra ex-alumna, Nuria Edreira López (olládea lucindo amplo e contaxioso sorriso na imaxe da dereita)
Tamén tivemos coñecemento da andaina empresarial de Cristina Fuentes. Fai uns anos afincouse en Monforte de Lemos e alí co seu marido administran o Grupo Bodegueiro "Prior de Pantón".
Dende a "zona nobre" do IES Francisco Aguiar (polos mal informados chamadas "porquerizas") desexamos o maior dos éxitos comerciais ao alumnado do Ciclo e, nesta ocasión, especialmente a Víctor e Cristina.
Elaborar un Plan de Empresa Cooperativo.
Ocórresevos cousa máis elegante que servir nunha celebración suculentas lonchas de xamón serrano. Imaxinades un xantar máis suculento e delicado que un rico fuet. Sodes capaces de pensar na gastronomía popular e culta do noso país sen a aportación de quen todo se aproveita, mesmo os andares.
Pois daquela entenderedes que por pura constatación histórica chamemos a unha parte do noso instituto "as porquerizas"... pero tamén entenderedes que todos no centro saibamos que tras ese nome agáchase a auténtica "zona nobre" do Aguiar (suculenta como o xamón, delicada como o fuet, imprescindible como todo o que ven do porco)
Pois en tan privilexiado espazo tivo lugar o martes 28 de outubro unha interesante charla. O profesorado do Ciclo Superior de Comercialización e Mercadotécnia en colaboración co Consorcio das Mariñas organizou unha sesión de traballo para presentar ao alumnado "como elaborar un plan de empresa cooperativo"
Charla sobre autoemprego.
O martes 14 de outubro, no Instituto Francisco Aguiar, terá lugar unha charla para o alumnado do Ciclo Superior de Xestión Comercial e Mercadotecnia. A sesión de traballo versará sobre "Autoemprego"
Realízase esta actividade grazas á colaboración entre o profesorado deste ciclo e a Oficina de Fomento Cooperativo do Consorcio As Mariñas
Visita de alumnado e profesorado en pleno do Ciclo a Estrella Galicia
De todas as actividades e estudos que fan os nosos compañeiros e compañeiras do Ciclo Superior de Comercialización e Mercadotécnia unha das máis sufridas son as visitas a empresas. e de todas as empresas que visitan (Inditex, Gadisa...) a que máis lle custa
é a que, este ano fixeron o luns 19 de maio, a visita a Estrella Galicia
Momento 1: "disciplinadamente-escoitamos-a-conferencia-sobre-a-empresa"... pero as caras xa anuncian a primeira pregunta "¿poderemos degustar?"
O editor desta nova non sabe certo se iste é o momento 2: "se queredes probar". ¡Podería! ¿Non si?
O certo é que non houbo degustación (sonche ben profesionais os nosos compas' do Ciclo)... como pode comprobarse no feito de que todos mantiveron a verticalidade no Momento 3: pousado
O Ciclo Superior visita VEGALSA e as cubertas da Catedral de Santiago
Os alumnos e alumnas do Ciclo Superior de Xestión Comercial e Mercadotécnia, acompañados polos seus profesores Victoriano e Pancho, tiveron unha volta da ponte ben movida. O luns 5 de maio visitaron as cubertas da Catedral de Santiago de Compostela e posteriormente as instalacións de VEGALSA.
¡ Atractiva combinación de cultura e formación profesional !
O Ciclo Superior viaxa a INDITEX
O xoves 24 de abril, alumnado e profesorado do Ciclo Superior de Comercialización e Marketing cursaron visita ás instalacións en Arteixo da empresa INDITEX.
Polas caras...semella que a visita foi ben aproveitada.
- « primeira
- ‹ anterior
- 1
- 2
- 3
- 4
- 5
- 6
- 7
- seguinte ›
- última »
![RSS - Ciclo Superior de Xestión de Vendas e Espazos Comerciais Distribuir contido](/centros/iesfranciscoaguiar/misc/feed.png)