O día a día

COCIÑA CON CLAN

O venres pasado despedimos a semana cun obradoiro moi saboroso e saudable!!! Distribuímosnos en dúas quendas os pequenos de 1º, 2º e 3º na primeira e os maoires de 4º, 5º e 6º na segunda. Participamos nunha charla sobre a mellor alimentación para nós. Carlota e Mireia, monitoras da Fundación “Patrimonio Comunal Olivarero”, nos contaban a importancia de levar unha alimentación nutritiva e equilibrada ao tempo que comentaban imaxes e vídeos sobre a pirámide da alimentación saudable.
Despois da charla baixamos ao comedor, tamén en dúas tandas, e elaboramos unha ensalada moi variada e especial con forma de árbore; así descubrimos o divertido que é cociñar e o ricos que están algúns alimentos que non nos podiamos imaxinar ou que antes case odiabamos! De feito, os pequenos saímos do comedor berrando: “queremos máis, queremos máis!!!!” Tamén nos ensinaron de onde proceden moitos dos alimentos que temos no noso frigorífico.



Agradecemos á Fundación “Patrimonio Comunal Olivarero” a súa oferta ao noso centro para a realización desta actividade. Esperamos repetila o curso que vén, se non é exactamente igual, claro!!!!

		Un curso máis participamos na estupenda actividade de " Madriñas e Padriños Lectores" na EEI Monte da Guía. Este ano o alumnado de 4º xunto coa súa profe Eva foron os encargados de levala a cabo.
Escollemos con mimo e esmero os contos que lles iamos ler aos nosos compañeiros pequerrechos. Practicamos a lectura na clase durante varios días e algúns de nós, os que nos atrevemos cos máis difíciles, tamén o fixemos na casa porque... "A cousa tiña que sair... PERFECTA!!!"

	Así que, ensaiamos unha e outra vez, escenificando e esaxerando todo o que podiamos para que as historias resultaran amenas. Nos contos de risa tiñamos que facer algunha que outra pallasada, nos de medo intentabamos meter algún sustiño poñendo voces graves e roncas... e nos de poesía procuramos ler coa cadencia propia deste xénero para que os cativos repetiran os vocablos finais connosco.
A cambio do noso esforzo recibimos dos peques todo o seu entusiasmo e atención ademais duns bonitos marcapáxinas e uns lapis especiais, xigantes e flexibles cos que as profes ás veces nin nos deixan escribir! :(
Pero... que supón para nós? Para nós... ir ao "cole de arriba", aínda que sexa por un curto anaco de tempo, énchenos de ledicia e morriña ao recordar esa bonita etapa da nosa andaina na que comezamos o marabilloso e inesgotable camiño da aprendizaxe!!!! :))