|
|
 |
O alumnado minutos antes de comezar a proba
O pasado xoves día 21 de abril un pequeno grupo de alumnos e alumnas de 3º da ESO participou na fase rexinoal do concurso Matemáticas na Raia.
Matemáticas na Raia é un concurso de resolución de problemas por equipos que se desenvolve en Galicia e no Norte de Portugal, organizado conxuntamente pola Asociación Galega do Profesorado de Educación Matemática (AGAPEMA) e a Associação de Professores de Matemática de Portugal (APM).
Esta actividade ten carácter anual e fomenta o traballo colaborativo, participando nela clases completas (ou case completas) de 3º ESO en Galicia e 9º Grao en Portugal.
A proba consiste en resolver, en hora e media, cinco problemas matemáticos. Realízase o mesmo día, á mesma hora e cos mesmos enunciados en Galicia e Portugal.
Noraboa ao alumnado participante pola súa rápida intervención na resolución dos problemas e a súa capacidade para o traballo en equipo.
