Un desfile de entroido... en diferido e a través das pantallas! O entroido non se deixou de celebrar este ano, aínda que se fixo baixo novos formatos, diferentes, pero seguros e divertidos.
Durante as últimas semanas os diferentes grupos estiveron preparando as súas coreografías nas clases de Educación Física e nas Titorías. O venres 12 puidemos gozar do traballo dos compañeiros e as compañeiras.
4º ESO D gañou o desfile co seu número "Around the world". 2º ESO D e 4º ESO A completaron os tres primeiros postos, que se decidiron pola votación pública dos grupos participantes. Podedes ver todas as actuacións na canle da Biblioteca en Youtube.
Ademais, 11 grupos participaron na modalidade "Photocall Centros Educativos" do Confientroido, o programa que organizou o Concello de Soutomaior e ao que podedes acceder premendo aquí.
