Inicio

Blog A Pedra

SAÍDA AO FIC BUEU

Enviado por Marta Valbuena o Xov, 19/09/2024 - 19:42

Hoxe foi a nosa primeira saída da escola de primaria. Todos estabamos un pouco nerviosos por ir ao Centro Social para ver as curtas seleccionadas para nós polo FICBUEU.

As 5 curtametraxes que vimos gustáronnos moito e algunhas veces rimos a escachar! Xa na clase fixemos unha votación para ver cal foi a nosa favorita... e tivemos un empate entre O CARRUSEL e BALANZARSE ATA A LÚA.

Ademais, colaboramos coas nosas flores para decorar un xardín vertical chulísimo.

Pasámolo xenial!!!


»

AS OLIMPÍADAS DE PAPIRUS 4º

Enviado por José Ángel Graña o Ven, 16/08/2024 - 15:15

 

Ao longo do segundo e terceiro trimestre, nas clases de Educación Física, os nenos e nenas de 4º de Educación Primaria traballaron “As Olimpíadas”.

 

  

Durante as clases practicaron diferentes deportes olímpicos:

- Balonmán (deporte de equipo), dentro do programa “Xogade” da Xunta, no pavillón Pablo Herbello. Ao final disfrutaron dunha xornada de convivencia de balonmán coa rapazada do CEIP Montemogos de Beluso e CPR Virxe Milagrosa de Bueu no pavillón da Raña en Marín. 

- Bádminton (deporte individual), no pavillón de Bueu.

- Atletismo (deporte rei das olimpíadas) baixo o lema olímpico “Citius, Altius, Fortius”(máis rápido, máis alto, máis forte), levando a cabo distintas probas atléticas: velocidade, resistencia, triplo salto salto de altura, marcha, remudas, valados, salto de lonxitude, lanzamento de peso, disco, martelo e vortex (xavelina).

 

Remataron coa celebración das “Olimpíadas de Papirus de 4º" durante dúas xornadas:

  

- Cerimonia de apertura:

 

- Probas:

  

 

 

 

  

 

 

 

»

OLIMPÍADAS DE PAPIRUS 1ºB

Enviado por José Ángel Graña o Sáb, 06/07/2024 - 12:01

 

Durante o terceiro trimestre, nas clases de Educación Física, os nenos e nenas de 1ºB levaron a cabo, baixo o lema olímpico “ Citius, Altius, Fortius” (máis rápido, máis alto, máis forte), distintas probas das Olimpíadas de Papirus: velocidade, resistencia, salto de altura e de lonxitude, salto á corda, carreiras de remudas, salto á comba, lanzamento de peso, vórtex...

 

 

 

 

 

Rematamos as Olimpíadas de Papirus cunha saída ao campo da Estacada, onde fixemos lanzamentos de xavelina.

 

 

Despois baixamos á praia da Banda do Río, onde realizamos diversos xogos na area: á pita circular, á partida, tiro á corda, carreiras de remudas, ao bordon e búsqueda do tesouro.

 

 

 

Voltamos ao cole cheos de ledicia e emoción!!!

 

 

»

Concurso Illas Atlánticas

Enviado por Susana Simoes o Mar, 25/06/2024 - 22:22

Este curso traballamos moito, pero de todos os proxectos que fixemos hai un do que nos sentimos especialmente orgullosxs: o noso proxecto sobre o Parque Nacional das Illas Atlánticas. 

Todo comezou alá polo 1º Trimestre, cando viñeron Suso e Bea, das Illas Atlánticas, a falarnos do parque nacional e dos seus ecosistemas. Logo, no segundo trimestre, aproveitando o traballo que xa levamos anos facendo na caseta meteorolóxica (do Proxecta Meteoescolas) introducímonos a estudar os climas. Isto permitiunos enlazar cos ecosistemas, centrándonos nos ecosistemas do PN das Illas Atlánticas. Podedes ver algunha foto a continuación dos traballos grupais e das presentacións que fixemos. 

Decidimos presentarnos a un concurso que organizaba o PN das Illas Atlánticas, e creamos un Xogo de mesa: custounos chegar a un consenso e decidir como queriamos que fose o xogo, pero unha vez feito isto xa nos puxemos mans á obra: elaboramos un PASAAILLA. Ao estilo dun pasabalabra, co Plotter de corte e manualmente, elaboramos os taboleiros. Logo investigamos na biblioteca do centro, nos libros que trouxeron as profes e en interntet sobre os catro arquipélagos: Ons, Cíes, Cortegada e Sálvora. Despois, con toda a información que tiñamos, preparamos as tarxetas con preguntas para poder xogar. 

E, sabedes que? Gañamos o concurso e o premio foi unha viaxe ás Illas Cíes! Que ben o pasamos!

Estamos tan motivados con esta experiencia, que o curso que vén estamos desexando volver participar!

»

OS FURABOLOS E O TEMPO

Enviado por Marta Valbuena o Mar, 25/06/2024 - 12:43

Os Furabolos da Pedra, alumnado de 5º de infantil non podía ser menos e tamén traballou co tempo. Representaron o mapa do tempo de Galicia e recitaron refráns tradicionais.

Premede na imaxe para ver o ben que o fixeron!

»

OS LARETAS E O TEMPO

Enviado por Marta Valbuena o Mar, 25/06/2024 - 12:37

Na aula dos e das Laretas, alumnado de 6º de infantil, cada día hai un protagonista que pinta un rectángulo da columna correspondente, segundo o tempo que faga ese día: sol, chuvia, nubes...

A fin de mes, contamos cantos hai en cada columna para ver o tempo que predominou ao longo do mes e o representamos cun número e material manipulativo.

 

»

OS TRASNOS E O TEMPO

Enviado por Marta Valbuena o Mar, 25/06/2024 - 12:25

Os trasnos, alumnado de 4º infantil, cada día rexistramos no calendario o tempo atmosférico. Ao finalizar cada mes creamos o nome do mes con letras móbiles e a gráfica do tempo cos number blocks.

»

OS PELOUROS E O TEMPO

Enviado por Marta Valbuena o Mar, 25/06/2024 - 12:05

Ao longo de varios meses do curso, o alumnado de 5º infantil do grupo PELOUROS, observaron e mediron o tempo, que despois rexistraban ao rematar cada mes cun reconto matemático representado de diferente xeito.

Podedes entrar en cada un dos meses para ver o seu traballo.

OUTUBRO

http://pelourosdebueu.blogspot.com/2023/11/meteoescolas-o-tempo-en-outubro.html

XANEIRO

http://pelourosdebueu.blogspot.com/2024/02/tempo-en-xaneiro.html

FEBREIRO

http://pelourosdebueu.blogspot.com/2024/03/tempo-en-febreiro.html

MARZO

http://pelourosdebueu.blogspot.com/2024/04/tempo-en-marzo.html

ABRIL

http://pelourosdebueu.blogspot.com/2024/05/tempo-en-abril.html

MAIO

http://pelourosdebueu.blogspot.com/2024/06/tempo-en-maio-estivo-ben-repartido.html

Moi ben, Pelouros! Fixéstelo xenial!!!

»

MINIOLIMPÍADAS NA PRAIA

Enviado por Goretti Cordeiro o Lun, 24/06/2024 - 08:52

MINIOLIMPÍADAS NA PRAIA 

Estes días aproveitando o bo tempo e para rematar este curso, baixamos ata a praia da Banda do Río para celebrar as nosas particulares Miniolimpíadas de Papirus.

Os días previos confeccionamos o facho olímpico, que nos ía acompañar no noso camiño, e as bandeiras, que nos axudaron a organizarnos por equipos mesturando idades e cursos (os aros olímpicos, de cor branca; a candea olímpica, de cor amarela; o caldeiro olímpico, de cor vermella, e as mascotas, Les Phryges, de cor azul). Tamén preparamos coroas de oliveira para os participantes pola súa colaboración, esforzo e ilusión.

Finalizados todos estes preparativos, xa só nos quedaba achegarnos ata a praia para gozar das distintas probas que tiñamos que realizar: lanzamentos de vortex ou xavelina, salto de lonxitude, remudas con entrega de testemuño e dobres con raquetas. Unha vez que todxs pasamos polas catro probas, demos por clausuradas as nosas Miniolimpíadas coa entrega das coroas de oliveira.

Para rematar, fixemos unha recollida selectiva de todo aquilo que atopamos pola praia e que non forma parte da natureza como plásticos, papeis, cartóns, botes, cristais, latas... para poder seguir gozando deste espazo o maior tempo posible.

Esperamos que desfrutarades da convivencia porque ese era o noso obxectivo, aprender convivindo deixando de lado a competitividade que moitas veces nos desborda. Grazas aos titores pola súa colaboración e a Lina e a Suso pola súa paciencia. E con isto damos por rematado un ano olímpico.

 

BO VERÁN!

 

»

Meteoescolas

Enviado por Susi Fernandez o Ven, 21/06/2024 - 15:30

O alumnado de 3º, coma cada ano, participamos na recollida de datos meteorolóxicos en dúas semanas do curso escolar.

Fomos ao inicio da xornada á caseta meteorolóxica no patio da escola para recoller a chuvia do pluviómetro e medir a cantidade que había, ademais das temperaturas máximas e mínimas.

Tamén realizamos un recopilatorio de refráns do tempo.

 Encántanos convertirnos en meteorólogos e meteorólogas por uns días!

»
Distribuir contido