Blog A Pedra
DESCUBRINDO O BALONMÁN
Enviado por Goretti Cordeiro o Xov, 17/11/2022 - 10:08
O luns día 7 de novembro viunos visitar Diego, un exalumno do colexio, en representación do Club Balonmán Bueu e a través do programa Xogade. A súa proposta era darnos a coñecer un pouco máis este deporte e por iso ofreceuse a organizar un par de sesións para os nenos-as de 4º de Primaria durante catro semanas seguidas. Ensinounos como agarrar e botar correctamente a pelota, os tipos de lanzamentos e pases que hai e algunha que outra regra para movernos axeitadamente pola pista. A verdade é que aprendemos un montón de cousas.
Foi un experiencia moi DIVERTIDA e resultou XENIAL. Grazas Diego volve cando queiras.
O MAGOSTO
Enviado por Goretti Cordeiro o Mar, 15/11/2022 - 18:32
Un ano máis cando chega o” San Martiño trompos ó camiño” contamos coa visita dalgún dos compoñentes da asociación Corredoiras e as castañas asadas de Ramón.
Veñen para ensinarnos o seu valioso TESOURO, a recomplilación de xogos populares e tradicionais da nosa cultura e doutras, moitos dos cales xa xogaban os nosos pais-nais, avos-as… noutros tempos.
Algúns destes xogos xa non se constrúen e son moi difíciles de atopar, pero aínda nos seguen entretendo e divertindo a todos-as.
Grazas Correidoras polo voso tempo e por facernos pasar unha mañá diferente e moi divertida. Esperámosvos para o vindeiro ano.
VIVIMOS A PREHISTORIA
Enviado por Silvia García o Lun, 14/11/2022 - 00:31Ao principio de curso aproveitamos para facer un repaso da Prehistoria e tivemos a gran sorte de contar con dúas charlas de excepción e unha excursión a Campo Lameiro.
Na primeira charla, Ramón dounos unha explicación sobre “petroglifos”. Tamén nos contou como Martín e máis el reproduciron algúns deles no noso patio do colexio.
Grazas Ramón por dedicarnos o teu tempo!
Na segunda charla, contamos con Ángel Vieites Rúa, estudante de Historia pola Universidade de Vigo en Ourense e que foi alumno deste cole, para falarnos dos “estereotipos sobre a muller na Prehistoria”.
Moitas grazas Ángel, continúa así e moito ánimo!
Para rematar, fixemos unha visita ao Parque Arqueolóxico de Arte Rupestre de Campo Lameiro onde aprendemos como rexistrar os petroglifos.
XA CHEGOU O MAGOSTO!!
Enviado por Anónimo o Sáb, 12/11/2022 - 23:09O mércores 9 de novembro celebramos o magosto no cole.
Coma noutros anos, tivemos a gran sorte de contar coa ASOCIACIÓN CORREDOIRAS, que nos prestou uns divertidos xogos tradicionais. Pasámolo xenial!!
Despois de moita diversión, chegou a hora de repoñer forzas comendo unha boa presada de castañas!
Que boas estaban!!
Clicade na imaxe para ver o vídeo deste día tan divertido.
XOGANDO NO MAGOSTO!
Enviado por Marta Valbuena o Sáb, 12/11/2022 - 18:30O mércores día 9, celebramos o MAGOSTO na escola e como non podía ser doutro xeito fixémolo xogando. A asociación CORREDOIRAS, prestounos uns xogos tradicionais que nos gustaron moito e fomos rotando por equipos para coñecelos todos. Como premio, comemos as castañas asadas que estaban boísimas. Foi unha xornada estupenda!
CHEGOU O MAGOSTO E OS SEUS XOGOS TRADICIONAIS!
Enviado por Susi Fernandez o Ven, 11/11/2022 - 13:45O mércores 9 de novembro todo o cole de A Pedra celebrou o magosto. A rapazada trouxo unhas poucas castañas picadas da casa e Ramón as estivo asando no patio.
Pero antes de comelas, a organización Corredoiras preparounos uns xogos tradicionais! Divertímonos moito coa billarda, os bolos miniatura, os trompos e moitos outros xogos máis...
Despois de hora e media de diversión chegou a hora de papar as castañas! Menuda panzada!
Nos seguintes vídeos poderedes ollar o ben que o pasamos!
Vídeo de 3ºA e 3ºB
Vídeo de 4ºA e 4ºB
Queremos agradecer ás familias, a Ramón e á organización Corredoiras a súa participación e por suposto a toda a rapazada do centro polo seu entusiasmo.
Ata o vindeiro curso!!
RETO MATEMÁTICO
Enviado por Anónimo o Lun, 07/11/2022 - 22:52Hoxe comezamos unha nova actividade para mellorar a nosa Competencia Matemática.
Cada venres, aparecerá na parte dianteira do nosa caixa de correo un novo RETO MATEMÁTICO que debemos intentar solucionar.
ACEPTAS O RETO??
Non esquezas que as persoas que consigan solucionalo....
terán un pequeno agasallo!!
ANÍMATE A PARTICIPAR!!!
O SAMAÍN NA ESCOLA
Enviado por Blanco Rodrígue... o Dom, 06/11/2022 - 18:24A última semana de novembro celebramos o Samaín na escola. Realizamos diversas actividades, comezamos elaborando unha sorte para un mural colectivo que colocamos na entrada da escola. Cada nivel inventou unha sorte que os nenos e nenas aprenderon de memoria e, agora, da gusto ver como a empregan nos seus xogos e nos equipos de clase para decidir algo.
SORTE DE 1ºA
VELLIÑA, VELLIÑA
CANTOS BURACOS
TEN A CABACIÑA?
EU NON CHE SEI
NON OS CONTEI!
UN, DOUS, TRES
CATRO, CINCO, SEIS.
SORTE DE 1ºB
PANTASMA, PANTASMÓN
3 BRUXIÑAS E UN PAPÓN.
O PAPÓN ESTABA TORTO,
AS BRUXIÑAS NO HORTO.
TRIS, TRAS,
CABACIÑA FÓRA ESTÁS!
Nas súas casas decoraron cabazas XOGUETONAS porque tiveron como fonte de inspiración o tema deste curso "MOITO MÁIS QUE XOGO"
O venres 28 de novembro como non podía ser doutro xeito, o alumnado de 1º veu moi disfrazado, daban moito medo!!!
INAUGURACIÓN DA RECOLLIDA DE DATOS NA CASETA METEREOLÓXICA
Enviado por Silvia García o Ven, 04/11/2022 - 21:33ANIVERSARIO DE PAPIRUS
Enviado por Blanco Rodrígue... o Xov, 03/11/2022 - 22:31Para conmemorar o día das Bibliotecas Escolares que se celebra o 24 de outubro, realizamos co noso alumnado de 1º de primaria diversas dinámicas na biblioteca da escola, coa finalidade de que a coñezan e esperte neles o gusto polos libros e pola lectura. Entre as actividades que desenvolvemos destacan as seguintes:
- Escoitar o conto da nosa mascota Papirus.
- Cantar a canción de Papirus e aprender o retrouso en lingua de signos.
- Felicitar a Papirus coa canción "Parabéns" e escoitar e bailar a canción de Parabéns de Uxía Lambona e a Banda Molona.
- Levar a cabo un xogo de pistas en equipo, para atopar na Biblioteca uns libros en diferentes zonas e andeis,
- Descubrir a sorpresa personalizada que lles escribiu Papirus a cada neno e nena de 1º de primaria.
- Facerlle un debuxo a Papirus para agradecerlle o seu regalo que cada quen leu con moita alegría. Os debuxos colocáronse no corredor do Bibliocastelo.
Aquí quedan algunhas fotos das actividades realizadas.
- « primeira
- ‹ anterior
- …
- 15
- 16
- 17
- 18
- 19
- 20
- 21
- 22
- 23
- …
- seguinte ›
- última »