Blogues

Todos somos Uma nalgún momento. A través desta lectura o alumnado de segundo achegouse á concienciación contra o acoso escolar que se celebra o 2 de maio.

Elaboramos avións e barcos para seguir a nosa viaxe sendo moi moi., moi rarxs!

A semana pasada o alumnado de segundo e terceiro B tiveron unha visita moi especial, a da nosa alcaldesa Paula Alvarellos. Nela puideron facerlle moitas preguntas sobre  seu traballo e tamén algunha que outra suxestión como a limpeza dos parques ou a necesidade de poñer un paso de peóns para cruzaren cando van á piscina.

Con motivo do Dia do Libro, tivemos na biblioteca unha sesión de contacontos en inglés coa colaboración de Lillie, a  nosa auxiliar de conversación das seccións bilingúes, e coa axuda dos alumnos de 6º de primaria que nos relataron o conto de "How Maui caught the sun".

Tamén contamos coa colaboración dos rapaces de prácticas que nos relataron este mesmo conto en castelán : "¿Cómo Maui capturó el sol?", para infantil e primeiro ciclo de primaria.

O alumnado de segundo celebra o Día do Libro elaborando a coñecida flor de Sant Jordi que levaron de agasallo para as súas casas.

Foi todo un proceso manual!

Nesta terceira sesión da Hora Muse o alumnado de segundo estivemos continuando o noso Bosque da diversidade.

Que necesario é entender e valorar a importancia de que cada quen pode brillar con luz propia e de que xuntos somos máis fortes!

Hoxe o alumnado de primeiro con motivo do Día do Libro contamos o conto: As manchas de Palmira, no que seguimos traballando co proxecto dos animais e valoramos a importancia da nosa historia persoal.

Logo elaboramos este bonito marcapáxinas.

Esta semana os alumnos e alumnas de primeiro estivemos traballando con Lara, a profe de prácticas a táboa do 100 a través de pequenos retos.

Dende formar casiñas con números pares e impares, ordenar os números nunha longa serpe, facer un ditado colorido, practicar a escritura de todos os números e ata crear un código de díxitos para escribir o seu nome.

*GRAZAS POR TODO O APRENDIDO*

Este luns, 22 de abril, anticipándonos ó Día do Libro, gozamos ca obra de monicreques chamada "Pingüin", a nova obra de Afundación, no auditorio "Gustavo Freire".

 * Fotos orixinais da segunda composición escollidas da guía didáctica, facilitada na páxina de Actividades escolares Afundación - Obra Social Abanca:  https://escolares.afundacion.org/es/actividad/pinguin/