Logo destas anómalas vacacións de Semana Santa, iniciamos o terceiro trimestre coa reanudación da actividade lectiva non presencial retomando rutinas escolares.
A falta de que se diten instrucións por parte da Consellería, que concreten medidas específicas para o desenvolvemento do que resta de curso, de momento retomaremos a actividade mediante tarefas fundamentais dos contidos das materias.
Este mércores, 15 de abril, reúnese a Conferencia Sectorial de Educación, polo que esperamos ter un comunicado oficial sobre medidas que se deben adoptar. Seredes convenientemente informados/as de calquera novidade en canto teñamos coñecemento.
Non queda máis que animarvos nestes difíciles momentos, e nestas peculiares circuntancias, nós trataremos de seguir prestando a mellor axuda posible.
