Ao longo da semana pasada realizamos diversas actividades relacionadas co Día da Paz:
Exposición de poemas sobre a paz no taboleiro da entrada.
Exposición de fondos relacionados coa paz na sala de secundaria da biblioteca.
Recital do Día da Paz para o alumnado do 1º ciclo de ESO. Participaron alumnos e alumnas dos catro cursos de secundaria recitando poemas relacionados coa paz de Miguel Hernández, Gloria Fuertes e Antonio Machado entre outros. Ademais, leron anacos do libro Trala liña do horizonte de Antonio García Teijeiro.
Na nosa galería de imaxes podes atopar fotos das actividades realizadas.
O pasado xoves o escritor Xosé Neira Vilas presentou a súa última obra, Aquel neno, en San Sadurniño. No acto participou o alumnado de 3º e 4º de ESO do centro e nós, para conmemorar tan especial visita, realizamos este díptico.
A biblioteca organiza en colaboración con departamentos de ciencias o terceiro concurso INVESTIGACION E CIENCIA. Trátase de que realices unha investigación caseira e a poñas por escrito do xeito máis profesional posible. Está dirixida a todos os alumnos de ESO pero principalmente para os de 3º e 4º, que xa coñecen os fundamentos do método científico. Animádevos, podedes gañar un agasallo polo voso esforzo. Tedes ata o 13 de decembro para presentar os traballos, ben a man o a ordenador. Podedes mandalos a sansafq@gmail.com ou entregarllos en persoa ao profesor de Física e Química. No documento que se xunta podedes atopar os detalles da convocatoria.