Segundo a resolución definitiva publicada hoxe, o noso centro vén de ser seleccionado pola Dirección Xeral de Educación, Formación Profesional e Innovación Educativa para poñer en marcha accións de Apoio, Reforzo de Competencias e Orientación (Programa Arco) coa finalidade de desenvolver medidas encamiñadas cara a un sistema educativo de calidade que garanta a equidade, a igualdade de oportunidades, a atención á diversidade e que posibilite que cada alumno e cada alumna desenvolva ao máximo as súas potencialidades.
En concreto, ao IES de Soutomaior foille concedida a Liña 2, orientada ao alumnado de 1º da ESO, e concrétase co reforzo dun docente de apoio que desenvolverá o seu labor co alumnado deste curso na aula ordinaria en coordinación co Departamento de Orientación e o profesorado das diferentes materias.
