IES Xoán Montes |

CONFERENCIA: COMO GESTIONAR TUS EMOCIONES Y TUS CONFLICTOS EN LAS REDES SOCIALES.

O luns 27 de febreiro tivemos a sorte de contar coa presencia do ponente Guillermo Cánovas que, ao longo do día, acompañounos a alumnado, profesorado e familias para adentrarnos no complexo tema de: COMO GESTIONAR TUS EMOCIONES Y TUS CONFLICTOS EN LAS REDES SOCIALES.

O profesor e escritor Guillermo Cánovas é un referente a nivel nacional e no uso da internet e os menores e "saúde dixital". Na actualidade dirixe Educalike, un observatorio para a promoción e uso saudable da tecnoloxía. Pola súa labor en favor da infancia, entre outros recoñecementos, outorgouselle o premio UNICEF no ano 2013.

Ao longo da sesión, impartiu distintas charlas. Ao alumnado explicoulles como afecta o uso das redes sociais ao noso organismo, relacións e rendemento escolar. Para o profesorado efoi realmente clarificadora a información sobre o uso das redes sociais que fanos nosos adolescentes.

Leer máis

Obradoiro teatral para promover a cohesión grupal en 3º ESO

Ao longo da 2ª avaliación o alumnado de 3ºESO levou a cabo un programa de obradoiro teatral para promover a cohesión e cooperación grupal dentro de cada grupo. O obradoiro tivo unha duración de 8 sesións de titoría e integrouse dentro do Contrato programa Inclue-T.

Tivemos a fortuna de contar con Maisqueteatro, dito doutro modo, Rocío e Elea que dun xeito esclarecedor, motivador e moi práctico, axudáronnos a afondar nas emocións simples e complexas, na expresión e recoñecemento do corpo e a voz, na resolución de conflitos, na inclusión, entre outros moitos contidos clave para cohesionar un grupo.

O obradoiro foi valorado de xeito moi satisfactorio por todo o alumnado. Para as titoras foi un pracer seguir aprendendo sobre a metodoloxía e dinámicas para seguir traballando estes aspectos na titoría.

Maisqueteatro e Contratos Programa. Marta Coria. CC BY-SA

Leer máis

Visita aos Xulgados. Programa Educar en Xustiza.

Na segunda avaliación, o alumnado de 1ºBAC visitou os xulgados de Lugo no marco dunha actividade complementaria organizada dende o Departamento de Economía e Xeografía e Historia.

Esta actividade está enmarcada dentro do Programa Educar en Xustiza que promove o Consello Xeral do poder xudicial. Traballouse previamente na clase cun material didáctico que nos remitiron do programa para familiarizarnos co vocabulario específico, organización do poder xudicial en España e poder coñecer mellor o seu funcionamento.

Despois, tivemos a ocasión de asistir ao xulgado nº2 e a Audiencia Provincial. No caso do xulgado de instrución, o alumnado tivo ocasión de presenciar diversos xuízos ao longo da mañá, así como recibir a explicación da xuíza que amablemente contestou todas as dúbidas xurdidas. O grupo que visitou a Audiencia Nacional tivo a ocasión de presenciar un dos xuízos máis mediáticos da nosa provincia: o doble asasinato de Cash Record. Antes de iniciar o xuízo, explicáronnos como se ía desenvolver o proceso.

Como peche da actividade, na clase representamos ao resto do alumnado os distintos xuízos aos que asitiron.

Visita aos xulgados do Programa Educar en Xustiza. Marta Coria. CC BY-SA

Leer máis

Folga do 25 de abril

Información relacionada coa folga do día 25 de abril

1 adxunto

Período de admisión

Do 1 ao 20 de marzo estará aberto o prazo para solicitar a admisión do novo alumnado neste centro.

Información aquí

HORARIO CURSO 2023/24

O horario solicitado á Xefatura Territorial dende o curso 2020/21 foi definitivamente aprobado no presente curso escolar, previa solicitude de novo por parte do Consello Escolar, polo que se aplicará por primeira vez no curso 2023/24.

Este horario, que poden consultar no enlace,supón a supresión da tarde do luns.

1 adxunto

Excursión a Lalín: "A casa do patrón"

O departamento de Lingua Galega organizou a excursión á Casa do patrón en Lalín, un museo etnográfico onde se conservan útiles e ferramentas tradicionais que se usaban na taberna, tear, escola, etc. Ademais, de visitar o museo, o alumnado tivo ocasión de desgranar mazarocas de millo e facer boliños de pan.

Posteriormente, visitaron o Museo do Xoguete no Pazo de Liñares, onde puideron coñecer xoguetes antigos. Foi unha xornada moi divertida e de descubrimento para todo o grupo!

Casa do Patrón en Lalín. María Souto

Visita aos museos científicos da Coruña

O alumnado de 1º e 3º ESO vistou a semana pasada os Museos Científicos da Coruña nunha actividade organizada polo Departamento de Bioloxía.

Na Domus tiveron a ocasión de participar na disección dun corazón de porco. Ao longo dun percorrido interactivo coñeceron distintos aspectos sobre a especie humana. Unha das cousas que máis lles gustou foi a medición da potencia de tiro nunha portería de fútbol, a cinta de correr para medir as pulsacións ou o vídeo sobre o parto.

No Acuario Finisterrae desfrutaron de numerosos animais marinos: peces, pulpos, focas, medusas e cabaliños do demo, etc. así como coñecer ao famoso tiburón touro Gastón.

Despois de comer, finalizaron a visita na Casa das Ciencias e Planetario onde desfrutaron dunha proxección dun vídeo sobre a Terra e o Universo, así como de moitos módulos que lles permitiron xogar e experimentar sobre aspectos relacionados co movemento dos péndulos.

Leer máis

OBRADOIRO PARA AS FAMILIAS: INSCRICIÓN ATA O LUNS 30 DE XANEIRO

O pasado mércores, 18 de xaneiro contamos coa presenza de Carmen Sarmiento que deu unha charla dirixida ás familias: Ante o conflito: loita ou conexión.

Quedamos moi compracidos e agradecidos de escoitar da importancia dun cambio de visión con respecto a conflitividade, procurando a conexión. Nas próximas semanas faremos uns obradoiros para familias que serán os seguintes mércores de 18:00 a 20:30 na Biblioteca do centro: 1, 8, 15 de febreiro e 1 de marzo.

AS FAMILIAS PODEN APUNTARSE ATA O LUNS 30 DE XANEIRO ENVIANDO UN CORREO A inesiglesias@iesxoanmontes.gal

Carmen

Charla "Ante o conflito loita ou desconexión". Marta Coria. CC BY-SA

Leer máis

Diego As no IES Xoán Montes

No IES Xoán Montes empezamos o novo ano 2023 con actividade!

A AMPA organizou un encontro con Diego As, o autor do mellor graffiti do mundo. Alumnado, familia e profesorado tivemos a ocasión de coñecer a traxectoria deste recoñecido artista da cidade. Nunha conversa distendida á par que emocionante, Diego compartiu con nós momentos dos seus comezos durante a infancia enchendo cadernos de cores, da súa adolescencia na que reafirmou a súa paixón por esta técnica e o período de madurez artística no que se atopa.

Puidemos coñecer da man do protagonista os detalles do mural de 20 metros de Julio César que está tan próximo ao noso centro: o proceso de deseño e bocetaxe, as xestións burocráticas, a preparación do muro, marcaxe de volumes, cores, orzamentos, tempos, mantemento e durabilidade da obra e... o prestixio internacional acadado!

Moitas grazas Diego por achegarte a pasar un tempo con nós, ao tempo que nos achegas á arte urbana da nosa cidade e, sobre todo, por facelo dun xeito tan próximo e xeneroso.