Introdución
As probas de acceso aos ciclos formativos de grao medio van dirixidas ás persoas que non cumpran os requisitos académicos de acceso a ciclos formativos de grao medio.
Para poder concorrer á proba é necesario ter cumpridos dezasete anos ou cumprilos no ano natural de celebración da proba.
A proba divídese en tres partes:
- Parte sociolingüística: Lingua castelá, Lingua galega, Ciencias sociais.
- Parte matemática: matemáticas.
- Parte científico-técnica: Ciencias da natureza, Tecnoloxía.
A proba dará lugar a obtención dunha certificación na que constará a nota final lograda e a cualificación obtida en cada unha das partes que a compoñen.
A certificación da superación da proba dará acceso a calquera ciclo formativo de grao medio, nas condicións de admisión que se establezan.
Prazo de presentación de solicitudes
O prazo de presentación de solicitudes é do 3 ao 16 de marzo de 2022, ámbolos dous incluídos.
Lugar de presentación de solicitudes
Considérase centro de inscrición calquera centro público dependente da Consellería de Cultura, Educación e Universidade con oferta de formación profesional.
Recoméndase usar como centro de inscrición o máis próximo ao domicilio habitual, posto que calquera outro trámite posterior á inscrición deberá realizarse exclusivamente no centro de inscrición elixido. Ademais, a sede de exame que se lle asigne será un centro próximo ao devandito centro de inscrición.
Confección da solicitude
As solicitudes deberán realizarse telematicamente empregando o asistente informático dispoñible na aplicación Ciclosprobas (premer no enlace)
O asistente facilita o proceso de crear unha solicitude de inscrición nas probas de acceso de grao medio. A aplicación xera unha instancia para imprimir que se deberá presentar nun centro de inscrición xunto coa documentación que se indique na propia instancia. En tanto que non se efectúe este trámite, non quedará feita a matrícula.
As solicitudes presentadas por usuarios maiores de idade dos cales se dispoña de todos os seus datos e que empreguen algún sistema de autenticación serán validadas automaticamente, polo tanto non será necesario presentalas en ningún centro de inscrición.
Data e hora da proba
A proba realizarase o 25 de maio de 2022, no seguinte horario:
Presentación: ás 9:00 horas.
Partes matemática e sociolingüística da proba:
– Das 09:30 ás 13:30 horas (Matemáticas, Lingua galega, Lingua castelá e Ciencias sociais).
Parte científico-técnica da proba:
– Das 16:00 horas ás 18:00 horas (Ciencias da natureza e Tecnoloxía).
Lugar de realización da proba
O día 19 de abril farase público o lugar ou os lugares onde se realizarán as probas. Esta listaxe publicarase nos centros de inscrición e na páxina web https://www.edu.xunta.gal/fp/. A sede de realización da proba determínase en función do centro de inscrición empregado e, en principio, tratarase dalgún centro público próximo a este.
Máis información
Toda a información e a documentación referente ás probas de acceso aos ciclos formativos poderá consultarse premendo este enlace, así como na Secretaría e no Departamento de Orientación do IES Xermán Ancochea.