O pasado venres, 1 de marzo, o nenos e nenas xunto cos seus mestres e mestras compartiron coa xente da vila de Maceda a maxia do circo. Leóns, mestras de ceremonia, paiasos, mulleres barbudas, arlequíns, maiorettes, elefantes, magos e mimos fixéronnos voltar aos tempos da nenez. Ademais de contar con numeroso grupo de "Felos" que abrían este desfile. Non vos perdades a reportaxe fotográfica.

Na tarde do xoves, os nenos e nenas de todo o cole fixemos un pouco de deporte e e moitas gargalladas nos "xogos populares de entroido".

Corrimos cons pés atados, dentro dun saco, cunha culler na boca tendo conta dun ovo... e para pechar esta xornada, o tradicional xogo de "botar a ola", que a mais dun grupo se lle fixo case imposible non esnaquizar a ola!

Este ano o Cole de Maceda convértese nun gran "CIRCO" para o Entroido. Atoparedes todos os números presentes baixo a carpa da maxia. Para ir entrando na temática, ollade este cartaz .

Os nenos e nenas de Infantil acudiron ao Auditorio Municipal de Ourense para ver unha obra de teatro, "Burbullas de papel". Este espectáculo gañou o Premio ao mellor espectáculo familiar 2014 na Feria de Teatro de Castilla-León (Ciudad Rodrigo).Esta performance, ausente de palabras, combina danza, música e interacción multimedia, creando unha proposta visual e plástica que xoga coa imaxinación dos nenos para ir a un mundo fantástico.