A actividade dos clubes de lectura do instituto non cesa e nas últimas semanas foron varias as lcturas que o alumnado participante gozou e partillou de maneira amena e creativa. Este foi o caso do cómic Y entonces nos perdimos, de Ryan Andrews, que reuniu o alumnado de 1º ESO.
As impresións sobre a historia e os temas abordados, a valoración das pasaxes máis emocionantes e dos personaxes máis interesantes, como o oso pescador, Madame Majestic, Nate e Ben, deixaron paso á creatividade. E así foron os mesmos alumnos e alumnas quen se converteron en guionistas e reinterpretaron a obra coas súas ideas, co lapis e as cores.
Velaquí tedes unha pequena mostra do resultado. Están feitos uns artistazos e grandes lectores e lectoras.
