Todos estivemos moi atentos ás explicacións que nos ía relatando, como que os ovos de galiña non valían todos, tiñan que estar galeados e que era moi difícil saber se o estaban ou non, logo contounos que as galiñas cando incubaban os seus ovos collían unha especie de febre que lle facía subir a temperatura, a cal é necesaria para sacar adiante os ovos.

Falounos da incubación artificial cunha máquina que trouxo á nosa aula e alí ollamos que a máquina de incubar funciona con enerxía eléctrica e ten un calefactor que lle dá unha temperatura constante de 38º un movemento continuo para arrolar e ventilar os ovos, tamén ten un depósito de auga para manter un ambiente húmido.

A incubación díxonos que dura 21 días.

Os  nenos e nenas estiveron a xogar e acariñando os pequenos pitiños nunha clase das que non se esquecen.

Outra vez grazas por facernos pasar uns momentos inesquecibles.

        O día 19 de outubro de 2017 organizamos no cole unha xornada adicada ao bádminton, un deporte rápido e vertixinoso que cada día ten máis practicantes e seguidores.

       Juan Manuel Vila (adestrador do club de bádminton Rachaplumas de Vigo), foi a persoa encargada de impartir as diferentes sesións en 3º, 4º, 5º e 6º de primaria.

       Durante a primeira parte de ditas sesións, Juan Manuel deunos unhas pequenas nocións teóricas deste deporte, recordando as orixes, regras e fundamentos básicos do mesmo.

       Como aspectos relevantes podemos destacar, por exemplo, que o bádminton introduciuse en España dende Vigo, que a pluma ou volante pode alcanzar velocidades superiores aos 400 Km/h (nun partido profesional) e que no noso país temos unha campioa olímpica e mundial como é Carolina Marín.

       Na segunda parte das sesións, as nenas e nenos realizaron xogos e actividades nas que puxeron en práctica as súas habilidades coa raqueta.

      Por último, queremos agradecer a Juan Manuel Vila a súa presenza no noso cole, xa que nos fixo pasar unha xornada moi divertida practicando un deporte do que el é un gran coñecedor. MOITAS GRAZAS!!!

(Clicando en cada unha das fotos pódese ver unha mostra do ben que o pasamos)

Eva Deza, técnico en Educación Ambiental, ofreceunos a posibilidade de levar a cabo o seu proxecto "CAMIÑO DO MONTE". Guiados por ela, o alumnado de cada curso realizou o roteiro didáctico “A senda dos sentidos” para coñecer a flora e a fauna da contorna do noso centro.

Agradececemos á ANPA a súa colaboración nesta actividade pero sobre todo…

MOITÍSIMAS GRAZAS A EVA DEZA por compartir connosco os seus coñecementos.