NOVAS:

NOVIDADES E CALENDARIO NOS CURSOS DA ESO

Este curso introducíronse por parte da Consellería algunhas novidades importantes na ESO, como a desaparición dos exames de setembro (convocatoria extraordinaria) e certas modificacións neste tramo final do calendario escolar.

Así, rematadas hoxe as sesións de avaliación do terceiro trimestre:

• Boletíns: mañá 10 de xuño será entregado a todo o alumnado da ESO o boletín de cualificacións, que estará tamén dispoñible para as nais/pais a través de Abalar a partir das 16.00 h.
• Clases: infórmase de que as clases continúan con normalidade para TODO o alumnado, con actividades tanto de reforzo e ampliación como de preparación das recuperacións daquelas partes da materia non superadas, prolongándose ata o mércores 22 de xuño, último día lectivo do curso.
• Recuperacións: se ben todo o período entre o 6 e 22 de xuño é avaliable, entre os días 20 e 22 o alumnado con partes por recuperar terá as últimas probas de recuperación.
• Avaliación final: rematadas xa as clases, as sesións de avaliación final por parte do profesorado faranse os días 23 e 27 de xuño.
• Boletíns con cualificacións definitivas. Os boletíns coas cualificacións definitivas do curso entregaranse ao alumnado, na súa aula de referencia, o día 28 de xuño, ás 10.00 h. achegándose tamén aos responsables por Abalar ás 16.00 h. dese mesmo día.
• Reclamacións: os días 28 e 29 son os días habilitados para solicitar revisión das probas e, no seu caso, presentar reclamación formal (na Secretaría, de 9.00 a 14.00 h).

NOVIDADES E CALENDARIO EN 1º DE BACHARELATO

Este curso introducíronse por parte da Consellería algunhas novidades importantes tamén no Bacharelato, con desaparición dos exames de setembro, pero NON da convocatoria extraordinaria, que pasa a realizarse entre os días 20 e 22 de xuño. Así, rematadas hoxe as sesións de avaliación do terceiro trimestre e ordinaria:

• Boletíns: mañá 10 de xuño será entregado a todo o alumnado de 1º Bacharelato, o boletín de cualificacións, que estará tamén dispoñible para as nais/pais a través de Abalar a partir das 16.00 h.
• Clases: infórmase de que as clases continúan con normalidade para TODO o alumnado en TODAS as materias, con actividades tanto de reforzo e ampliación como de preparación das recuperacións daquelas partes da materia non superadas (de ser o caso), prolongándose ata o mércores 22 de xuño, último día lectivo do curso. 
• Recuperacións (convocatoria extraordinaria): se ben todo o período entre o 6 e 22 de xuño é avaliable, entre os días 20 e 22 terá lugar a convocatoria extraordinaria para o alumnado con materias suspensas, cun calendario de exames establecido ao efecto pola Xefatura de Estudos e que se dará a coñecer na vindeira semana. 
• Avaliación extraordinaria: rematadas xa as clases e estas probas extraordinarias, as sesións de avaliación extraordinaria por parte do profesorado faranse os días 23 e 27 de xuño.
• Boletíns con cualificacións definitivas. Os boletíns coas cualificacións definitivas do curso entregaranse ao alumnado, na súa aula de referencia, o día 28 de xuño, ás 10.00 h. achegándose tamén aos responsables por Abalar ás 16.00 h. dese mesmo día.
• Reclamacións: os días 28 e 29 son os habilitados para solicitar revisión das probas e, no seu caso, presentar reclamación formal (na Secretaría, de 9.00 a 14.00 h).

NOVIDADES E CALENDARIO EN 2º DE BACHARELATO

Este curso introducíronse por parte da Consellería algunhas novidades importantes tamén no Bacharelato, con desaparición dos exames de setembro, pero NON da convocatoria extraordinaria, que pasa a realizarse entre os días 20 e 22 de xuño. Así: 

• Graduación/despedida: o venres 10 de xuño, ás 19.00 h, na Praza da Estrela (porto fluvial do Miño), terá lugar o acto de despedida e entrega de orlas para todo o alumnado de 2º Bacharelato.
• Clases: infórmase de que as clases continúan con normalidade para o alumnado con materias suspensas, sendo o período comprendido entre o 18 de maio e o 22 de xuño un prazo de tempo para a preparación xunto ao seu profesorado das probas de recuperación a afrontar entre o 20 e o 22.  Polo tanto, neste período, terase en conta a asistencia a clase, a realización de tarefas e as posibles probas que se fagan, e non só os exames dos días 20 a 22. O alumnado aprobado pero que desexe preparar as probas ABAU pode igualmente asistir a clase.
• Recuperacións (convocatoria extraordinaria): se ben todo o período entre o 18 de maio e 22 de xuño é avaliable, entre os días 20 e 22 terá lugar a convocatoria extraordinaria para o alumnado con materias suspensas, cun calendario de exames establecido ao efecto pola Xefatura de Estudos e que se dará a coñecer na vindeira semana. 
• Avaliación extraordinaria: rematadas xa as clases e estas probas extraordinarias, as sesións de avaliación extraordinaria por parte do profesorado faranse o día 23 de xuño.
• Boletíns con cualificacións definitivas. Os boletíns coas cualificacións definitivas do curso entregaranse ao alumnado, na súa aula de referencia, o día 27 de xuño, ás 10.00 h., pero achegaranse xa por Abalar aos responsables ás 22.00 h. do día 23 de xuño, unha vez rematadas as avaliacións.
• Reclamacións: os días 27 e 29 son os habilitados para solicitar revisión das probas e, no seu caso, presentar reclamación formal (na Secretaría, de 9.00 a 14.00 h).

Ante calquera dúbida, poden contactar do equipo directivo a través do teléfono ou enderezo electrónico do IES.

O noso alumnado tivo a posibilidade de escoller facer uso dun autobús para asistir ás probas de Avaliación de Bacharelato para o Acceso á Universidade (ABAU), que terán lugar o martes 7, mércores 8 e xoves 9 de xuño de 2022 na Escola de Enxeñería de Telecomunicación e na Facultade de Filoloxía da Universidade de Vigo.

Dito autobús, da compañía Suárez Araújo, sairá da Praza de Abastos de Tui, co seguinte horario:

• Martes 07: saída ás 08:00 e regreso ás 19:00
• Mércores 08: saída ás 08:00 e regreso ás 19:30
• Xoves 09: saída ás 08:00 e regreso ás 14:30.

Prégase puntualidade extrema, tanto na saída coma no regreso, para evitar retrasos innecesarios.

Onte, 18 de maio, publicouse no DOGA a convocatoria do fondo solidario de libros de texto e axudas para adquirir libros de texto e material escolar destinadas ao alumnado matriculado en educación primaria, ESO e educación especial para o curso escolar 2022-23.

O prazo para presentar as solicitudes empeza o 19 de maio e remata o 22 de xuño de 2022. 

As solicitudes poderanse presentar de varias formas:

1. Presentación da solicitude no centro cuberta de xeito manual (sen número de solicitude)
2. Elaboración da solicitude e xeración do número de solicitude a través da aplicación Fondolibros. Unha vez realizada a solicitude a través da aplicación, esta poderase presentar:
1. en papel de xeito presencial no centro educativo (con número de solicitude)
2. na sede electrónica da Xunta de Galicia (con número de solicitude)

Unha vez resolta a convocatoria, a listaxe provisional de admitidos publicarase como máximo o 11 de xullo de 2022. O prazo de reclamación ás listaxes provisionais serán os dous días seguintes aos da súa publicación.

Documentación que deberá acompañar a solicitude:

• Anexo II (comprobación de datos dos membros computables da unidade familiar).
• Copia do libro de familia ou documento equivalente, onde figure o alumno e os demais membros computables da unidade familiar. En caso de separación ou divorcio, ademais deberán achegar a sentenza xudicial e/ou convenio regulador onde conste a atribución da custodia do/da menor. Excepcionalmente (cando non sexa posible facelo polos medios anteriores), poderase acreditar o número de membros computables utilizando algún dos seguintes medios: 1º. Certificado ou volante de convivencia. 2º. Informe dos servizos sociais ou do órgano equivalente do concello onde resida a familia. Nos casos especiais, en que a composición da unidade familiar non se axuste ao sinalado no artigo 4.1 desta orde, achegarase un certificado ou volante de convivencia en que deberán figurar o/a alumno/a e todos os familiares que convivan con el/ela, ou un certificado dos servizos sociais do concello que acredite a situación familiar.
• Certificado de discapacidade do/da alumno/a ou calquera membro da familia non expedido pola Administración autonómica.
• Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero, cando o agresor forme parte da unidade familiar.
• Resolución xudicial de incapacitación con patria potestade prorrogada ou rehabilitada.
• Resolución administrativa ou xudicial acreditativa da situación de acollemento ou do certificado do centro de menores, para o alumnado en situación de tutela ou garda da Xunta de Galicia.
• Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor o titores carezan de DNI e NIE.

A Consellería de Cultura, Educación e Universidade ven de publicar as instrucións para o acceso e a admisión do alumnado ás ensinanzas Artísticas Superiores e ás ensinanzas Deportivas para o curso 2022-23. 

O prazo de solicitude de admisión para as ensinanzas Artísticas Superiores de Deseño estenderase dende o 22 de abril ata o 23 de maio, ambos os dous incluídos, no caso de precisar realizar a proba de acceso que substitúe ao requisito de titulación de bacharelato. Se este non é o caso, poderánse presentar as solicitudes ata o 23 de xuño incluído.

No caso das ensinanzas Deportivas, o prazo de inscrición na proba substitutiva do requisito de titulación de educación secundaria obrigatoria e/ou na proba específica de grao medio será o comprendido entre o 22 de abril e o 29 de xuño de 2022, ambos os dous incluídos. O prazo de inscrición na proba substitutiva do requisito de titulación de bacharelato será o comprendido entre o 22 de abril e o 23 de maio de 2022, ambos os dous incluídos.

Tes toda a información nos enlaces da sección Novas.