O venres pasado, 19 de maio, publicouse no DOGA a orde que regula a participación no fondo solidario de libros de texto e as axudas para adquirir libros de texto e material escolar.

A solicitude farase preferentemente en liña a través da sede electrónica da Xunta de Galicia: https://sede.xunta.gal/detalle-procedemento?langId=es_ES&codtram=ED330B e o prazo remata o vindeiro mércores 21 de xuño.

Recordamos que o alumnado do noso centro só ten dereito ás axudas para material escolar, xa que toda a ESO está dentro do programa de libro electrónico E-Dixgal.

Para resolver calquer dúbida pódese chamar ao centro en horario de 9:00 a 14:00.

A entrega de ordenadores ao alumnado de 1ESO terá lugar finalmente o vindeiro luns 12 de setembro ás 19.00 h a través das fiestras da aula da planta baixa da parte traseira do edificio. Cada unha das ventás corresponderase con un grupo (A, B, C e D).

Recórdase ás familias que o reparto farase exclusivamente á nai/pai/titor legal das/os alumnos/as, que deberán presentar o DNI e asinar o documento de entrega.

Na seguinte ligazón pódese atopar toda a información relativa ao Proxecto ABALAR, incluidos os aspectos relativos ao uso correcto do ordenador e á responsabilidade que implica dito uso, ao seguro voluntario que se pode contratar e instruccións sobre cómo proceder en caso de dúbidas ou avarías.

Finalmente, existe a posibilidade de contratar un seguro ou cobertura de Servicio Integral de Reparación. Premendo na ligazón pode consultarse toda a información sobre condicións e características do mesmo.