NOVAS:

Celebradas as probas ABAU de acceso á universidade, na súa convocatoria ordinaria, e publicadas xa as actas de cualificacións provisionais, queremos dar os nosos PARABÉNS A TODO O ALUMNADO DO IES SAN PAIO QUE CO SEU ESFORZO CONSEGUIU SUPERAR ESTA PROBA.

94% de APTAS/OS

• Dos 63 estudantes presentados nesta convocatoria resultaron aptos 59. 
• Ademais, 4 destas alumnas obtiveron máis dun 9 na cualificación final da parte obrigatoria:
• AROA FERNÁNDEZ VAZ
• MARTINA JUNCAL CORDO
• MARA MONTERO MORGADO
• SARA PARAMOS BAUTISTA
• E outras 14 alumnas/os obtiveron unha cualificación na parte obrigatoria entre 8 e 9:
• Marta Álvarez Núñez
• Laura Brito Mariño
• Candela Fernández Muíños
• Estela Fernández Rodríguez
• Aroa González Martínez
• Lara González Rey
• Íker Gutiérrez Guerra
• Keyla Iglesias Esteves
• Katiana Lorenzo Mota
• Ainhoa Losada Búa
• Lucía Méndez González
• Mateo Moroño Souto
• Mateo Rodríguez Rodríguez
• Paula Rusell Gómez-Valadés

Parabéns a todas/os polo voso traballo!

Acábase de publicar a Orde de 16 de maio de 2023 pola que se convocan prazas de residencia nos centros residenciais docentes de A Coruña, Ourense e Vigo para realizar estudios postobligatorios non universitarios no curso 2023/24 (DOG núm. 106, de 6 de xuño).

Prazo para presentar solicitudes:

1. Para o alumnado matriculado en bacharelato: do 7 de xuño ao 12 de xullo de 2023.

2. Para o alumnado matriculado en ciclos formativos: do 7 de xuño ao 1 de agosto de 2023.

As solicitudes deberán dirixirse ao respectivo centro residencial docente.

O venres pasado, 19 de maio, publicouse no DOGA a orde que regula a participación no fondo solidario de libros de texto e as axudas para adquirir libros de texto e material escolar.

A solicitude farase preferentemente en liña a través da sede electrónica da Xunta de Galicia: https://sede.xunta.gal/detalle-procedemento?langId=es_ES&codtram=ED330B e o prazo remata o vindeiro mércores 21 de xuño.

Recordamos que o alumnado do noso centro só ten dereito ás axudas para material escolar, xa que toda a ESO está dentro do programa de libro electrónico E-Dixgal.

Para resolver calquer dúbida pódese chamar ao centro en horario de 9:00 a 14:00.

A Estratexia Galega de Convivencia Escolar 2025 inclúe o seguimento e avaliación da convivencia escolar en Galicia mediante a realización dunha enquisa bianual nos centros educativos para a elaboración dun posterior dun informe de diagnose.

A recollida de datos en cada centro farase, de xeito automatizado e totalmente anónimo, a través dunha enquisa a realizar antes do vindeiro luns 22 de maio, unha para cada sector da comunidade educativa: alumnado (que a fará na aula co seu profesorado titor), familias, profesorado e persoal non docente.

Para poder facer a enquisa correspondente ás FAMILIAS, seguiremos estes pasos:

• Esta semana cada alumno/a levará para entregar na súa casa un impreso cunha clave ou código.
• A nai/pai/responsable legal debe acceder á seguinte ligazón: https://edu.xunta.gal/convfamil
• Responder ás preguntas e premer "Enviar" ao rematar o cuestionario.

Ante calquera dúbida, podes poñerte en contacto coa dirección do centro.

Grazas pola túa colaboración!